കണ്ണൂർ: കണ്ണൂരിലെ മലയോര മേഖലയിൽ വൻ തീപിടിത്തം. ആറളം ഫാം, കോളിത്തട്ട്, കല്ലേരിമല എന്നിവിടങ്ങളിലാണ് തീപിടുത്തമുണ്ടായത്. പ്രദേശത്തെ തീയണയ്ക്കാൻ അഗ്നിശമനസേനയും നാട്ടുകാരും ശ്രമം തുടരുകയാണ്.നേരത്തേ, കണ്ണൂർ റെയിൽവേ സ്റ്റേഷന് സമീപവും തീപിടിത്തമുണ്ടായിരുന്നു. വ്യാഴാഴ്ച ഉച്ചയോടെ ട്രാക്കിന് സമീപത്തുള്ള ഉണക്കപ്പുല്ലിൽ നിന്നാണ് തീപടർന്നത്. അഗ്നിശമനസേനയെത്തിയാണ് തീയണച്ചത്.തീപിടിത്തത്തെ തുടർന്ന് കോയമ്പത്തൂർ എക്സ്പ്രസ് മുക്കാൽ മണിക്കൂർ സ്റ്റേഷനിൽ നിർത്തിയിട്ടിരുന്നു. തീ പൂർണമായും അണച്ചശേഷമാണ് വണ്ടി കടത്തിവിട്ടത്.