ന്യൂഡൽഹി: രാജ്യത്തെ നടുക്കിയ കുനൂർ ഹെലികോപ്റ്റർ അപകടത്തിൽ മരിച്ചവരിൽ മലയാളി സൈനികനും.തൃശൂർ സ്വദേശി എ പ്രദീപാണ് മരിച്ചത്.എംഐ 17വി5 ഹെലികോപ്റ്ററിന്റെ ഫ്‌ളൈറ്റ് ഗണ്ണറായിരുന്നു പ്രദീപ്.അപകടം സംഭവിച്ചുവെന്ന വാർത്ത പുറത്തുവന്നതിന് പിന്നാലെ മലയാളിയും ഉൾപ്പെട്ടിരുന്നുവെന്ന് സ്ഥിരീകരിച്ചിരുന്നു. എന്നാൽ മറ്റ് വിവരങ്ങൾ ലഭ്യമായിരുന്നില്ല. ബിപിൻ റാവത്ത് സഞ്ചരിച്ചിരുന്ന ഹെലികോപ്റ്ററിൽ തൃശൂർ മരത്താക്കര സ്വദേശിയായ സൈനികൻ എ. പ്രദീപും ഉണ്ടായിരുന്നുവെന്ന് പിന്നീട് വ്യക്തമായി. ജൂനിയർ വാറന്റ് ഓഫീസറാണ് എ. പ്രദീപ്.ബിപിൻ റാവത്ത് ഉൾപ്പെടെ 13 പേരാണ് അപകടത്തിൽ മരിച്ചത്.ഗ്രൂപ്പ് ക്യാപ്റ്റർ വരുൺ സിംഗ് മാത്രമാണ് അപകടത്തിൽ നിന്നും രക്ഷപ്പെട്ടത്. പരിക്കുകളോടെ ഇദ്ദേഹം വെല്ലിംഗ്ടൺ ആശുപത്രിയിൽ ചികിത്സയിലാണ്. ഉച്ചയ്‌ക്ക് 12.20ഓടെയായിരുന്നു ഊട്ടിക്കടുത്ത് കുനൂരിൽ 14 പേർ സഞ്ചരിച്ചിരുന്ന ഹെലികോപ്റ്റർ കത്തി തകർന്ന് വീണത്. ബിപിൻ റാവത്തും ഭാര്യ മധുലിക റാവത്തും ഉൾപ്പെടെ 13 പേരും മരിച്ചിരുന്നു.