ന്യൂഡൽഹി:കൊറോണ വ്യാപനം രൂക്ഷമായിരിക്കുന്ന സാഹചര്യത്തിൽ ഐസിഎസ്ഇ ബോർഡ് പരീക്ഷകൾ മാറ്റിവെച്ചു. പത്താം ക്ലാസ് (ഐസിഎസ്ഇ) പ്ലസ് ടു(ഐഎസ്‌സി) എന്നീ ക്ലാസുകളിലെ പരീക്ഷകളാണ് മാറ്റിവെച്ചത്. ഐസിഎസ്ഇ പരീക്ഷകളുടെ ചുമതലയുള്ള കൗൺസിൽ ഫോർ ഇന്ത്യൻ സ്‌കൂൾ സർട്ടിഫിക്കേറ്റ് എക്‌സാമിനേഷൻ (സിഐഎസ്‌സിഇ) ആണ് ഇക്കാര്യം അറിയിച്ചത്.പരീക്ഷ നടത്തുന്ന തീയതി ജൂൺ ആദ്യവാരം പ്രഖ്യാപിക്കുമെന്നും സിഐഎസ്‌സിഇ വ്യക്തമാക്കി. കൊറോണ വ്യാപനം വിശകലനം ചെയ്ത ശേഷമാകും തീരുമാനമെടുക്കുക. മേയ് നാല് മുതൽ ജൂൺ ഏഴ് വരെയായിരുന്നു ഐസിഎസ്ഇ പരീക്ഷകൾ തീരുമാനിച്ചിരുന്നത്. ഏപ്രിൽ എട്ട് മുതൽ ജൂൺ 18 വരെയായിരുന്നു ഐഎസ്‌സി പരീക്ഷകൾ.