മട്ടന്നൂർ:കണ്ണൂർ വിമാനത്താവളത്തിൽ വൻ സ്വർണ്ണവേട്ട.ദുബായിൽ നിന്നും രണ്ടു വിമാനങ്ങളിലായി എത്തിയ ഏഴുപേരിൽ നിന്നാണ് 2 കിലോ 128 ഗ്രാം സ്വർണ്ണം പിടികൂടിയത്. സംഭവവുമായി ബന്ധപ്പെട്ട് കാസർകോഡ്,നാദാപുരം സ്വദേശികളെ കസ്റ്റംസ് പിടികൂടി.സ്വർണ്ണം ഉരുക്കി കുഴമ്പു രൂപത്തിലാക്കി അടിവസ്ത്രത്തിലും ബെൽറ്റിലുമാക്കി ഒളിപ്പിച്ചായിരുന്നു കൊണ്ടുവന്നത്.സംശയം തോന്നിയ ഉദ്യോഗസ്ഥർ പരിശോധിച്ചപ്പോഴാണ് സ്വർണ്ണം കണ്ടെത്തിയത്.ഒരു കോടി രൂപ വിലമതിക്കുന്ന സ്വർണ്ണമാണ് പിടികൂടിയത്.രണ്ടു ദിവസം മുൻപ് കരിപ്പൂർ വിമാനത്താവളത്തിൽ നിന്നും ഒന്നരക്കോടിരൂപയുടെ രൂപയുടെ സ്വർണ്ണം പിടികൂടിയിരുന്നു.അടിവസ്ത്രത്തിൽ ഒളിപ്പിച്ച നിലയിലും മിശ്രിത രൂപത്തിലുമാണ് സ്വർണ്ണം ഒളിച്ചുകടത്തിയത്.പിടിയിലായ മൂന്നുപേരും വിദേശത്തുനിന്നും വന്നവരാണ്.സംസ്ഥാനത്ത് സ്വർണ്ണക്കടത്ത് വിവാദമായി നിൽക്കുന്ന സാഹചര്യത്തിലാണ് കടത്ത്‌ തുടരുന്നത്.