കണ്ണൂര്‍:പയ്യന്നൂർ ഏഴോത്ത് ക്ഷേത്രത്തിൽ വൻ കവർച്ച.കുറുവാട്ടേ കൂറുംബ ഭഗവതി ക്ഷേത്രത്തിന്റെ ശ്രീകോവില്‍ തകര്‍ത്താണ് കവര്‍ച്ച നടത്തിയത്. ക്ഷേത്ര ശ്രീകോവിലിനുള്ളില്‍ ഭണ്ഡാരപ്പെട്ടിയില്‍ സൂക്ഷിച്ചിരുന്ന 14 പവന്റെ തിരുവാഭരണങ്ങള്‍ മോഷണംപോയി .കൂടാതെ ക്ഷേത്രത്തിനുള്ളിലെ മൂല ഭണ്ഡാരവും മോഷണം പോയിട്ടുണ്ട്.വെള്ളിയാഴ്‌ച്ച പുലര്‍ച്ചെയാണ് സംഭവം ഉണ്ടായത്. രാവിലെ ക്ഷേത്രത്തില്‍ പാട്ട് വയ്ക്കാനായി എത്തിയപ്പോഴാണ് മോഷണം വിവരം അറിഞ്ഞത്.പോലീസ് സ്ഥലത്തെത്തി അന്വേഷണം ആരംഭിച്ചു.