തിരുവനന്തപുരം: കോവിഡ് ബാധിച്ച്‌ ചികിത്സയില്‍ കഴിയുന്ന കവിയത്രി സുഗതകുമാരിയുടെ ആരോഗ്യനില ഗുരുതരാവസ്ഥയില്‍. തിരുവനന്തപുരം മെഡിക്കല്‍ കോളജ് ആശുപത്രിയിലെ തീവ്രപരിചരണ വിഭാഗത്തിലാണ് സുഗതകുമാരി കഴിയുന്നത്. ന്യുമോണിയയ്ക്കൊപ്പം ഹൃദയം, വൃക്ക എന്നിവയുടെ പ്രവര്‍ത്തനം തകരാറിലാണെന്ന് ആശുപത്രി സുപ്രണ്ട് ഡോ. എം.എസ്. ഷര്‍മ്മദ് അറിയിച്ചു. യന്ത്രസഹായത്തോ‌ടെ നൂറു ശതമാനം ഓക്സിജന്‍ നല്‍കുന്നുണ്ടെങ്കിലും വളരെ കുറഞ്ഞ അളവില്‍ മാത്രം ഓക്സിജന്‍ സ്വീകരിക്കുവാനാണ് അവര്‍ക്ക് സാധിക്കുന്നത്. കാര്‍ഡിയോളജി, മെഡിക്കല്‍, സാംക്രമിക രോഗവിഭാഗം, നെഫ്രോളജി, എന്‍ഡോക്രൈനോളജി എന്നീ വിഭാഗങ്ങളുടെ വിദഗ്ധ ഡോക്ടര്‍മാര്‍ അടങ്ങുന്ന സംഘത്തിന്‍റെ മേല്‍നോട്ടത്തിലാണ് ചികിത്സപുരോഗമിക്കുന്നത്.തിങ്കളാഴ്ച ഉച്ചയോടെയാണ് സുഗതകുമാരിയെ വിദഗ്ധ ചികിത്സയ്ക്കായി മെഡിക്കല്‍ കോളേജ് ആശുപത്രിയിലേയ്ക്ക് മാറ്റിയത്.