അഹമ്മദാബാദ്: സര്ദാര് വല്ലഭായ് പട്ടേലിന്റെ സ്മരണാര്ഥം നിര്മിച്ച 182 മീറ്റര് ഉയരമുള്ള പട്ടേല് പ്രതിമ പ്രധാനമന്ത്രി നരേന്ദ്രമോദി രാജ്യത്തിന് സമര്പ്പിച്ചു. പ്രതിമയ്ക്ക് സമീപം നിര്മ്മിച്ചിട്ടുള്ള ‘ഐക്യത്തിന്റെ മതിലും’ പ്രധാനമന്ത്രി ഉദ്ഘാടനം ചെയ്തു.ഉദ്ഘാടനച്ചടങ്ങുകളുടെ സമയത്ത് വ്യോമസേനയുടെ വിമാനങ്ങള് ആകാശത്ത് ത്രിവര്ണ പതാകയുടെ ചിത്രം വരച്ചതും കൗതുകമുണര്ത്തി. സര്ദാര് പട്ടേല് മ്യൂസിയം, കണ്വെന്ഷന് സെന്റര്, പൂക്കളുടെ താഴ്വര തുടങ്ങി ഒട്ടേറെ പദ്ധതികള് ഉള്പ്പെട്ടതാണ് പ്രതിമ സമുച്ചയം.ഏകതാ പ്രതിമ എന്ന പേരിട്ടിട്ടുള്ള പ്രതിമ പട്ടേലിന്റെ 143 മത് ജന്മദിനത്തിലാണ് രാഷ്ട്രത്തിന് സമര്പ്പിച്ചിരിക്കുന്നത്. നര്മദാ നദീ തീരത്തുള്ള സാധു ബെട്ട് ദ്വീപിലാണ് പ്രതിമ നിര്മിച്ചിരിക്കുന്നത്.33 മാസമെടുത്താണ് പ്രതിമയുടെ നിര്മാണം പൂര്ത്തിയാക്കിയത്. രാം വി. സുത്തര് രൂപകല്പനയും എല് ആന്ഡ് ടി നിര്മാണവും നിര്വഹിച്ച പ്രതിമയ്ക്ക് 2,989 കോടി രൂപയാണ് ചെലവ്.ചൈനയിലെ 153 മീറ്റര് ഉയരമുള്ള ബുദ്ധപ്രതിമയെക്കാളും ബ്രസീലിലെ ക്രിസ്തുപ്രതിമയെക്കാളും അമേരിക്കയിലെ സ്റ്റാച്യു ഓഫ് ലിബേര്ട്ടിയേക്കാളുമൊക്കെ ഉയരമുള്ളതാണ് പട്ടേല് പ്രതിമ.അതായത് ലോകത്തിലേറ്റവും ഉയരമുള്ള പ്രതിമ എന്ന സ്ഥാനം ഇനി ഏകതാ പ്രതിമയ്ക്ക് സ്വന്തം.
