ഇരിട്ടി:കണ്ണൂരിൽ സ്വകാര്യ ടൂറിസ്റ്റ് ബസിൽ നിന്നും കഞ്ചാവും പണവും പിടികൂടി. ബെംഗളൂരുവിൽ നിന്നും കണ്ണൂരിലേക്ക് വരികയായിരുന്ന ടൂറിസ്റ്റ് ബസ്സിൽ നിന്നാണ് ഒൻപതര ലക്ഷം രൂപയുടെ കുഴൽപ്പണവും ഒന്നര കിലോഗ്രാം കഞ്ചാവും പിടികൂടിയത്.രഹസ്യ വിവരത്തെ തുടർന്ന് ഇരിട്ടി പോലീസ് നടത്തിയ വാഹന പരിശോധനയിൽ ബസ്സിൽ ബാഗിലൊളിപ്പിച്ച നിലയിൽ കഞ്ചാവും പണവും പിടികൂടുകയായിരുന്നു.സംഭവവുമായി ബന്ധപ്പെട്ട് നാലുപേരെ ഇരിട്ടി പോലീസ് കസ്റ്റഡിയിലെടുത്തിട്ടുണ്ട്.ബസും പോലീസ് കസ്റ്റഡിയിലെടുത്തു.