കണ്ണൂർ:കല്ലടത്തോട് ശ്രീനാരായണ റോഡിന് സമീപം വീട് കുത്തിത്തുറന്ന് പത്തു പവന്റെ ആഭരണങ്ങൾ മോഷ്ട്ടിച്ചു.കല്ലടത്തോടിലെ ചായക്കടക്കാരനായ സിദ്ധിഖിന്റെ വീട്ടിലാണ് പട്ടാപ്പകൽ കവർച്ച നടന്നത്.സിദ്ധിക്ക് രാവിലെ ചായക്കടയിൽ ജോലിക്ക് പോയിരുന്നു. വീട്ടിലുണ്ടായിരുന്ന സിദ്ധിഖിന്റെ രണ്ടു സഹോദരിമാരും പുറത്തുപോയ സമയത്താണ് മോഷണം നടന്നത്.വീട് ഭദ്രമായി പൂട്ടിയിരുന്നില്ല.അലമാര കുത്തിത്തുറന്നാണ് ആഭരണങ്ങൾ മോഷ്ടിച്ചത്. പൂതപ്പാറയിലെ തുണിക്കടയിൽ ജോലിചെയ്യുന്ന സഹോദരി റംലത്തിന്റെ വിവാഹത്തിനായി വാങ്ങിവെച്ചതായിരുന്നു ആഭരണങ്ങൾ.വളപട്ടണം സിഐ കൃഷ്‌ണനും സംഘവും സ്ഥലത്തെത്തി അന്വേഷണം ആരംഭിച്ചു.