കോട്ടയം:കോട്ടയത്ത് അതിതീവ്ര മിന്നലില്‍ വീട് തകര്‍ന്നു.എരുമേലിയില്‍ കൊട്ടിത്തോട്ടം ചീരംകുളം കുട്ടിയുടെ വീടാണ് ശക്തമായ ഇടിമിന്നലില്‍ തകര്‍ന്നത്. ഇടിമിന്നലിന്റെ ആഘാതത്തില്‍ വീടിന്റെ മുന്‍ഭാഗത്തെ ഭിത്തി തുരന്ന് അകത്തു കയറി രണ്ടാമത്തെ ഭിത്തിയും തുരന്നു കയറുകയായിരുന്നു.ശുചിമുറിയിലെ ടൈലുകളും ചിന്നിച്ചിതറി.തലനാരിഴയ്ക്കാണ് വീട്ടുകാർ അപകടത്തിൽ നിന്നും രക്ഷപ്പെട്ടത്.മെയിന്‍ സ്വിച്ചും വയറിങും പൂര്‍ണ്ണമായും തകര്‍ന്നു. മെയിന്‍ സ്വിച്ച്‌ ഓഫ് ചെയ്യാന്‍ കുട്ടിയുടെ ഭാര്യ ശ്രമിക്കുമ്പോഴായിരുന്നു മിന്നല്‍.കഴിഞ്ഞ ദിവസം വൈകീട്ട് പെയ്ത മഴയോടൊപ്പം വന്ന തീവ്ര ഇടിമിന്നലിലാണ് വീട് തകര്‍ന്നത്. സംസ്ഥാനത്ത് ദുരന്ത നിവാരണ അതോറിറ്റി നേരത്തെ ഇടിമിന്നലിന്റെ കനത്ത ജാഗ്രത നിര്‍ദേശവും മുന്നറിയിപ്പും നല്‍കിട്ടുണ്ട്.