തിരുവനന്തപുരം:സംസ്ഥാന സ്കൂൾ മേളയിലെ വേഗമേറിയ താരങ്ങളെന്ന നേട്ടം നാട്ടിക ഫിഷറീസ് സ്കൂളിലെ ആന്സി സോജനും തിരുവനന്തപുരം സായിയിലെ സി.അഭിനവും സ്വന്തമാക്കി.100 മീറ്റർ ഓട്ടത്തിൽ ആന്സി 12.26 സെക്കന്റിലും അഭിനവ് 10.97 സെക്കന്റിലുമാണ് ഫിനിഷ് ചെയ്തത്.സീനിയര് പെണ്കുട്ടികളുടെ 100 മീറ്റര് ഓട്ടമത്സരത്തില് പരിക്ക് വകവയ്ക്കാതെ മിന്നും പ്രകടനം കാഴ്ച വച്ചാണ് ആന്സി ഒന്നാമതെത്തിയത്. അതേസമയം മേളയുടെ രണ്ടാം ദിനവും 10 സ്വര്ണവും 13 വെള്ളിയും 3 വെങ്കലവുമായി 98 പോയിന്റ് നേടി എറണാകുളം മുന്നേറ്റം തുടരുകയാണ്.9 സ്വര്ണവും 8 വെള്ളിയും 6 വെങ്കലവും ഉള്പ്പെടെ 75 പോയിന്റുമായി പാലക്കാടാണ് തൊട്ടുപിന്നില്. 47 പോയിന്റുമായി കോഴിക്കോട് മൂന്നാംസ്ഥാനത്തുണ്ട്.നിലവിലെ സ്കൂള് ചാമ്ബ്യന്മാരായ മാര് ബേസില് 4 സ്വര്ണവും 4 വെള്ളിയും 2 വെങ്കലും ഉള്പ്പെടെ 34 പോയിന്റോടെ കിരീടം നിലനിറുത്താനുള്ള ശ്രമത്തിലാണ്. 28 പോയിന്റുമായി പാലക്കാട് കുമരംപുത്തൂര് സ്കൂള് തൊട്ടുപിന്നിലുണ്ട്. സ്പോര്ട്സ് ഹോസ്റ്റലുകളില് തിരുവന്തപുരം സായ് ആണ് മുന്നില്.
