തിരുവനന്തപുരം:അനുജന്റെ മരണത്തിന് ഉത്തരവാദികളായവരെ കണ്ടെത്താൻ സിബിഐ അന്വേഷണം ആവശ്യപ്പെട്ട് ശ്രീജിത്ത് സമർപ്പിച്ച ഹർജി ഇന്ന് ഹൈക്കോടതി പരിഗണിക്കും.സിബിഐ അന്വേഷണം ആവശ്യപ്പെട്ട് 774 ദിവസമായി ശ്രീജിത്ത് സെക്രെട്ടെറിയേറ്റ് പടിക്കൽ സമരം നടത്തുകയാണ്.ഇന്നത്തെ വിധി അനുകൂലമായാൽ ശ്രീജിത്ത് സമരം അവസാനിപ്പിക്കുമെന്നും അറിയിച്ചിട്ടുണ്ട്.കേസിൽ കുറ്റാരോപിതരായ പോലീസുകാർ തങ്ങൾക്കെതിരെയുള്ള നടപടികൾ സ്റ്റേ ചെയ്തുകൊണ്ട് ഹൈക്കോടതിയിൽ നിന്നും ഉത്തരവ് സമ്പാദിച്ചിരുന്നു.ഈ സ്റ്റേ നീക്കണമെന്നും സിബിഐ അന്വേഷണത്തിന് ഉത്തരവ് നൽകണമെന്നും ആവശ്യപ്പെട്ടാണ് ശ്രീജിത്ത് ഹർജി നൽകിയിരിക്കുന്നത്.