കോഴിക്കോട്:കോഴിക്കോട് ബീച്ച് ആശുപത്രിയിൽ 23 വൃദ്ധരായ മാതാപിതാക്കളെ ഉപേക്ഷിച്ച നിലയിൽ കണ്ടെത്തി.ഇവരെ ചികിത്സയ്ക്കായി ആശുപത്രിയിൽ എത്തിച്ച ശേഷം ബന്ധുക്കൾ ഉപേക്ഷിച്ചു പോവുകയായിരുന്നു.മൂന്നു സ്ത്രീകൾ ഉൾപ്പെടെ അൻപതുവയസ്സിലേറെ പ്രായമുള്ളവരാണ് ഇവരെല്ലാം.മലയാളത്തിന് പുറമെ കന്നഡ,തമിഴ്,ഹിന്ദി,തുടങ്ങിയ ഭാഷകൾ സംസാരിക്കുന്നവരും ഇവരോടൊപ്പമുണ്ട്.ആശുപത്രിയുമായി ബന്ധപ്പെട്ട പ്രവർത്തിക്കുന്ന തെരുവിന്റെ മക്കൾ എന്ന സന്നദ്ധ സംഘടനാ പ്രവർത്തകരാണ് ഇവരുടെ കാര്യം അധികൃതരുടെ ശ്രദ്ധയിൽപ്പെടുത്തിയത്.രണ്ടുമാസമായി ഈ പ്രവർത്തകരാണ് ഇവർക്കുള്ള ഭക്ഷണം എത്തിച്ചു കൊടുക്കുന്നത്.സംഭവമറിഞ്ഞ് ലീഗൽ അതോറിറ്റി സെക്രെട്ടറി എ.പി ജയരാജ് ആശുപത്രിയിൽ എത്തി ഇവരിൽ നിന്നും വിവരങ്ങൾ ശേഖരിച്ചു.ഇവരെ സംരക്ഷിക്കാതെ ഉപേക്ഷിച്ച ബന്ധുക്കൾക്കെതിരെ കർശന നടപടി സ്വീകരിക്കുമെന്നും അദ്ദേഹം പറഞ്ഞു.
