മലപ്പുറം:സംസ്ഥാനത്ത് ഇന്ന് രണ്ടു കൊവിഡ് മരണങ്ങള്‍ കൂടി റിപ്പോര്‍ട്ട് ചെയ്തു.മലപ്പുറം സ്വദേശി തെയ്യാല ഗണേശൻ(48),എറണാകുളം കോതമംഗലം സ്വദേശി ടി വി മത്തായി എന്നിവരാണ് മരിച്ചത്.മഞ്ചേരി മെഡിക്കല്‍ കോളേജ് ആശുപത്രിയില്‍ ഇന്നലെ രാത്രിയായിരുന്നു ഗണേശന്റെ മരണം. കളമശ്ശേരി മെഡിക്കല്‍ കോളേജില്‍ ചികിത്സയില്‍ കഴിയവെയാണ് മത്തായിയാണ് മരിച്ചത്. ഇദ്ദേഹത്തിന് പ്രമേഹവും ഹൃദ്രോഗവും ഉണ്ടായിരുന്നു.തീവ്രപരിചരണ വിഭാഗത്തില്‍ പ്രവേശിപ്പിച്ച്‌ പ്ലാസ്മാ തെറാപ്പി നല്‍കിയിരുന്നു ഇദ്ദേഹത്തിന്. എന്നാല്‍ ഇന്ന് പുലര്‍ച്ചെയോടെ മത്തായിയുടെ ആരോഗ്യ സ്ഥിതി വഷളാവുകയും മരണം സംഭവിക്കുകയുമായിരുന്നു . ഇതോടെ ഇന്നലെയും ഇന്നുമായി സംസ്ഥാനത്ത് ഔദ്യോഗികമായി സ്ഥിരീകരിച്ചത് 14 മരണങ്ങളാണ്. രോഗം രൂക്ഷമായി പിടിമുറുക്കിയിരിക്കുന്ന മലപ്പുറം ജില്ലയില്‍ മാത്രം ഇതുവരെ മരണം 13 ആയി.സംസ്ഥാനത്ത് മൊത്തം കോവിഡ് മരണം 169 ആണെന്നാണ് സര്‍ക്കാര്‍ കണക്കുകള്‍ പറയുന്നത്. സര്‍ക്കാര്‍ നല്‍കുന്ന വിവരമനുസരിച്ച്‌ നിലവില്‍ 157 കൊവിഡ് രോഗികളാണ് ഐസിയുവില്‍ പ്രവേശിക്കപ്പെട്ടിട്ടുള്ളത്. 30 രോഗികള്‍ വെന്റിലേറ്ററിലാണ്.
