കാസർകോഡ്:സംസ്ഥാനത്ത് അക്രമത്തിനു ആഹ്വാനം നൽകി ഐഎസ് പ്രവർത്തകർ അയച്ച സന്ദേശം ഇൻസ്റ്റഗ്രാമിൽ.ഇതിനെ തുടർന്ന് പോലീസ് സംസ്ഥാനത്ത് ജാഗ്രത നിർദേശം നൽകി. കാസർകോട്ട് നിന്നും ഐഎസ്സിൽ ചേരുകയും അഫ്‌ഗാനിലെ നംഗർഹാർ ആസ്ഥാനമായി പ്രവർത്തിക്കുകയും ചെയ്യുന്നുണ്ടെന്ന് കരുതുന്ന കാസർകോഡ് സ്വദേശി അബ്ദുൽ റഷീദ് ഇൻസ്റ്റഗ്രാം വഴി അയച്ച ശബ്ദ സന്ദേശത്തിലാണ് ആക്രമണത്തിന് ആഹ്വാനം നൽകിയിരിക്കുന്നത്. സന്ദേശം ലഭിച്ച കാസർകോട്ടെ ബന്ധുക്കളാണ് വിവരം അധികൃതരെ അറിയിച്ചത്.കലാപവും ഒറ്റപ്പെട്ട ആക്രമണങ്ങളും സംഘടിപ്പിക്കാൻ സംസ്ഥാനത്തെ ഐഎസ് സ്ലീപ്പർ സെല്ലുകൾക്ക് നിർദേശം നൽകുന്നതാണ് സന്ദേശം.റിപ്പബ്ലിക് ദിനാഘോഷങ്ങൾ നടക്കാനിരിക്കെ അന്വേഷണ ഏജൻസികൾ ഏറെ ഗൗരവത്തോടെയാണ് ഇതിനെ കാണുന്നത്.