അധികാരത്തിലേറി 6 മാസത്തിനിടെ പിണറായി മന്ത്രിസഭയിൽ അഴിച്ചുപണി. ഇ പി ജയരാജന്റെ രാജിവെപ്പിനെ തുടർന്നുള്ള വ്യവസായ വകുപ്പിലെ ഒഴിവിനെ തുടർന്നാണ് ഇത്. നിലവിൽ സഹകരണ വകുപ്പ് കൈകാര്യം ചെയ്യുന്ന എ സി മൊയ്തീനാണ് ഇനി വ്യവസായ വകുപ്പ്.
സിപിഎം സംസ്ഥാന സെക്രട്ടറിയേറ്റ് അംഗവും ഉടുമ്പൻചാൽ എംൽഎയും ആയ എംഎം മണിയാണ് വൈദ്യുതി വകുപ്പ് കൈകാര്യം ചെയ്യുക.
ഇപ്പോൾ വൈദ്യുതി വകുപ്പ് മന്ത്രിയായ കടകംപള്ളി സുരേന്ദ്രന് സഹകരണ വകുപ്പ് നൽകും, ദേവസ്വം വകുപ്പും സുരേന്ദ്രന് തന്നെയാണ്
കാൻപൂർ: ഉത്തർപ്രദേശിലെ പുക്രയ്നിൽ ട്രെയിൻ പാളം തെറ്റി 96 പേർ മരിച്ചു, 226 പേർക്ക് സാരമായി പരിക്കേറ്റു. പട്ന – ഇൻഡോർ എക്സ്പ്രെസ്സിന്റെ 14 ബോഗികളാണ് ഇന്ന് പുലർച്ചെ 3:30 നു പാളം തെറ്റിയത്. അപകടത്തിന്റെ കാരണങ്ങൾ അധികൃതർ ഇതേവരെ പുറത്തു വിട്ടിട്ടില്ല.ഇനിയും മരണ സംഖ്യ ഉയരാൻ ആണ് സാധ്യത. രക്ഷാപ്രവർത്തനം തുടരുകയാണ്.
മുതിർന്ന റെയിൽവേ ഉദ്യോഗസ്ഥരും ഡോക്ടർമാറും സംഭവ സ്ഥലത്തെത്തിയിട്ടുണ്ട്.
മരിച്ചവർക്കും അപകടം പറ്റിയവർക്കും ധന സഹായവും ചികിത്സയും മന്ത്രാലയം അറിയിച്ചു.
പ്രസിഡന്റ് പ്രാണാമുഖർജി,പ്രധാനമന്ത്രി മോഡി എന്നിവർ സംഭവത്തിൽ അനുശോചനം രേഖപ്പെടുത്തി. അപകട കാരണം ഇതുവരെ വ്യക്തമായിട്ടില്ല. അപകടത്തെ പറ്റി അന്വേഷിക്കാൻ റെയിൽവേ മന്ത്രി ഉത്തരവിട്ടു.ഈ റൂട്ടിലുള്ള ട്രെയിൻ ഗതാഗതം പൂര്ണമായും താറുമാറായ നിലയിലാണ്.
Patna:0612-2202290,0612-2202291, Kanpor- 0512 1072, Pokhrayan -05113-270239
ചെന്നൈ: തമിഴ്നാട് മുഖ്യമന്ത്രി കുമാരി ജയലളിതയുടെ ആരോഗ്യനില മെച്ചപ്പെട്ടതിനെ തുടർന്ന് ഐ സി യുവിൽ നിന്നും അപ്പോളോ ആശുപത്രിയിലെ തന്നെ പ്രത്യേക മുറിയ്ക്ക് മാറ്റി.
മുഖ്യമന്ത്രിയുടെ ആരോഗ്യനിലയിലെ പുരോഗതി വിലയിരുത്തിയ ശേഷമമാണ് ഈ മാറ്റമെന്നും ഇപ്പോൾ ദിവസേന വെറും 15 മിനിറ്റ് നേരം മാത്രമേ വെന്റിലേറ്ററിന്റെ സഹായം ആവശ്യമുള്ളുവെന്നും അപ്പോളോ ആശുപത്രി ചെയർമാൻ ഡോ.പ്രതാപ് സി റെഡ്‌ഡി അറിയിച്ചു.
അന്താരാഷ്ട്ര വിപണിയിൽ ക്രൂഡ് ഓയിൽ വില കുറഞ്ഞതിനാൽ ഓയിൽ കമ്പനികളുടെ ദ്വൈവാര വിശകനത്തിന്റെ അടിസ്ഥാനത്തിൽ നവമ്പർ 15 നു അർദ്ധ രാത്രി മുതൽ പെട്രോൾ , ഡീസൽ വില കുറച്ചു .
നവംബർ 15 വരെ കേരളത്തിലെ ശരാശരി വില പെട്രോളിന് 70 രൂപ 10 പൈസയും ഡീസലിന് 61 രൂപ 20 പൈസയും ആണ് .നവംബർ 16 മുതൽ പെട്രോൾ വിലയിൽ ഒരു രൂപ നാല്പത്തിയേഴു പൈസയും ഡീസൽ വിലയിൽ ഒരു രൂപ അമ്പത്തിമൂന്നു പൈസയും കുറച്ചിരിക്കുന്നു.
എയ്ഡ്‌സ് ബാധിതകർക്ക് പ്രത്യാശ നൽകികൊണ്ട് ഹീബ്രൂ സർവകലാശാലയിലെ ഒരു കൂട്ടം ശാസ്ത്രജ്ഞർ പുതിയ ഒരു മരുന്ന് കണ്ടുപിടിച്ചിരിക്കുന്നു.
മരുന്നിൽ പ്രധാനമായും പ്രോട്ടീൻ വകഭേതങ്ങളിൽ ഘടനയിൽ മാറ്റം വരുത്തിയാണ് മരുന്ന് കണ്ടുപിടിച്ചിരിക്കുന്നത്.ഹീബ്രൂ സർവകലാശാലയിലെ എബ്രഹാം ലോയിട്ടെരും അസ്സാഫ് ഫ്രയിൽഡർ ചേർന്നാണ് മരുന്ന് കണ്ടുപിടിച്ചിരിക്കുന്നത്.
വെടി നിർത്തൽ കരാർ ലംഘിച്ച് ജമ്മു-കാശ്മീരിൽ വീണ്ടും പ്രകോപനവുമായി പാകിസ്ഥാൻ. ആർ എസ് പുര സെക്ടറിലാണ് ഇന്ന് വെളുപ്പിന് വീണ്ടും പാകിസ്ഥാൻ സൈന്യത്തിൻറെ ഭാഗത്തനിന്നും ഇന്ത്യൻ സൈനീക പോസ്റ്റിനു നേരെ വെടി വെപ്പുണ്ടായത്.
ജമ്മുവിൽനിന്നും 90 കി. മി അകലെയുള്ള ഹീരാ നഗറിൽ ഇന്നലെ രാവിലെ ഇന്ത്യൻ സൈന്യത്തിന് നേരെ പാകിസ്ഥാൻ വെടിവെച്ചതിനെ തുടർന്ന് ഇന്ത്യൻ പട്ടാളവും ശക്തമായി തിരിച്ചടിച്ചിരുന്നു. ഇതിനിടെ ഗുരുതരമായി പേരിൽ പറ്റിയ ഗുരുനാംസിങ് എന്ന ബി എസ് എഫ് കോൺസ്റ്റബിളിനെ ജമ്മു ആശുപത്രിയിൽ പ്രവേശിപ്പിച്ചു.
പട്ടാളത്തിന്റെ തിരച്ചിലിൽ ഒരു പാകിസ്ഥാൻ ചാരനെ സാമ്പ സെക്ടറിൽ നിന്നും അറസ്റ്റ് ചെയ്തു.ഇയാളുടെ പക്കലിലുണ്ടായിരുന്ന രണ്ടു പാകിസ്ഥാൻ സിം കാർഡുകളും തന്ത്ര പ്രധാനമായ ചില രേഖകളും കണ്ടെടുത്തു.
പനാജി : ആണവ ഭീഷണി നേരിടുന്നതിനുവേണ്ടി എസ് 400 ട്രയംഫ് , കാമോവ്226 ചോപ്പ്ർ, ചരക്ക് കപ്പൽ എന്നിവ റഷ്യയിൽ നിന്നും വാങ്ങുവാനുള്ള കരാർ ഇരു രാജ്യങ്ങളും തമ്മിൽ ഒപ്പുവെച്ചു.
ബ്രിക്സ് സമ്മേളനത്തിൽ പങ്കെടുക്കാൻ എത്തിയ റഷ്യൻ പ്രസിഡന്റ് വ്ലാദിമിർ പുട്ടിൻ പ്രധാനമന്ത്രി നരേന്ദ്ര മോദിയും ആയി നടത്തിയ കൂടിക്കാഴ്ചയിലാണ് കരാറുകൾ ഒപ്പുവെച്ചത്.
600 കി .മി ദൂരെ നിന്നും ആണവ ആയുധങ്ങളെയും യുദ്ധവിമാനങ്ങളെയും തിരിച്ചറിയുവാനും 400 കി.മി. ദൂരെ പരിധിയിൽ വെച്ച തന്നെ നശിപ്പിക്കുവാൻ ശേഷിയുള്ളവയാണ് എസ് 400 ട്രയംഫ്.
തിരുവനന്തപുരം: വഞ്ചിയൂർ കോടതിയിൽ ഇന്നലെ മാധ്യമപ്രവർത്തകർക്ക് നേരെ ഉണ്ടായിരുന്ന അഭിഭാഷകരുടെ അക്രമം ഒരു ഇടവേളക്ക് ശേഷം വീണ്ടും മാധ്യമ – അഭിഭാഷക തെരുവ് യുദ്ധത്തിന്റെ പുതിയ ഒരു മുഖം കൂടി പുറത്തേക്ക് കൊണ്ടുവന്നിരിക്കുകയാണ്.
മുഖ്യ മന്ത്രിയും ഹൈകോടതി ചീഫ് ജസ്റ്റിസും, രെജിസ്ട്രാറും ഇടപെട്ട് താത്കാലികമായി ഒത്തു തീർപ്പിലേക്കെത്തിയ പോർവിളി ഇന്നലത്തെ സംഭവങ്ങളോടെ വീണ്ടും മറനീക്കി പുറത്തു വന്നിരിക്കുകയാണ്. ഗവണ്മെന്റ്പ്ലീഡർ സ്ത്രീ പീഡനകേസിൽ പെട്ടതിനെ തുടർന്ന് കേരളം പോലീസും അഭിഭാഷകരും തമ്മിൽ തുറന്ന വാക്പോരുകൾ ഉണ്ടാവുകയും പിന്നീടത് മാധ്യമ പ്രവർത്തകർക്ക് നേരെ തിരിയുകയും ആണ് ഉണ്ടായത്.
കേരള പത്രപ്രവർത്തക യൂണിയന്റെ സമ്മേളനത്തിന്റെ ഉത്ഘാടകതിനിടെ മുഖ്യമന്ത്രി അഭിഭാഷകരുടെ അക്രമത്തെ ശക്തമായ ഭാഷയിൽ തന്നെ താകീത് നൽകി.ഇത്തരം അക്രമങ്ങൾ തുടർന്നാൽ സർക്കാർ ഇടപെടും എന്ന് ഉറപ്പു നൽകിയാണ് മുഖ്യമന്ത്രി ശ്രീ പിണറായി വിജയൻ പ്രസംഗം അവസാനിപ്പിച്ചത്
രാഷ്ട്ര പിതാവിന്റെ ജന്മദിനം ഭാരതം വിവിധ പരിപാടികളോടെ ആഘോഷിച്ചു.അഹിംസ എന്ന നന്മയുടെ പാതയും സന്ദേശവും സ്വജീവിതത്തിലൂടെ ലോകത്തിനു കാണിച്ചുകൊടുത്ത മോഹൻദാസ് കരംചന്ദ് ഗാന്ധി എന്ന ഗാന്ധിജി ഇന്നും അനുകരണീയമായ ഒരു ജീവിതത്തിനുടമതന്നെയാണ്. ഐക്യരാഷ്ട്ര സഭ അഹിംസ ദിനമായി ആചരിക്കാൻ തിരഞ്ഞെടുത്തത് ഗാന്ധിജിയുടെ ജന്മദിനാമായ ഒക്ടോബർ2 എന്നത് ലോകം അദ്ദേഹത്തെ എത്രമാത്രം ബഹുമാനിക്കുന്നു എന്നതിന്റെ തെളിവാണ്.
സാധാരണകാരിൽ ഒരാളായി ജീവിച്ച് ഉയർന്ന ധാർമീക മൂല്യവും തികഞ്ഞ സത്യസന്ധതയും ശാന്ത സ്വഭാവവും മുഖമുദ്രയാക്കി സൂര്യനസ്തമിക്കാത്ത സാമ്പ്രാജ്യത്വ ശക്തിയെ പ്രതിപക്ഷ ബഹുമാനങ്ങൾ നിലനിർത്തി സമരം ചെയ്തു തോൽപിച്ച അതുല്യ വ്യക്തിത്വമാണ് ഗാന്ധിജി
സേവനവും മാനവികതയും നഷ്ടപ്പെട്ടുകൊണ്ടിരിക്കുന്ന ഈ കാലഘട്ടത്തിൽ ഗാന്ധി ചിന്തകൾ ഇന്നും വളരെ പ്രസക്തം തന്നെ.
മലയാളത്തിലെ ജനപക്ഷ മാധ്യമം
ലോകത്തിന്റെ പല ഭാഗങ്ങളിൽ ആയി വിവിധ ഭാഷയും സംസ്കാരവും സ്വജീവിതത്തിന്റെ അടയാളങ്ങൾ ആക്കി ജീവിത വിജയം കൊയ്‌തെ ടുത്ത മലയാളികൾക്ക് സ്വന്തം നാടിന്റെ നിജസ്ഥിതി നേർകാഴച ആയി വായിച്ചെടുക്കാൻ നന്മയുടെ വാർത്തകലുമായി ഞങ്ങൾ പ്രസിദ്ധീകരണം ഉടൻ ആരംഭിക്കുന്നു .അതിജീവനത്തിന്റെയും ജീവകാരുണ്ണ്യത്തിന്റെയും പ്രകൃതി സ്നേഹത്തിന്റെയും വാർത്തകൾക്കായി ഒരിടം.
മുഖ്യധാരയിൽ മാത്രമല്ല ജീവിതങ്ങളും വാർത്തകളും മനുഷ്യരും എന്ന ഓർമപ്പെടുത്തൽ കൂടിയാണ് ഞങ്ങളുടെ ലക്‌ഷ്യം
സാധാരണകാരന് വേണ്ടി മാത്രം ….. ദയവായി കാത്തിരിക്കുക