ന്യൂഡല്‍ഹി: ജയ്ഷെ മുഹമ്മദ് ഭീകരന്‍ സജ്ജദ് ഖാന്‍ ഡല്‍ഹിയില്‍ അറസ്റ്റില്‍.ഇന്നലെ രാത്രി ഡല്‍ഹി സ്പെഷ്യൽ സെല്ലാണ് സജ്ജദ് ഖാനെ പിടികൂടിയത്. പുല്‍വാമ ഭീകരാക്രമണ സൂത്രധാരകന്‍ മുദാസിര്‍ അഹമ്മദ് ഖാന്‍റെ പ്രധാന സഹായിയാണ് ഇയാളെന്നാണ് ഡല്‍ഹി പൊലീസ് പറയുന്നത്.മുദാസിര്‍ സ്ഫോടനത്തിനുപയോഗിച്ച വാഹനം സജ്ജദ് ഖാന്‍റെയാണെന്നും റിപ്പോര്‍ട്ടുകള്‍ പുറത്തുവരുന്നുണ്ട്.വ്യാഴാഴ്ച രാത്രി ഡല്‍ഹിയിലെ റെഡ് ഫോര്‍ട്ടിനടുത്ത് ഷാള്‍ വില്പന നടത്തുന്നതിനിടെയായിരുന്നു ഇയാളെ ഡല്‍ഹി പൊലീസ് പിടികൂടിയത്.എൻഐഎ ഇയാളെ ചോദ്യം ചെയ്തുവരികയാണ്.സജ്ജാദ് ഖാനെ പിടികൂടാനായതോടെ പുൽവാമ ഭീകരാക്രമണത്തിന്റെ നിർണായക വിവരങ്ങൾ ലഭിക്കുമെന്നാണ് കരുതുന്നത്.