ചെന്നൈ: ഗായകരായ ചിത്രയ്ക്കും എസ് പി ബാലസുബ്രഹ്മണ്യത്തിനും പകര്‍പ്പവകാശം ലംഘിച്ചെന്ന കാരണത്താല്‍ സംഗീത സംവിധായകന്‍ ഇളയരാജ വക്കീല്‍ നോട്ടീസയച്ചു. താന്‍ സംഗീത സംവിധാനം നിര്‍വഹിച്ച ഗാനങ്ങള്‍ അനുമതിയില്ലാതെ വിവിധ വേദികളില്‍ ആലപിച്ചെന്നാരോപിച്ചാണ് ഇങ്ങനെയൊരു നിയമ നടപടി.എസ് പി ബാലസുബ്രഹ്മണ്യം ഫേസ്ബുക്കിലൂടെ ആണ് സംഭവം തുറന്നു പറഞ്ഞത്. പകര്‍പ്പവകാശം ലംഘിച്ചതിനാല്‍ തങ്ങള്‍ വലിയ തുക അടയ്‌ക്കേണ്ടിവരുമെന്നാണ് നോട്ടീസിലുള്ളതെന്നും അദ്ദേഹം കൂട്ടിച്ചേര്‍ത്തു.