ആസാം:പതിമൂന്ന് പേരുമായി അരുണാചൽ പ്രാദേശിലേക്ക് യാത്ര തിരിച്ച ഇന്ത്യന്‍ വ്യോമസേനയുടെ വിമാനം കാണാതായി.അസമിലെ ജോർഹതിൽ നിന്നും അരുണാചൽ പ്രദേശിലെ മചുകയിലേക്ക് പോകുകയായിരുന്ന ആന്റണോവ് എന്‍ എന്‍ 32 വിമാനമാണ് കാണാതായത്. ജോർഹതിൽനിന്നും തിങ്കളാഴ്ച ഉച്ചക്ക് 12.25ന് പറന്നുയർന്ന വിമാനത്തിൽ നിന്നും ഒരുമണിക്കാണ് അവസാന സന്ദേശം ലഭിച്ചത്.വിമാനത്തിനായുള്ള തിരച്ചിൽ ഊർജിതമാക്കിയിട്ടുണ്ട്. ഐ.എസ്.ആര്‍.ഒ അടക്കം തിരച്ചിലിൽ പങ്കുചേർന്നിട്ടുണ്ട്.എം.ഐ 17 എസ്, എഎല്‍എച്ച്, പി8ഐ, സുഖോയ്-30, സി-30 എന്നീ വിമാനങ്ങളുപയോഗിച്ചാണ് തെരച്ചിൽ നടത്തുന്നത്. വിമാനത്തില്‍ ഉണ്ടായിരുന്ന 8 വ്യോമസേന അംഗങ്ങള്‍ അടക്കം 13 പേരുടെ കുടുംബാംഗങ്ങളെ വ്യോമ സേന വിവരം അറിയിച്ചു.എയർമാർഷൽ രാകേഷ് സിങ്ങുമായി ബന്ധപ്പെടുന്നുണ്ടെന്നും സ്ഥിതിഗതികൾ വിലയിരുത്തുന്നുണ്ടെന്നും പ്രതിരോധ മന്ത്രി രാജ്നാഥ് സിങ് അറിയിച്ചു.