തിരുവനന്തപുരം:മറ്റ് സംസ്ഥാനങ്ങളില്‍ നിന്ന് കേരളത്തിലെത്താന്‍ നല്‍കുന്ന പാസ് വിതരണം നിര്‍ത്തി.നിലവില്‍ കേരളത്തിലെത്തിയവരുടെ പരിശോധനകള്‍ പൂര്‍ത്തിയായതിന് ശേഷം മാത്രമേ പുതുതായി പാസ് നല്‍കു.ഇതിന്റെ ഏകോപന ചുമതലയുള്ള മുതിര്‍ന്ന ഐഎഎസ് ഉദ്യോഗസ്ഥന്‍ ബിശ്വനാഥ് സിന്‍ഹയാണ് പാസുകള്‍ തത്കാലത്തേക്ക് നിര്‍ത്തിവെക്കാന്‍ നിര്‍ദേശിച്ചത്.നേരത്തെ റെഡ്സോണ്‍ ജില്ലകളില്‍ നിന്ന് എത്തുന്നവര്‍ക്ക് സര്‍ക്കാര്‍ ക്വാറന്‍റീന്‍ നിര്‍ബന്ധമാക്കി കേന്ദ്ര ആഭ്യന്തര മന്ത്രാലയം ഉത്തരവിറക്കിയിരുന്നു.ഇതിന് പിന്നാലെയാണ് പാസ് വിതരണം നിര്‍ത്തി നിലവില്‍ കേരളത്തിലെത്തിയവരുടെ വിവരശേഖരണം സര്‍ക്കാര്‍ ആരംഭിച്ചത്. രണ്ട് മൂന്ന് ദിവസത്തിന് ശേഷമാവും ഇനി പാസ് വിതരണം ആരംഭിക്കുകയെന്നാണ് റിപ്പോര്‍ട്ടുകള്‍.