തൃശൂർ:തൃശൂർ: പ്രതിസന്ധികൾക്ക് വിരമമിട്ട് തൃശൂർ പൂരം വെടിക്കെട്ടിന് ജില്ലാ ഭരണകൂടത്തിന്റെ അനുമതി.നേരത്തെ സാമ്പിൾ വെടിക്കെട്ട് നടത്തിയപ്പോൾ ആറുപേർക്ക് പരിക്കേറ്റതിനെ തുടർന്നാണ് പൂരം വെടിക്കെട്ട് പ്രതിസന്ധിയിലായത്.പൂരം അതിന്‍റെ അവസാന മണിക്കൂറുകളിലെത്തിയിട്ടും വെടിക്കെട്ടിന് റവന്യൂ, എക്സ്പ്ലോസിവ് വിഭാഗങ്ങളുടെ അനുമതി ലഭിക്കാത്തത് പൂരപ്രേമികൾക്കും സംഘാടകർക്കുമിടയിൽ ആശങ്ക സൃഷ്ടിച്ചിരുന്നു. നിരോധിത വസ്തുക്കൾ കണ്ടെത്തിയിട്ടില്ല എന്ന് ജില്ലാകളക്റ്റർ അറിയിച്ചതിനെ തുടർന്നാണ് വെടിക്കെട്ടിന് അനുമതി ലഭിച്ചത്.എന്നാൽ, പാറമേക്കാവിന്‍റെ അമിട്ടുകൾ ഒരു വട്ടം കൂടി പരിശോധിക്കുമെന്നും അദ്ദേഹം പറഞ്ഞു. നാളെ പുലർച്ചെ മൂന്നു മണിക്കാണ് വെടിക്കെട്ട് നടക്കുക.കഴിഞ്ഞ വർഷത്തെ അപേക്ഷിച്ച ഈ വർഷം വെടിക്കെട്ടിന്റെ തോത് വളരെ കുറവാണ്.എന്നാൽ ഇതിനെ വർണ്ണവിസ്മയം തീർത്ത് മറികടക്കാനാണ് ദേവസ്വങ്ങളുടെ തീരുമാനം.
