തിരുവനന്തപുരം:കാര്യവട്ടം ഗ്രീൻഫീൽഡ് സ്റ്റേഡിയത്തിൽ നടക്കുന്ന ഇന്ത്യ-വെസ്റ്റ് ഇൻഡീസ് ഏകദിന മത്സരത്തിൽ ടോസ്സ് നേടി ആദ്യം ബാറ്റ് ചെയ്ത വെസ്റ്റ് ഇൻഡീസ് 104 റൺസിന് ഓൾ ഔട്ടായി. ഓപ്പണറായ കെയ്റോണ് പവലിനെ മത്സരത്തിന്റെ നാലാം പന്തില് തന്നെ പുറത്താക്കിയത് ഭുവനേശ്വര് കുമാറാണ്. കെയ്റോണ് പവലിനെ വിക്കറ്റിന് പിന്നില് ഡൈവിംഗ് ക്യാച്ചോടെ ധോണി മടക്കുകയായിരുന്നു. രണ്ടാം ഓവര് എറിഞ്ഞ ജസ്പ്രീത് ബുംറ നാലാം പന്തില് ഷാനെ ഹോപ്പിനെ ബൗള്ഡാക്കി രണ്ടാം വിക്കറ്റും നേടി.രവീന്ദ്ര ജഡേജയുടെ പന്തില് മാര്ലണ് സാമുവല്സിന്റെ ഷോട്ട് കൊഹ്ലി പിടിച്ചെടുത്താണ് മൂന്നാം വിക്കറ്റ് സ്വന്തമാക്കിയത്. ഹെയ്റ്റ്മറെ ജഡേജ വിക്കറ്റിന് മുന്പില് കുടുക്കി. റോമാന് പവലിനെ ഖലീല് അഹമ്മദിന്റെ പന്തില് ശിഖര് ധവാന് ക്യാച്ചെടുത്തു മടക്കി. സ്കോര് 66 ല് നില്ക്കെ വെസ്റ്റ് ഇന്ഡീസിന്റെ ആറാം വിക്കറ്റും വീണു. ഫാബിയന് അലനെ ബുംമ്രയുടെ പന്തില് കേദാര് ജാദവ് ക്യാച്ചെടുത്തു കൂടാരം കയറ്റി. ക്യാപ്റ്റന് ജേസണ് ഹോള്ഡറിനെയും ജാദവിന്റെ ക്യാച്ചാണു പുറത്താക്കിയത്.മറുപടി ബാറ്റിംഗിനിറങ്ങിയ ഇന്ത്യയ്ക്ക് രണ്ട് ഓവർ പൂര്ത്തിയാകുമ്ബോള് സ്കോര് ബോര്ഡിലേക്ക് 6 റണ്സ് ചേര്ത്തപ്പോള് തന്നെ ആദ്യ വിക്കറ്റ് നഷ്ടമായി