ഇരിട്ടി:ഇരിട്ടി പുതിയപാലം താൽക്കാലികമായി ഗതാഗതത്തിന് തുറന്നു കൊടുത്തു.ഇരിട്ടി ടൗണിൽ പാലം ഭാഗത്തെ റോഡിൽ അവസാന ടാറിങ് പ്രവൃത്തി നടക്കുന്നതിനാൽ നിർമാണം അവസാനഘട്ടത്തിൽ എത്തിനിൽക്കുന്ന പുതിയ പാലം രണ്ടുമണിക്കൂർ നേരത്തേക്ക് ഗതാഗതത്തിനായി തുറന്നു കൊടുക്കുകയായിരുന്നു.വാഹന പണിമുടക്ക് ആയതിനാൽ വാഹനങ്ങളുടെ എണ്ണം കുറവായതിനാലും ഭാരവാഹനങ്ങൾ ഇല്ലാത്തതിനാലും വളരെ കുറച്ച് സ്വകാര്യ വാഹനങ്ങൾ മാത്രമാണ് ഇതുവഴി കടന്നു പോയത്.രാവിലെ എട്ടുമണിയോടെ തുറന്ന പാലം 10 മണിയോടെ വീണ്ടും അടച്ചു.പാലത്തിലെ പ്രവൃത്തികൾ പൂർത്തിയാകണമെങ്കിൽ ഇനിയും രണ്ടാഴ്ചകൂടി എടുക്കുമെന്ന് പാലം നിർമാണവുമായി ബന്ധപ്പെട്ട അധികൃതർ അറിയിച്ചു.