കണ്ണൂർ: ക്രിപ്റ്റോ കറന്‍സി തട്ടിപ്പിൽ കണ്ണൂരില്‍ ഒരാള്‍ അറസ്റ്റില്‍.ചാലാട് പഞ്ഞിക്കല്‍ റഷീദ മന്‍സിലില്‍ മുഹമ്മദ് റനീഷിനെ (33) യാണ് കണ്ണൂര്‍ സിറ്റി അസിസ്റ്റന്റ് കമ്മിഷണര്‍ പി.പി.സദാനന്ദന്‍ അറസ്റ്റ് ചെയ്തത് .ഇയാളുടെ ബാങ്ക് അക്കൗണ്ടുകള്‍ പരിശോധിച്ചതില്‍ കോടികളുടെ അനധികൃത ഇടപാടുകള്‍ കണ്ടെത്തി.എല്‍.ആര്‍ ട്രേഡിംഗ് എന്ന സ്ഥാപനം മോറിസ് കോയിന്‍ വാഗ്ദാനം നല്‍കി 1265 കോടി പിരിച്ചെടുത്തതായി അന്വേഷണത്തില്‍ കണ്ടെത്തി.ഈ തുകയില്‍ ഭൂരിഭാഗവും ആദ്യകാല നിക്ഷേപകര്‍ക്ക് വിതരണം ചെയ്ത് മണി ചെയിന്‍ മാതൃകയില്‍ തട്ടിപ്പ് നടത്തുകയായിരുന്നു. ബാങ്ക് അക്കൗണ്ടുകളില്‍ അവശേഷിച്ച 36 കോടി രൂപ പൊലീസ് ഇടപെട്ട് മരവിപ്പിച്ചു. അനിയന്ത്രിത നിക്ഷേപ പദ്ധതി നിരോധനനിയമ പ്രകാരം പ്രതികളുടെ സ്വത്തുക്കളും നിക്ഷേപങ്ങളും കണ്ടുകെട്ടും. അതിനായി ധനകാര്യവകുപ്പ് അഡീഷണല്‍ ചീഫ് സെക്രട്ടറിക്ക് റിപ്പോര്‍ട്ട് നല്‍കി.
