മെൽബൺ:ക്രിക്കറ്റ് ഓസ്ട്രേലിയയുടെ ഈ വർഷത്തെ ഏകദിന ടീമിന്റെ നായകനായി ഇന്ത്യൻ നായകൻ വിരാട് കോഹ്ലിയെ തെരഞ്ഞെടുത്തു.ഇന്ത്യയുടെ മറ്റൊരു താരമായ ജസ്പ്രീത് ബുംറയും ടീമിൽ ഇടം നേടിയിട്ടുണ്ട്.ഓസീസ് നായകൻ സ്റ്റീവ് സ്മിത്തിനെ മറികടന്നാണ് കോഹ്ലി നായകസ്‌ഥാനത്ത് എത്തുന്നത്.
ഐസിസി ഏകദിന ടീമിന്റെ ക്യാപ്റ്റനായി തെരഞ്ഞെടുത്തതിന് പിന്നാലെയാണ് കോഹ്ലി ക്രിക്കറ്റ് ഓസ്ട്രേലിയയുടെ നായക സ്‌ഥാനത്തുമെത്തുന്നത്.2016-ൽ പത്ത് ഏകദിനം മാത്രമേ കോഹ്ലി കള്ളിച്ചിട്ടുള്ളുവെങ്കിലും 50 ഓവർ ക്രിക്കറ്റിൽ കോഹ്ലിയെ മറികടക്കാൻ മറ്റൊരു താരമില്ലെന്നു ക്രിക്കറ്റ് ഓസ്ട്രേലിയ പറഞ്ഞു.10 ഏകദിനത്തിൽ എട്ടിലും കോഹ്ലി 45 റൺസോ അതിന് മുകളിലോ നേടിയിട്ടുണ്ട്.
ഏകദിന ടീം: വിരാട് കോഹ്ലി(നായകൻ), ഡേവിഡ് വാർണർ(ഓസ്ട്രേലിയ), ക്വിന്റൺ ഡി കോക്ക്(വിക്കറ്റ് കീപ്പർ, ദക്ഷിണാഫ്രിക്ക), സ്റ്റീവ് സ്മിത്ത്(ഓസ്ട്രേലിയ), ബാബർ അസം(പാകിസ്‌ഥാൻ), മിച്ചൽ മാർഷ്(ഓസ്ട്രേലിയ), ജോസ് ബട്ലർ(ഇംഗ്ലണ്ട്), ജസ്പ്രീത് ബുംറ(ഇന്ത്യ), ഇമ്രാൻ താഹിർ(ദക്ഷിണാഫ്രിക്ക).
