കൊച്ചി:2017-18 സീസണിലെ ഐഎസ്എൽ ഫുട്ബോൾ മത്സരങ്ങളുടെ ടിക്കറ്റ് വിൽപ്പനയ്ക്ക് ഇന്ന് തുടക്കമായി.കേരളത്തിന്റെ സ്വന്തം ടീമായ കേരള ബ്ലാസ്റ്റേഴ്സിന്റെ നേതൃത്വത്തിലാണ് സംസ്ഥാനത്ത് ഇന്ന് ടിക്കറ്റ് വിൽപ്പന ആരംഭിക്കുക.വൈകുന്നേരം നാല് മണിമുതൽ ഓൺലൈനിലൂടെയും ബുക്ക് മൈ ആപ്പിലൂടെയുമാകും ആരാധകർക്ക് ടിക്കറ്റുകൾ ലഭ്യമാകുക.ഈ മാസം 17 ന് കലൂർ ജവഹർലാൽ നെഹ്‌റു സ്റ്റേഡിയത്തിൽ നടക്കുന്ന കേരള ബ്ലാസ്റ്റേഴ്സും അത്ലറ്റിക്കോ ഡി കൊൽക്കത്തയും തമ്മിലുള്ള മത്സരത്തിന്റെ ടിക്കറ്റുകളാണ് ഇന്ന് മുതൽ ലഭ്യമാകുക.