തിരുവനന്തപുരം:സംസ്ഥാനത്തെ മെഡിക്കൽ കോളേജുകളിലെ ജൂനിയർ ഡോക്റ്റർമാർ സമരം തുടങ്ങി.ഡോക്റ്റർമാരുടെ പെൻഷൻ പ്രായം വർധിപ്പിക്കാനുള്ള തീരുമാനത്തിൽ പ്രതിഷേധിച്ചാണ് സമരം നടത്തുന്നത്.മെഡിക്കൽ സംയുക്ത സമര സമിതിയുടെ ആഭിമുഖ്യത്തിലാണ് സമരം.എന്ന് രാവിലെ എട്ടുമണി മുതൽ നാളെ രാവിലെ എട്ടുമണി വരെയാണ് പണിമുടക്ക്.അത്യാഹിത വിഭാഗം,തീവ്രപരിചരണ വിഭാഗം,പ്രസവ മുറികൾ എന്നിവയെ പണിമുടക്കിൽ നിന്നും ഒഴിവാക്കിയിട്ടുണ്ട്.സൂചന സമരമാണ് ഇന്ന് നടക്കുന്നത്.പെൻഷൻ പ്രായം കുറയ്ക്കാൻ തയ്യാറാകാത്ത പക്ഷം സമരം ശക്തമാക്കുമെന്ന് ജൂനിയർ ഡോക്റ്റർമാർ മുന്നറിയിപ്പ് നൽകിയിട്ടുണ്ട്.പെൻഷൻ പ്രായവർധന ഇവരുടെ തൊഴിൽ സാദ്ധ്യതകൾ ഇല്ലാതാക്കുമെന്ന് ജൂനിയർ ഡോക്റ്റർമാർ ചൂണ്ടിക്കാട്ടുന്നു.