ദില്ലി: ജിഷ്ണുവിന്റെ അമ്മ മഹിജയ്‌ക്കെതിരെ പൊലീസ് നടത്തിയ അതിക്രമത്തില്‍ മുഖ്യമന്ത്രി മാപ്പ് പറയണമെന്ന് കോണ്‍ഗ്രസ് പ്രവര്‍ത്തകസമിതി അംഗം എകെ ആന്റണി. ഇന്നത്തെ സംഭവം മുഖ്യമന്ത്രി ഒഴിവാക്കണമായിരുന്നുവെന്ന് ആന്റണി അഭിപ്രായപ്പെട്ടു. സംസ്ഥാനത്ത് പൊലീസ് പൂര്‍ണ പരാജയമാണെന്ന് അദ്ദേഹം വിമര്‍ശിച്ചു. നീതിബോധമുള്ള കേരള സമൂഹം ഒന്നിച്ച് ആ അമ്മയോട് ഒപ്പം നില്‍ക്കണം. ആന്റണി പറഞ്ഞു. നാളത്തെ ഹര്‍ത്താലിലൂടെ രാഷ്ട്രീയം മറന്ന് പ്രതിഷേധിക്കണമെന്ന് ആന്റണി ആവശ്യപ്പെട്ടു. ഇന്ന് ആഘോഷത്തിന്റെ ദിനമല്ല അതിനാല്‍ നിശാന്ധിയിലെ പരിപാടി മാറ്റിവെച്ച് ആ അമ്മയുടെ ദുഖത്തില്‍ പങ്കുചേരണം. ആന്റണി പറഞ്ഞു