കൊച്ചി:ലോകത്തിലെ അഞ്ചാമത്തെ ശബ്ദമേറിയ സ്റ്റേഡിയം ഇനി ജവാഹർലാൽ നെഹ്‌റു സ്റ്റേഡിയം.കേരള ബ്ലാസ്റ്റേഴ്‌സ് ആരാധകരുടെ ആവേശമാണ് കലൂർ സ്റ്റേഡിയത്തിനു ഈ പദവി കിട്ടാൻ കാരണം.
ഐഎസ്എൽ ഫൈനൽ മത്സരത്തിൽ സ്റ്റേഡിയത്തിൽ ആരാധകരുടെ ആവേശമേറിയ ശബ്ദം 128 ഡെസിബെൽ ആയിരുന്നു. ആരോഹെഡ് സ്റ്റേഡിയത്തിൽ 2014 സ്പെറ്റംബർ 29-ന് അമെരിക്കൻ ഫുട്ബോൾ ക്ലബ്ബായ കൻസാസ് സിറ്റി ചീഫ്‌സിന്റെ ആരാധകർ ഉണ്ടാക്കിയ 142.2 ഡെസിബെൽ ആണ് ലോക റെക്കോർഡിൽ ഒന്നാമത്.
വിവാഹത്തിന് ശേഷം അഭിനയം മതിയാക്കിയ മലയാളികളുടെ നായിക ജോമോൾ വീണ്ടും സിനിമയിലേക്ക് തിരിച്ചെത്തുന്നു.വി.കെ പ്രകാശ് സംവിധാനം ചെയ്യുന്ന കെയർഫുൾ എന്ന ചിത്രത്തിലൂടെയാണ് താരം തിരിച്ചു വരുന്നത്.
സിനിമ ഫീൽഡിലേക്കു ഒരു വടക്കൻ വീരഗാഥയുടെ ബാല താരമായി വന്ന ജോമോൾ പിന്നീട് പല ചിത്രങ്ങളിലും നായികയായും ഉപനായികയായും അരങ്ങു തകർത്തു.
എന്ന് സ്വന്തം ജനകികുട്ടിയിലെ അഭിനയത്തിന് സംസ്ഥാന അവാർഡും ദേശീയ തലത്തിൽ പ്രതേക ജൂറി പുരസ്കാരവും നേടിയിട്ടുണ്ട്.പിന്നീട് കുടുംബ ജീവിതത്തിലേക്ക് ഒതുങ്ങുകയായിരുന്നു.
മുംബൈ:ഡാറ്റാ ഉപയോഗത്തിനും കാളിങ്ങിനും പണം ചിലവാക്കി മടുത്ത ജനങ്ങൾക്ക് ഒരു ആശ്വാസമായി ജിയോ വന്നു എങ്കിലും 4ജി ഫോണുകൾ ഉപയോഗിക്കുന്നവർക്ക് മാത്രമാണ് ഈ ഓഫറുകൾ ലഭ്യമായി കൊണ്ടിരുന്നത്.എന്നാൽ കൂടുതൽ പേരും 3ജി ഫോണുകളാണ് ഉപയോഗിക്കുന്നത് എന്നത് ഒരു പ്രശ്നമായി തുടർന്നിരുന്നു.
ഇതിനൊരു പരിഹാരമായി ജിയോ 3ജി ഫോണുകളിലും ലഭ്യമാക്കാൻ അനിൽ അംബാനി ആലോചിക്കുന്നതായി റിപ്പോർട്ട്.ന്യൂ ഇയറോടെ ഈ ഓഫർ ലഭിക്കും എന്നാണ് റിപ്പോർട്ട്.
ജിയോയുടെ ആപ്പ് ഡൌൺലോഡ് ചെയ്യുന്നവർക്ക് ഡാറ്റ ഉപയോഗിക്കാൻ കഴിയും.ഈ ആപ്പ് ഡിസംബർ അവസാനത്തോടെ 3ജി ഫോണുകളിൽ ലഭ്യമാകും.ജനുവരി ഒന്നിന് അൺലിമിറ്റഡ് ഓഫർ 3ജി ഫോണുകളിലും ഉപയോഗിച്ച് തുടങ്ങാം.ഇതോടെ ജിയോ ഉപയോഗിക്കാൻ പറ്റാത്ത 3ജി ഫോൺ ഉപയോക്താക്കൾക്ക് ആശ്വാസമാകുകയാണ്.
നിലവിൽ 4ജി ഫോണുകളിൽ മാത്രം ലഭിക്കുന്ന ജിയോ കുറഞ്ഞ കാലയളവിനുള്ളിൽ തന്നെ 52 മില്ല്യൺ ഉപയോക്താക്കളെ സ്വന്തമാക്കി.നിലവിലുണ്ടായിരുന്ന എല്ലാ നെറ്റ് വർക്കുകളേയും പിന്നിലാക്കിയായിരുന്നു ജിയോയുടെ വളർച്ച.ഡിസംബർ 31 വരെ ഉണ്ടായിരുന്ന അൺലിമിറ്റഡ് ഓഫർ മാർച്ച് വരെ നീട്ടിയിട്ടുണ്ട്.
സാൻഫ്രാൻസിസ്കോ:പുതിയ നവീകരണങ്ങളുമായി ഫേസ്ബുക് വീണ്ടും ജനങ്ങളുടെ മനം കവരാൻ എത്തുന്നു.ഓരോ ദിവസവും പുതിയ പുതിയ സംവിധാനങ്ങൾ ഒരുക്കുന്ന ഫേസ്ബുക് ഇത്തവണ ഓഡിയോ ലൈവുമായാണ് ഉപയോക്താക്കൾക്ക് മുന്നിൽ എത്തുന്നത്.ഇപ്പോൾ വീഡിയോ ലൈവ് സംവിധാനം നിലവിലുണ്ട് എന്നതിന് പുറമെയാണിത്.
ഫേസ്ബുക് യുസേഴ്‌സിന് ന്യൂ ഇയർ സമ്മാനം ഗംഭീരമാകാനാണ് ഫേസ്ബുക് തീരുമാനം.ലോകത്തിൽ ഏറ്റവും കൂടുതൽ പ്രചാരത്തിലുള്ള സോഷ്യൽ മീഡിയയാണ് ഫേസ്ബുക്.ഫേസ്ബുക് വരുന്നതിന് മുൻപ് ഏറ്റവും കൂടുതൽ പേർ ഉപഖയോഗിച്ച് കൊണ്ടിരുന്ന ഓർകുട്ടിനെ പിന്തള്ളിയായിരുന്നു ഫേസ്ബുക്കിന്റെ വളർച്ച.
ഈ ന്യൂ ഇയറിന് ഓഡിയോ ലൈവ് യുസേഴ്‌സിന് മുന്നിൽ എത്തിക്കാനാണ് ഫേസ്ബുക്കിന്റെ ശ്രമം.ഫേസ്ബുക് പേജിൽ നിന്നും പുറത്തു കടന്നാലും മൊബൈൽ ലോക്ക് ചെയ്തു കഴിഞ്ഞാലും ഓഡിയോ കേൾക്കാൻ പറ്റുന്ന രീതിയിലാണ് പുതിയ സംവിധാനം വരുന്നത്.കൂടാതെ ഫേസ്ബുക് ബ്രൗസ് ചെയ്യുന്നതോടൊപ്പം തന്നെ ഓഡിയോ കേൾക്കാനും പറ്റും.
വീഡിയോ ലൈവിൽ കൂടുതൽ ഡാറ്റ ഉപയോഗിക്കുന്നത് ഓഡിയോ ലൈവിലുടെ ഒഴിവാക്കാൻ പറ്റും എന്നൊരു ഗുണവും ഇതിനുണ്ട്.തുടക്കത്തിൽ ആൻഡ്രോയിഡ് ഐഒഎസ് പ്ലാറ്റ്ഫോമിലാണ് ഓഡിയോ ലൈവ് ലഭിക്കുക.
ഭോപ്പാൽ:ഇനി മൂത്രപ്പുര എവിടെയെന്ന് അന്വേഷിച്ച് ഒരുപാട് ബുദ്ധിമുട്ടേണ്ടതില്ല.ഗൂഗിൾ മാപ്പിലൂടെ അടുത്തുള്ള പബ്ലിക് ടോയ്ലറ്റ്സ് ലൊക്കേഷൻ കണ്ടുപിടിക്കാം.മധ്യപ്രദേശിലും രാജ്യത്തെ തലസ്ഥാന നഗരികളിലും ഈ സൗകര്യം ലഭ്യമാണ്.
ഇന്ന് മുതലാണ് ഇങ്ങിനെയൊരു സൗകര്യം കൂടി ഗൂഗിൾ ഒരുക്കിയിരിക്കുന്നത്.ഗൂഗിൾ മാപ്പിൽ നാല്പത്തിനായിരത്തോളം പബ്ലിക് മൂത്രപ്പുരകളുടെ ലൊക്കേഷനുകളും അത് തുറന്നിരിക്കുന്ന സമയങ്ങളും വ്യക്തമായും ലഭിക്കും.
ഇന്ത്യക്കാർക്കും വിദേശിയർക്കും മൊബൈൽ വഴിയോ ഡെസ്ക്ടോപ്പ് വഴിയോ അടുത്തുള്ള ടോയ്ലറ്റ്സുകൾ കണ്ടെത്താൻ പറ്റും.പബ്ലിക് ടോയ്‌ലെറ്റ്സ് എന്ന് ടൈപ്പ് ചെയ്‌താൽ മാത്രം മതി.ലഭ്യമായ ടോയ്ലറ്റ്‌സുകളുടെ ലൊക്കേഷൻ ഗൂഗിൾ മാപ് പറഞ്ഞു തരും.
ദുബായ്:ഐസിസി ക്രിക്കറ്റർ ഓഫ് ദി ഇയർ ഇന്ത്യൻ താരം ആർ.അശ്വിൻ.ഐസിസിയുടെ ഈ നേട്ടം സ്വന്തമാക്കുന്ന മൂന്നാമത്തെ ഇന്ത്യൻ താരമാണ് അശ്വിൻ.രാഹുൽ ദ്രാവിഡ്,സച്ചിൻ തെണ്ടുൽക്കർ എന്നിവരാണ് മുൻപ് ഈ സ്ഥാനത്തിന് അർഹരായ മറ്റു ഇന്ത്യൻ താരങ്ങൾ.
ഈ വർഷം 8 ടെസ്റ്റുകൾ കളിച്ച അശ്വിൻ 48 വിക്കറ്റും 336 റൺസും നേടിയാണ് ഈ നേട്ടം ഏറ്റുവാങ്ങിയത്.മികച്ച ടെസ്റ്റ് താരത്തിനുള്ള പുരസ്കാരവും അശ്വിൻ തന്നെ സ്വന്തമാക്കി.
ഐസിസിയുടെ ബൗളർമാരുടെ ടെസ്റ്റ് റാങ്കിങ്ങിൽ അശ്വിൻ ആയിരുന്നു ഒന്നാമത്.ഇംഗ്ലണ്ടിനെതിരെയുള്ള ടെസ്റ്റ് പരമ്പരയിലൂടെയാണ് അദ്ദേഹം ഈ നേട്ടം സ്വന്തമാക്കിയത്.തൊട്ടു പിറകെ രണ്ടാം സ്ഥാനം നേടി ഇന്ത്യൻ താരം രവിചന്ദ്ര ജഡേജയുമുണ്ട്.ഒന്നാം സ്ഥാനത്തുള്ള അശ്വിനുമായി 8 പോയിന്റ് വ്യത്യാസം മാത്രമാണുള്ളത്.
ഇംഗ്ളണ്ടിനെതിരെയുള്ള പരമ്പരയിൽ ജഡേജ 26 വിക്കറ്റും അശ്വിൻ 28 വിക്കറ്റുകളും നേടിയിരുന്നു.ഇന്ത്യൻ ടീമാണ് ടീമെന്ന നിലയിലും മുൻപിൽ.
കിൻഷാസ്:പ്രസിഡന്റ് സ്ഥാന കാലാവധി കഴിഞ്ഞിട്ടും ഇലക്ഷൻ നടത്താതെ സ്ഥാനം തുടരുന്ന പ്രസിഡന്റ് ജോസഫ് കബിലയ്‌ക്കെതിരെ വ്യാപകമായ പ്രക്ഷോഭം.
ചൊവ്വാഴ്ച്ച മുതൽ തുടങ്ങിയതാണ് പ്രക്ഷോഭം.പ്രക്ഷോഭക്കാരെ പിരിച്ചു വിടാനുള്ള ശ്രമത്തിനിടയിൽ ഒരു സുരക്ഷാ ഉദ്യോഗസ്ഥനടക്കം 22 പേർ കൊല്ലപ്പെട്ടു.ജനാധിപത്യ രാജ്യമായ കോംഗോയിൽ ഇലക്ഷൻ നടത്താൻ തയ്യാറാകാതെയാണ് ജോസഫ് കബിൽ അധികാരം തുടരുന്നത്.തിങ്കളാഴ്ച്ച രാത്രിയോടെ അധികാരം അവസാനിച്ചിരുന്നു.
പ്രക്ഷോഭത്തിൽ നിരവധി പേർക്ക് പരിക്കേറ്റു.300 പേരെ പോലീസ് അറസ്റ്റ് ചെയ്ത് നീക്കി.
ഗുജറാത്ത്: ഗുജറാത്ത് മന്ത്രിയായിരിക്കെ മോദിക്ക് സഹാറയും ബിർളയും 40 കോടി ഒരു ലക്ഷം രൂപ കൈക്കൂലി നൽകിയെന്ന് രാഹുൽ ഗാന്ധി.ഇവരിത് സമ്മതിച്ചിട്ടുണ്ടെന്നാണ് അദ്ദേഹത്തിന്റെ വാദം.എന്നാൽ ഹെലികോപ്റ്റർ കേസിൽ കുടുംബം കുടുങ്ങും എന്ന പേടി കൊണ്ടാണ് ഇങ്ങിനെയൊരു അഴിമതി ആരോപണം ഉന്നയിക്കുന്നത് എന്ന് ബിജെപി.
ഗുജറാത്തിലെ മെഹ്സാനയിൽ നടന്ന റാലിയിലാണ് രാഹുൽ ഗാന്ധി മോദിക്കെതിരെ ആരോപണം ഉന്നയിച്ചത്.മുഖ്യമന്ത്രിയായിരിക്കെ 9 തവണ മോദി സഹാറയിൽ നിന്നും കൈക്കൂലി വാങ്ങിയിട്ടുണ്ട്.2013 ഒക്ടോബർ 30-നും 2014 ഫെബ്രുവരി 20ണ്-നും ഇടയ്ക്ക് മോദിക്ക് പണം നൽകിയെന്ന് സഹാറ വെളിപ്പെടുത്തിയെന്നും ആദായ നികുതി വകുപ്പ് തെളിവുകൾ കണ്ടില്ലെന്ന് നടിക്കുന്നു എന്നും രാഹുൽ ആരോപിച്ചു.
അഗസ്റ്റാ വെസ്റ്റ്ലാൻഡ് ഹെലികോപ്റ്റർ കേസിൽ കുടുംബം കുടുങ്ങും എന്ന ഭയം കൊണ്ടാണ് രാഹുൽ ഇങ്ങിനെയൊരു ആരോപണം ഉന്നയിക്കുന്നത്.സുപ്രീം കോടതി തള്ളിയ കേസാണ് രാഹുൽ ഇപ്പോൾ ആരോപിക്കുന്നതെന്നും മോദി ഗംഗ പോലെ പരിശുദ്ധമാണെന്നും ബിജെപി വക്താക്കൾ പറഞ്ഞു.
ന്യൂഡൽഹി:ഡിസംബർ 30 വരെ കെ.വൈ.സി ഉള്ളവർക്ക് നിരോധിച്ച കറൻസി എത്രയും നിക്ഷേപിക്കാം എന്ന് റിസേർവ് ബാങ്ക്.5000 രൂപ വരെ മാത്രമേ പഴയ നോട്ടുകൾ ബാങ്കുകളിൽ നിക്ഷേപിക്കാവു എന്ന നിയമം തിങ്കളാഴ്ച്ച റിസേർവ് ബാങ്ക് പുറപ്പെടുവിച്ചിരുന്നു.
5000 മുകളിൽ നിക്ഷേപിക്കണം എന്നുണ്ടെങ്കിൽ ബാങ്കിലെ രണ്ട് ഉദ്യോഗസ്ഥരുടെ ചോദ്യങ്ങൾക്ക മറുപടി പറയണമെന്നും എന്ത് കൊണ്ട് ഇത്രയും ദിവസമായിട്ട് പണം നിക്ഷേപിച്ചില്ല എന്ന കാരണം വ്യകതമാകണമെന്നും റിസേർവ് ബാങ്ക് നിർദ്ദേശിച്ചിരുന്നു. ഈ നിയമം ഇതോടെ ഇല്ലാതായി.
കെ.വൈ.സി ഉള്ളവർക്ക് ഡിസംബർ 30 വരെ എത്ര പണവും നിക്ഷേപിക്കാം.ഡിസംബർ 30 വരെ പരിധിയില്ലാതെ പണം നിക്ഷേപിക്കാം എന്ന പ്രധാനമന്ത്രിയുടെ വാക്ക് പാലിക്കാഞ്ഞതോടെ പാർട്ടിക്കുള്ളിൽ തന്നെ അഭിപ്രായ വ്യത്യാസം വന്ന് തുടങ്ങിയിരുന്നു.
ഇടയ്ക്കിടെ നിയമങ്ങൾ മാറ്റുന്നതിനെതിരെ ഗവൺമെന്റിനെതിരെ പ്രതിപക്ഷവും രംഗത്തെത്തി.ഗവണ്മെന്റിന്റെ നോട്ടു നിരോധനം വൻ പരാജയമായത് കൊണ്ടാണ് ഇടയ്ക്കിടെ നിയമങ്ങൾ മാറ്റുന്നതെന്നാണ് പ്രതിപക്ഷത്തിന്റെ വാദം.
മുംബൈ:അണ്ടർ-17 ലോകകപ്പിലെ ഏത് മത്സരവും കൊച്ചിയിൽ നടത്താൻ തയ്യാറെന്ന് ടൂർണമെന്റ് ഡയറക്ടർ ഹാവിയൽ സെപ്പി.കഴിഞ്ഞ ദിവസം ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സും നോർത്ത് ഈസ്റ്റ് യുണൈറ്റഡും തമ്മിലുള്ള മത്സരത്തിന് ശേഷം ഉണ്ടായ അനിഷ്ട സംഭവങ്ങൾക്ക് ശേഷം അദ്ദേഹം പറഞ്ഞത് കൊച്ചിയിൽ ടൂർണമെന്റ് നടത്തുന്നത് സംശയകരമാണെന്നാണ്.
എന്നാൽ കേരള ബ്ലാസ്റ്റേഴ്സും കൊൽക്കത്തയും തമ്മിലുള്ള ഫൈനൽ മത്സരം കണ്ടതിനു ശേഷമാണ് അദ്ദേഹം തന്റെ അഭിപ്രായം മാറ്റിയത്.തങ്ങളുടെ ടീം തോറ്റിട്ടും യാതൊരു പ്രശ്നങ്ങളും കാണികൾ ഉണ്ടാക്കിയില്ല.അത് കൊണ്ട് തന്നെ കൊച്ചി ടൂർണമെന്റിന് അനുയോജ്യമെന്ന് അദ്ദേഹം പറഞ്ഞു.
അണ്ടർ-17 ലോകകപ്പിലെ ഏത് മത്സരവും കൊച്ചിയിൽ നടത്താൻ തയ്യാറാണ്.എന്നാൽ ഏതൊക്കെ മത്സരങ്ങൾ എന്ന് തീരുമാനിച്ചിട്ടില്ല.അടുത്ത വർഷം ഒക്ടോബർ 6 മുതൽ 28 വരെയാണ് അണ്ടർ-17 ലോകകപ്പ് മത്സരം നടക്കുന്നത്.