മയ്യിൽ:ആഡംബര കാറിൽ കഞ്ചാവ് കടത്തിയ രണ്ടു വിദ്യാർത്ഥികളെ പോലീസ് അറസ്റ്റ് ചെയ്തു.50 ഗ്രാം കഞ്ചാവ് ഇവരിൽ നിന്നും പിടിച്ചെടുത്തു.കയരളം മൊട്ടയിലെ തമീം(21),പെരുമാച്ചേരിയിലെ നബീൽ(18) എന്നിവരെയാണ് ശ്രീകണ്ഠപുരം എക്‌സൈസ് ഇൻസ്പെക്റ്റർ പി.പി ജനാർദനനും സംഘവും അറസ്റ്റ് ചെയ്തത്.വിദ്യാർഥികൾ ഓടിച്ചുപോകുന്ന ആഡംബര കാർ പിന്തുടർന്ന് ചോദ്യം ചെയ്തപ്പോഴാണ് കഞ്ചാവ് കടത്തുന്ന വിവരം ലഭിച്ചത്.സ്ഥിരമായി കഞ്ചാവ് ഉപയോഗിക്കുന്ന ഇവർ മറ്റു കുട്ടികൾക്ക് എത്തിച്ചു കൊടുത്ത് ആഡംബര ജീവിതം നയിക്കുന്നവരാണ്.തിരുവനന്തപുരം രെജിസ്ട്രേഷനിലുള്ള കാറിന്റെ വിവിധ അറകളിൽ പല പൊതികളിലായി സൂക്ഷിച്ച നിലയിലായിരുന്നു കഞ്ചാവ് കണ്ടെത്തിയത്.