ദില്ലി: ഇന്ധന നികുതിയില് ദില്ലി സര്ക്കാര് ഇളവ് നല്കാത്തതില് പ്രതിഷേധിച്ച് ദില്ലിയില് ഇന്ന് പമ്പുടമകളുടെ സമരം. രാജ്യതലസ്ഥാനത്തെ 400ഓളം പമ്പുകൾ ഇന്ന് പ്രവര്ത്തിക്കില്ല. തിങ്കളാഴ്ച രാവിലെ ആറ് മണി മുതല് 23 മണിക്കൂറാണ് സമരം. പെട്രോള് ഡീലേഴ്സ് അസോസിയേഷന്റെ നേതൃത്വത്തിലാണ് പ്രതിഷേധം.ധനമന്ത്രി അരുണ് ജെയ്റ്റ്ലിയുടെ അഭ്യര്ത്ഥന പ്രകാരം രാജ്യത്തെ 13 സംസ്ഥാനങ്ങള് പെട്രോളിയം ഉല്പ്പന്നങ്ങളുടെ നികുതിയില് ഇളവ് നല്കിയിരുന്നു. ദില്ലി സര്ക്കാര് ഇതിന് തയാറാകാത്തതിനെ തുടര്ന്നാണ് പമ്ബുടമകളുടെ പ്രതിഷേധം. സമീപ സംസ്ഥാനങ്ങളായ ഹരിയാനയിലു ഉത്തര്പ്രദേശിലും നികുതി കുറഞ്ഞതിനാല് ഇന്ധനവിലയില് വലിയ വ്യത്യാസമാണുള്ളത്. ഇതോടെ ദില്ലിയില് വില്പ്പന കുറഞ്ഞെന്നും പമ്ബുടമകള് ആരോപിക്കുന്നു.
