കൊച്ചി:വേതന വർധനവിനായി സമരം ചെയ്യുന്ന നഴ്സുമാർക്കെതിരെ എസ്മ പ്രയോഗിക്കണമെന്നു ഹൈക്കോടതി.ഇതോടൊപ്പം നഴ്‌സുമാർ തിങ്കളാഴ്ച മുതൽ നടത്താനിരിക്കുന്ന അനിശ്ചിതകാല സമരം ഹൈക്കോടതി താത്കാലികമായി തടയുകയും ചെയ്തു.സ്വകാര്യ ആശുപത്രി ഉടമകൾ നൽകിയ ഹർജി പരിഗണിക്കുകയായിരുന്നു ഹൈക്കോടതി.നഴ്‌സുമാർ അനിശ്ചിതകാല സമരവുമായി മുൻപോട്ടു പോകുന്ന സാഹചര്യത്തിലാണ് ആശുപത്രി ഉടമകൾ ഹൈക്കോടതിയെ സമീപിച്ചത്.കേന്ദ്ര മാനദണ്ഡപ്രകാരമുള്ള ശമ്പള വർധന സർക്കാരിന്റെ പരിഗണനയിലാണെന്ന് സംസ്ഥാന സർക്കാർ കോടതിയെ അറിയിച്ചു.