കണ്ണൂര്‍: സിപിഎം നിയന്ത്രണത്തിലുള്ള പേരാവൂര്‍ ഹൗസ് ബില്‍ഡിം സൊസൈറ്റിയില്‍ വീണ്ടും വ്യാപക ക്രമക്കേടുകള്‍ കണ്ടെത്തി. സൊസൈറ്റിയിലെ ചിട്ടി തട്ടിപ്പ് സംബന്ധിച്ച്‌ സഹകരണ വകുപ്പ് നടത്തിയ അന്വേഷണത്തിലാണ് ലതര്‍ ബാഗ് നി‍ര്‍മ്മാണ യൂണിറ്റിലും തിരിമറി നടന്നതായി കണ്ടെത്തിയത്.എന്നാല്‍, എല്ലാ പ്രവര്‍ത്തനവും ഭരണ സമിതി അറിവോടെയായിരുന്നു എന്നാണ് സെക്രട്ടറിയുടെ മൊഴി. അതേസമയം, അന്വേഷണ റിപ്പോര്‍ട്ട് ഉടന്‍ ജോ. രജിസ്ട്രാര്‍ക്ക് കൈമാറുമെന്ന് അസിസ്റ്റന്റ് രജിസ്ട്രാര്‍ കെ പ്രദോഷ് കുമാര്‍ പറഞ്ഞു . കുറ്റക്കാരില്‍ നിന്നും പണം ഈടാക്കണം എന്ന് റിപ്പോര്‍ട്ടില്‍ ശുപാര്‍ശയുണ്ടാകും. പൊലീസ് കേസ് ഉള്‍പെടെ വേണമോ എന്ന് ജോ രജിസ്ട്രാര്‍ക്ക് തീരുമാനിക്കാമെന്നും പ്രദോഷ് കുമാര്‍ വ്യക്തമാക്കി.അതിനിടെ, പേരാവൂര്‍ സൊസൈറ്റി മുന്‍ പ്രസിഡന്‍റ് എ പ്രിയന്‍റെ വീട്ടിലേക്ക് നിക്ഷേപകര്‍ മാര്‍ച്ച്‌ നടത്തി. സിപിഎം ലോക്കല്‍ സെക്രട്ടറികൂടിയായ പ്രിയന് തട്ടിപ്പില്‍ പങ്കുണ്ടെന്നാണ് ആക്ഷേപം.