കോഴിക്കോട് : വടകരയിൽ ഗ്യാസ് ടാങ്കർ മറ്റൊരു ലോറിയുമായി കൂട്ടിയിടിച്ച് മറിഞ്ഞു. ദേശീയ പാതയിൽ രാത്രി 8.30 യോടെയായിരുന്നു സംഭവം. മംഗലാപുരം പ്ലാന്റിൽ നിന്നും ഗ്യാസുമായി വരുകയായിരുന്ന ടാങ്കറാണ് അപകടത്തിൽപ്പെട്ടത്. കണ്ണൂക്കരയിൽവെച്ച് മറ്റൊരു ലോറിയുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ ടാങ്കർ മറിയുകയായിരുന്നു.ഗ്യാസ് നിറച്ച ടാങ്കർ ആയതിനാൽ അപകട സാദ്ധ്യത കണക്കിലെടുത്ത് മേഖലയിൽ വൈദ്യുതി ബന്ധം വിച്ഛേദിച്ചു. ഇതുവഴിയുള്ള വാഹനങ്ങളും വഴിതിരിച്ചുവിട്ടു. വിദഗ്ധ പരിശോധനയ്ക്കായി ഐഒസി യുടെ ചേളാരിയിൽ നിന്നുളള സംഘം സ്ഥലത്ത് എത്തി. നിലവിൽ വാതക ചോർച്ചയില്ല.