തിരുവനന്തപുരം:കാക്കയങ്ങാട് എബിവിപി പ്രവർത്തകനും ഐടിഐ വിദ്യാർത്ഥിയുമായ ശ്യാമപ്രസാദിന്റെ മരണത്തിൽ പ്രതികരണവുമായി ഗവർണ്ണർ പി.സദാശിവം.കണ്ണൂരിലെ കൊലപാതകം തന്നെ അസ്വസ്ഥനാക്കിയെന്നു പറഞ്ഞ ഗവർണ്ണർ സംഭവം സംസ്ഥാനത്തിന്റെ പ്രതിച്ഛായ തകർത്തതായി അഭിപ്രായപ്പെട്ടു.ഇത്തരം സംഭവങ്ങൾ ആവർത്തിക്കാതിരിക്കാൻ പോലീസ് ജാഗ്രത പാലിക്കണമെന്നും ഗവർണർ പറഞ്ഞു.രാഷ്ട്രീയ നേതൃത്വവും സമാധാനത്തിനായി ഒരുമിക്കണം.തങ്ങളുടെ അണികളെ അക്രമത്തിന്‍റെ പാതയിൽ നിന്നു മാറ്റി, സമാധാനത്തിന്‍റെ പാത സ്വീകരിക്കാൻ രാഷ്ട്രീയ നേതൃത്വം പ്രേരിപ്പിക്കണമെന്നും ഗവർണർ നിർദേശിച്ചു.