കണ്ണൂർ:യൂത്ത് കോൺഗ്രസ് പ്രവർത്തകൻ ശുഹൈബിന്റെ കൊലപാതകത്തിൽ സിബിഐ അന്വേഷണം ആവശ്യപ്പെട്ട് കെ.സുധാകരൻ നിരാഹാരം തുടരും. കേസിലെ യഥാർത്ഥ പ്രതികളെ പിടികൂടണമെന്ന് ആവശ്യപ്പെട്ട് സുധാകരൻ കളക്റ്ററേറ്റ് പടിക്കൽ നടത്തിവരുന്ന സമരം നാലാം ദിവസവും തുടരുകയാണ്. ഇന്ന് ഉച്ചയ്ക്ക് സമരപന്തലിൽ ചേർന്ന യുഡിഎഫ് നേതൃയോഗത്തിനു ശേഷമാണ് സമരം തുടരാൻ തീരുമാനിച്ചത്.ഉമ്മൻ ചാണ്ടി,എം.എം ഹസ്സൻ, പി.കെ കുഞ്ഞാലിക്കുട്ടി തുടങ്ങിയ പ്രമുഖ നേതാക്കൾ യോഗത്തിൽ പങ്കെടുത്തു. കേസിൽ സിബിഐ അന്വേഷണം ആവശ്യപ്പെട്ടുകൊണ്ടുള്ള നിവേദനം മുഖ്യമന്ത്രിക്കും ഡിജിപിക്കും നൽകിയതായി പ്രതിപക്ഷ നേതാവ് രമേശ് ചെന്നിത്തല അറിയിച്ചു.നിലവിലെ അന്വേഷണത്തിൽ തൃപ്തരല്ലെങ്കിൽ ഏതന്വേഷണവുമായി സഹകരിക്കാൻ സർക്കാർ തയ്യാറാണെന്ന് മന്ത്രി എ.കെ ബാലൻ ഇന്നലെ അറിയിച്ചിരുന്നു.