പൂനെ:കനത്ത മഴയെത്തുടര്‍ന്ന് പൂനെയില്‍ വെള്ളപ്പൊക്കം.11 പേര്‍ മരണപ്പെടുകയും നിരവധി നാശനഷ്ടങ്ങളുണ്ടാവുകയും ചെയ്തു.ബുധനാഴ്ച രാത്രിയോടെയാണ് മഴ തുടങ്ങിയത്. മഴയില്‍ കുടുങ്ങിയ 500 ലേറെ പേരെ സുരക്ഷിത സ്ഥാനത്തേക്ക് മാറ്റിയിട്ടുണ്ട്. രക്ഷാപ്രവര്‍ത്തനം തുടരുകയാണ്.അര്‍ണേശ്വര്‍ മേഖലയില്‍ മതിലിടിഞ്ഞാണ് ഒൻപതു വയസ്സുള്ള കുട്ടി ഉൾപ്പെടെ അഞ്ചു പേര്‍ മരിച്ചത്. താഴ്ന്ന പ്രദേശങ്ങളെല്ലാം വെള്ളക്കെട്ടിലാണ്. റോഡുകളില്‍ വെള്ളം കയറിയതിനാല്‍ ഗതാഗതം സ്തംഭിച്ചിരിക്കുകയാണ്. 27 ഓടെ മഴ കുറഞ്ഞേക്കുമെന്ന് കാലാവസ്ഥാ കേന്ദ്രം വിലയിരുത്തുന്നു.