പഴയങ്ങാടി:അതിയടത്ത് അദ്ധ്യാപക ദമ്പതിമാരുടെ വീട്ടിൽ നിന്നും 32 പവനും 40,000 രൂപയും മോഷ്ടിച്ചു.വെള്ളിയാഴ്ചയാണ് സംഭവം.പയ്യന്നൂർ ഷേണായീസ് സ്മാരക ഹയർ സെക്കണ്ടറി സ്കൂൾ അദ്ധ്യാപകൻ എം.കെ രമേശ് കുമാറിന്റെയും മാട്ടൂൽ എംആർ യു പി സ്കൂൾ അദ്ധ്യാപിക പി.വി ജയശ്രീയുടെയും വീട്ടിലാണ് മോഷണം നടന്നത്.വെള്ളിയാഴ്ച പകൽ ആയിരിക്കും മോഷണം നടന്നതെന്നാണ് കരുതുന്നത്. വെള്ളിയാഴ്ച രാത്രി ഇവർ വീട്ടിലുണ്ടായിരുന്നു.ശനിയാഴ്ച രാവിലെ അലമാര തുറന്നപ്പോഴാണ് മോഷണ വിവരം ശ്രദ്ധയിൽപ്പെടുന്നത്.വീട്ടിൽ മോഷണം നടന്നതിന്റെ യാതൊരു ലക്ഷണങ്ങളുമില്ല.മറ്റൊരു സ്ഥലത്തു വെച്ച താക്കോലെടുത്ത് കിടപ്പുമുറിയിലെ ഷെൽഫിൽ സൂക്ഷിച്ചിരുന്ന സ്വർണ്ണം കവരുകയായിരുന്നു.ഇവർ താക്കോൽ സൂക്ഷിക്കുന്ന സ്ഥലം മനസിലാക്കിയ മോഷ്ട്ടാവ് അതെടുത്തു വാതിൽ തുറന്ന് അകത്തു കയറിയണോ മോഷണം നടത്തിയതെന്ന കാര്യവും പോലീസ് അന്വേഷിക്കുന്നുണ്ട്.