എറണാകുളം:നെടുമ്പാശ്ശേരിയിൽ വീടുകുത്തിത്തുറന്ന് അകത്തുകയറിയ മോഷ്ട്ടാക്കൾ വനിതാ ഡോക്റ്ററെ കത്തികാട്ടി ഭീഷണിപ്പെടുത്തി 90 പവൻ സ്വർണ്ണവും 50000 രൂപയും കവർന്നു.ഇന്ന് പുലർച്ചെ രണ്ടരയോടെയാണ് സംഭവം.ചെങ്ങമനാട് സാമൂഹ്യ ആരോഗ്യ കേന്ദ്രത്തിലെ ഡോ.ഗ്രെയ്‌സ് മാത്യുവിന്റെ വീട്ടിലാണ് കവർച്ച നടന്നത്.ഡോക്റ്ററുടെ ഭർത്താവ് അമേരിക്കയിലും മകൻ നേവിയിലുമാണ്.15 വർഷമായി ഇവർ തനിച്ചാണ് ഇവിടെ താമസം.വീടിന്റെ പിൻവശത്തെ വാതിൽ കുത്തിത്തുറന്ന് അകത്തുകടന്ന മോഷണ സംഘം ഡോക്റ്റർ കിടക്കുന്ന മുറിയിലെത്തി കത്തികാട്ടി ഭീഷണിപ്പെടുത്തി സ്വർണ്ണവും പണവും കവരുകയായിരുന്നു.കഴിഞ്ഞ ദിവസം ബാങ്കിലെ ലോക്കറിൽ നിന്നും എടുത്തതാണ് സ്വർണ്ണമെന്ന് ഡോക്റ്റർ പറഞ്ഞു.ബാങ്കിൽ നിന്നും സ്വർണ്ണവും പണവും പിൻവലിച്ചത് അറിയാവുന്നവരാണ് കവർച്ചയ്ക്ക് പിന്നിലെന്നാണ് സൂചന.