ചെന്നൈ:ഐഎൻഎക്സ് മീഡിയ പണമിടപാട് കേസിൽ മുതിർന്ന കോൺഗ്രസ് നേതാവ് പി.ചിദംബരത്തിന്റെ മകൻ കാർത്തി ചിദംബരത്തെ സിബിഐ അറസ്റ്റ് ചെയ്തു.യൂറോപ്പിൽ നിന്നും ചെന്നൈ വിമാനത്താവളത്തിലെത്തിയ കാർത്തിയെ ഇന്ന് രാവിലെയാണ് അറസ്റ്റ് ചെയ്തത്. പി.ചിദംബരം കേന്ദ്ര ധനമന്ത്രിയായിരിക്കെ കാർത്തി ചിദംബരം വിദേശ നിക്ഷേപം സ്വീകരിക്കാനുള്ള അനുമതി തരപ്പെടുത്താൻ ഐഎൻഎക്സ് മീഡിയയിൽ നിന്നും 3.5 കോടി രൂപ കോഴവാങ്ങിയെന്നാണ് സിബിഐ കേസ്.കഴിഞ്ഞ മെയിൽ രെജിസ്റ്റർ ചെയ്ത കേസിനെ തുടർന്നാണ് അറസ്റ്റ്.കേസിൽ കാർത്തിയുടെ ഓഡിറ്റർ ഭാസ്കരരാമനെ ദില്ലി എന്ഫോഴ്സ്മെന്റ് ഡയറക്റ്ററേറ്റ് നേരത്തെ അറസ്റ്റ് ചെയ്തിരുന്നു.