Full Grid

Kerala

വിദ്യാർത്ഥികളെ ജാതിപ്പേര് വിളിച്ച് ആക്ഷേപിച്ചു :ലക്ഷ്മിനായർക്കെതിരെ കേസ്

keralanews case filed against lekshmi nair

വിദ്യാർത്ഥികളെ ജാതിപ്പേര് വിളിച് ആക്ഷേപിച്ചു എന്ന വിഷയത്തിൽ ലക്ഷ്മി നായർ ക്കെതിരെ മനുഷ്യാവകാശ   കമ്മീഷന്  മുന്നിൽ വിദ്യാർത്ഥികൾ നൽകിയ     പരാതിയിന്മേൽ  പോലീസ് കേസെടുത്തു . ജാമ്യം ലഭിക്കാത്ത വകുപ്പുകളാണ് പരാതിയിൽ ചേർത്തിട്ടുള്ളത് .കോളേജ് പ്രിൻസിപ്പൽ ആയ തന്റ്റെ  ഹോട്ടലിൽ ജോലിചെയ്യാൻ വിദ്യാർത്ഥികളെ നിർബന്ധിച്ചു എന്നതടക്കമുള്ള പരാതികൾ ആണ് ലക്ഷ്മി നായർക്കെതിരെ വിദ്യാർത്ഥികൾ ഉന്നയിച്ചിട്ടുള്ളത് സംഭവങ്ങളുടെ  തീവ്രത  ഓരോദിവസവും  വഷളായിക്കൊണ്ടിരിക്കുന്ന  സാഹചര്യത്തിൽ  ലക്ഷ്മി നായരുടെ രാജി അനിവാര്യമായിത്തീർന്നിരിക്കുകയാണെന്നു സമരം  ചെയ്യുന്ന വിദ്യാർത്ഥികൾ പ്രതികരിച്ചു. ഏതെങ്കിലും   ഒരു  മുതിർന്ന  ഉദ്യോഗസ്ഥന്റെ  കീഴിലാവും  അന്വേഷണമെന്നാണ്  സൂചന

0
Health, India, Kerala

നാളെ പൾസ്‌ പോളിയോ ദിനം

നാളെ പൾസ്‌ പോളിയോ ദിനം.
നാളെ പൾസ്‌ പോളിയോ ദിനം.

തിരുവനന്തപുരം: നാളെയും ഏപ്രിൽ രണ്ടിനുമായി രാജ്യമൊട്ടാകെയുള്ള കുട്ടികൾക്ക് തുള്ളിമരുന്ന് നൽകും. അഞ്ച് വയസ്സിന് തായേ ഉള്ള കുട്ടികൾക്കാണ് പോളിയോ മരുന്ന് നല്കുന്നത്. ആരോഗ്യ കേന്ദ്രങ്ങളിലും മറ്റും തുള്ളി മരുന്ന് നൽകാൻ ഏർപ്പാടാക്കിയിട്ടുണ്ട്.

ഏതാനും വർഷങ്ങൾക്ക് മുൻപ് വരെ ഇന്ത്യയടക്കമുള്ള പല രാജ്യങ്ങളിലും പോളിയോ ബാധിച്ചിരുന്നു. 125 രാജ്യങ്ങളിൽ ബാധിച്ച പകർച്ച വ്യാധി നമ്മുടെ രാജ്യത്തെയും ഭീതിയിലാക്കിയിരുന്നു. എന്നാൽ 2011ന് ശേഷം ഇന്ത്യയിൽ ഒരൊറ്റ പോളിയോ രോഗം പോലും റിപ്പോർട്ട് ചെയ്തില്ല.

പോളിയോ രോഗം ഉണ്ടാക്കുന്ന വന്യ വൈറസ്‌ (വൈൽഡ്‌ വൈറസ്‌) വസിക്കുന്നത്‌ കുട്ടികളുടെ കുടലിൽ ആണ്‌. എല്ലാ കുട്ടികൾക്കും ഒരേദിവസം പോളിയോ തുള്ളിമരുന്ന്‌ ലഭിക്കുമ്പോൾ കുട്ടികളുടെ കുടലിൽ വാക്സിൻ വൈറസ്‌ പെരുകുകയും അവ കുടലിലുള്ള വന്യവൈറസുകളെ അന്തരീക്ഷത്തിലേയ്ക്ക്‌ പുറന്തള്ളുകയും തുടർന്ന്‌ വാക്സിൻ വൈറസുകൾ അവയെ നശിപ്പിക്കുകയും ചെയ്യും.

രോഗ പ്രതിരോധ ചികിത്സപട്ടിക പ്രകാരം പോളിയോ വാക്സിൻ വ്യക്തിഗത സംരക്ഷണമാണ്‌ നൽകുന്നതെങ്കിൽ പൾസ്‌ പോളിയോ തുള്ളിമരുന്ന്‌ രോഗാണു സംക്രമണം തടഞ്ഞ്‌ സമൂഹത്തിൽ ഒന്നാകെയുള്ള കുട്ടികളുടെ സംരക്ഷണം ഉറപ്പ്‌ വരുത്തി പോളിയോ രോഗ നിർമാർജ്ജനം സാധ്യമാക്കും.

കേരളത്തിൽ രണ്ടായിരത്തിന്‌ ശേഷം പോളിയോ രോഗം റിപ്പോർട്ട്‌ ചെയ്തിട്ടില്ല. 2011 ൽ പശ്ചിമ ബംഗാളിലെ ഹൗറയിലാണ്‌ ഇന്ത്യയിൽ നിന്നും അവസാനമായി പോളിയോ റിപ്പോർട്ട്‌ ചെയ്തത്‌. എന്നാൽ ഇന്ത്യയുടെ അയൽരാജ്യങ്ങളായ പാകിസ്ഥാൻ അഫ്ഗാനിസ്ഥാൻ, നൈജീരിയ തുടങ്ങിയ രാജ്യങ്ങളിൽ നിന്നും പോളിയോ രോഗം ഇപ്പോഴും റിപ്പോർട്ട്‌ ചെയ്യുന്നുണ്ട്‌. ഈ സാഹചര്യത്തിൽ രോഗവ്യാപനം കണക്കിലെടുത്ത്‌ പൾസ്‌ പോളിയോ പരിപാടി ഇന്ത്യയിൽ ഇത്തവണയും തുടരുകയാണ്‌. പോളിയോ രോഗത്തിന്റെ നിർമാർജനം എന്ന ലക്ഷ്യം കൈവരിച്ച ഭാരതം ആ രോഗത്തിന്റെ പുനപ്രവേശനം തടയാനുള്ള പ്രവർത്തനങ്ങൾ ശക്തമായി നടപ്പിലാക്കേണ്ടതാണ്‌.

ദേശിയ പോളിയോ പൾസ്‌ ഇമ്മ്യൂണസേഷൻ ദിനത്തിൽ ജനിച്ച കുഞ്ഞുങ്ങൾ ഉൾപ്പെടെയുള്ള എല്ലാ നവജാത ശിശുക്കൾക്കും നാളെ പൾസ്‌ പോളിയോ വാക്സിൻ നൽകും.

0
Business, India, Kerala

എടിഎമ്മിൽ നിന്നും ദിനം പ്രതി പിൻവലിക്കാവുന്ന തുകയിൽ വീണ്ടും ഇളവ്

എടിഎമ്മിൽ നിന്നും ദിനം പ്രതി പിൻവലിക്കാവുന്ന തുകയിൽ വീണ്ടും ഇളവ്.
എടിഎമ്മിൽ നിന്നും ദിനം പ്രതി പിൻവലിക്കാവുന്ന തുകയിൽ വീണ്ടും ഇളവ്.

ന്യൂഡൽഹി: ദിനം പ്രതി എടിഎം ഉപയോഗിച്ച് പിൻവലിക്കാവുന്ന തുകയിൽ രണ്ടാഴ്ചക്കകം മാറ്റം വരുത്തുമെന്ന് റിപ്പോർട്ട്. നിലവിൽ ഒരു ദിവസം 10,000 രൂപയും ആഴ്ച്ചയിൽ 24,000 രൂപയുമാണ് പിൻവലിക്കാൻ പറ്റുന്നത്. ഇനി 24,000 രൂപയും ഒന്നിച്ച് പിൻവലിക്കാൻ പറ്റുന്ന രീതിയിലാണ് നിയന്ത്രണത്തിൽ മാറ്റം വരുത്തുന്നത്. എന്നാൽ ആഴ്ച്ചയിൽ 24,000 രൂപ എന്ന നിയന്ത്രണം ഫെബ്രുവരി അവസാനം വരെ തുടരും.

നവംബർ 8-നാണ് സർക്കാർ 86 ശതമാനം വരുന്ന 500,1000 നോട്ടുകൾ നിരോധിച്ചത്. 50 ദിവസമാണ് സർക്കാർ നിയന്ത്രണത്തിന് വേണ്ടി ജനങ്ങളോട് ആവശ്യപ്പെട്ടത്. എന്നാൽ ഇപ്പോൾ 50 ദിവസം കഴിഞ്ഞിട്ടും നിയന്ത്രണം ഒഴിവാക്കാൻ പറ്റിയില്ല.

പെട്ടെന്ന് തന്നെ ബാങ്കിലെ ഇടപാടുകൾ പരിശോധിച്ച് ഫെബ്രുവരി അവസാനത്തോടെ നിയന്ത്രണം മാറ്റുമെന്നാണ് ആർബിഐ പറയുന്നത്.

0
Events

AKFPT മദ്ധ്യ- ഉത്തര മേഖല കൺവെൻഷൻ ആരംഭിച്ചു

Screenshot_2017-01-26-11-45-00-708

കോഴിക്കോട്: കേരളത്തിലെ പെട്രോൾ പമ്പ് ഉടമകളുടെ ഏറ്റവും വലിയ സംഘടനയായ AKFPT യുടെ ഉത്തര – മദ്ധ്യ കേരള കൺവെൻഷൻ ഇന്ന് രാവിലെ തൊഴിൽ- എക്സൈസ് മന്ത്രി ടി.പി. രാമകൃഷണൻ ഉദ്ഘാടനം ചെയ്തു. കോഴിക്കോട് ശ്രീനാരയണ സെന്റിനറി ഹാളിൽ വെച്ച് നടന്ന ചടങ്ങിൽ ഇന്ന് ഡീലർമാർ നേരിടുന്ന തൊഴിൽ പരവും സാമൂഹ്യപരവുമായ സുരക്ഷ ഉറപ്പ് വരുത്തന്നതിനു വേണ്ട ചർച്ചകളും തുടർനടപടികളും ഉണ്ടാവുമെന്ന്   മന്ത്രി ഉറപ്പ് നൽകുകയും ക്രൂഡ് ഓയൽ വില കുറയുന്ന സാഹചര്യത്തിലും പെട്രോൾ ഡീസൽ വില കൂട്ടുന്ന ഓയൽ കമ്പനികളുടെ നിലപാടിനെതിരെ ശക്തമായി പ്രതികരിക്കുകയും ചെയ്തു.

Screenshot_2017-01-26-11-43-32-058

AKFPT യുടെ കോഴിക്കോട് ജില്ലാ പ്രസിഡണ്ട്  എം.എൻ രാമചന്ദ്രൻ പതാക ഉയർത്തിയ ചടങ്ങിൽ എം കെ രാഘവൻ എം പി, എ പ്രദീപ് കുമാർ എം എൽ എ, എം.കെ മുനീർ എം എൽ എ, അഡ്വ. പി എസ്. ശ്രീധരൻ പിള്ള, പി വി ചന്ദ്രൻ, പി കെ പരീക്കുട്ടി ഹാജി എന്നിവർ മുഖ്യാതിഥികളായിരുന്നു.

Screenshot_2017-01-26-11-45-51-393Screenshot_2017-01-26-12-13-43-986

പൊതു മേഖല എണ്ണ കമ്പനികളുടെ പ്രതിനിധികളായി ആർ കെ നമ്പ്യാർ,  സതീഷ് കുമാർ, ഉമേഷ് കുൽകർണി എന്നിവർ സന്നിഹിതായിരുന്നു. AKFPT സംസ്ഥാന പ്രസിഡണ്ട് അഡ്വ.തോമസ് വൈദ്യർ മുഖ്യ പ്രഭാഷണവും മലപ്പുറം ജില്ലാ സെക്രട്ടറി എം അബ്ദുൾ കരീം നന്ദി പ്രകാശനവും നടത്തി.

 

0
India, Kerala, News

രാജ്യം ഇന്ന് അറുപത്തി എട്ടാം റിപ്പബ്ലിക്ക് ദിനം ആഘോഷിക്കുന്നു

ഇന്ന് അറുപത്തി എട്ടാം റിപ്പബ്ലിക്ക് ദിനം.
ഇന്ന് അറുപത്തി എട്ടാം റിപ്പബ്ലിക്ക് ദിനം.

ന്യൂഡൽഹി: ഇന്ത്യൻ ജനത ഇന്ന് റിപ്പബ്ലിക്ക് ദിനത്തിന്റെ ആഘോഷത്തിലാണ്. 68-ആം റിപ്പബ്ലിക്ക് ദിനമാണ് ഇന്ന്. രാജ്‌പഥിൽ രാഷ്‌ട്രപതി പ്രണബ്മുഖർജി പതാക ഉയർത്തുന്നതോടെ ഔപചാരികമായി റിപ്പബ്ലിക്ക് ദിനാഘോഷത്തിന് തുടക്കമാകും.
അബുദാബി കിരീടാവകാശിയും യുഎഇ ഉപസർവ്വസേനാധിപനുമായ ഷെയ്ഖ് മുഹമ്മദ് ബിൻ സയിദ് അൽ നഹ്യാനാണ് ഈ റിപ്പബ്ലിക്ക് ദിനത്തിലെ മുഖ്യാതിഥി.
രാജ്യത്തിന് വേണ്ടി വീരമൃത്യു വരിച്ച പ്രിയപ്പെട്ട സൈനികരുടെ ആദര സൂചകമായി അമർ ജ്യോതിയിലെത്തി പ്രധാനമന്ത്രി പുഷ്പാർച്ചന നടത്തി. പരേഡിൽ കരാനാവികവ്യോമ സേനയ്ക്ക് പുറമെ അർദ്ധ സൈനിക വിഭാകങ്ങളും അണി നിരക്കും. ആദ്യമായി യുഎഇയിൽ നിന്നുള്ള സൈനികരും പങ്കെടുക്കും.

വിവിധ സംസ്ഥാനങ്ങളുടെയും കേന്ദ്ര ഭരണ പ്രദേശങ്ങളുടെയും നിശ്ചല ദൃശ്യങ്ങൾ പരേഡിൽ അണിനിരക്കും.

സംസ്ഥാനത്തും ആഘോഷങ്ങളോടെ തന്നെ റിപ്പബ്ലിക്ക് ദിനാഘോഷം നടന്നു. ഗവർണർ പി.സദാശിവം രാവിലെ 8.30 ന് പതാക ഉയർത്തി. ജില്ലകളിലും മന്ത്രിമാരുടെ നേതൃത്വത്തിൽ ആഘോഷം നടന്നു.

റിപ്പബ്ലിക്ക് ദിനത്തോടനുബന്ധിച്ച് ഒന്നര മണിക്കൂര്‍ നേരം തിലക് പാലത്തിലൂടെ ട്രെയിനുകള്‍ ഓടില്ല. രാവിലെ 10.30 മുതല്‍ 12 മണി വരെയാണ് ട്രെയിനുകള്‍ക്ക് നിയന്ത്രണം.

ഗാസിയാബാദ്-ന്യൂദല്‍ഹി-ഗാസിയബാദ് എമു തീവണ്ടികളും ഈ സമയങ്ങളില്‍ നിര്‍ത്തിയിടും. മറ്റുള്ള സര്‍വ്വീസുകളും ഭാഗികമായി നിര്‍ത്തും. ചില ട്രെയിനുകള്‍ പഴയ ദല്‍ഹി സ്റ്റേഷനിലേയ്ക്ക് വഴി തിരിച്ച് വിടുമെന്നും അധികൃതര്‍ വ്യക്തമാക്കി.

ഝലം, കേരള, കര്‍ണാടക, അമൃത്സര്‍ പശ്ചിം എന്നീ എക്‌സ്പ്രസുകളും നിര്‍ത്തിയിടും. റിപ്പബ്ലിക്ക് ദിന പരേഡുകള്‍ക്ക് ശേഷം ട്രെയിനുകള്‍ ഓടി തുടങ്ങും.

ലോകത്തെ ഏറ്റവും വലിയ അംബരചുംബിയായ കെട്ടിടം ബുർജ് ഖലീഫയിൽ ഇന്ത്യൻ റിപ്പബ്ലിക് ദിനമാഘോഷിക്കുന്നതിന്റെ ഭാഗമായി ഇന്ത്യൻ ത്രിവർണ പതാകയുടെ വർണങ്ങളിൽ പ്രകാശിപ്പിച്ചു.

ഇന്നലെ രാത്രിയിലെ ബുർജ് ഖലീഫ.
ഇന്നലെ രാത്രിയിലെ ബുർജ് ഖലീഫ.
0
India

അമേരിക്കൻ പ്രസിഡന്റ് ഡൊണാൾഡ് ട്രംപും ഇന്ത്യൻ പ്രധാനമന്ത്രി നരേന്ദ്രമോദിയും ഇന്ന് ഫോണിൽ സംസാരിക്കും

അമേരിക്കൻ പ്രസിഡന്റ് ഡൊണാൾഡ് ട്രംപും ഇന്ത്യൻ പ്രധാനമന്ത്രി നരേന്ദ്രമോദിയും ഇന്ന് ഫോണിൽ സംസാരിക്കും.
അമേരിക്കൻ പ്രസിഡന്റ് ഡൊണാൾഡ് ട്രംപും ഇന്ത്യൻ പ്രധാനമന്ത്രി നരേന്ദ്രമോദിയും ഇന്ന് ഫോണിൽ സംസാരിക്കും.

ന്യൂഡൽഹി: അമേരിക്കൻ പ്രസിഡന്റ് ഡൊണാൾഡ് ട്രംപും ഇന്ത്യൻ പ്രധാനമന്ത്രി നരേന്ദ്രമോദിയും ഇന്ന്എ രാത്രി 11.30 ന് ഫോണിൽ സംസാരിക്കും. വൈറ്റ് ഹോസിൽ നിന്നും അറിയിച്ചതാണിത്‌.

ട്രംപ് അമേരിക്കൻ പ്രെസിഡന്റായി സ്ഥാനമേറ്റതിന് ശേഷമുള്ള ആദ്യ സംഭാഷണമായിരിക്കുമിത്. താൻ അധികാരം ഏറ്റെടുത്താൽ ഇന്ത്യയുമായുള്ള ബന്ധം കൂടുതൽ ശക്തമാകുമെന്ന് ട്രംപ് തിരഞ്ഞെടുപ്പ് പ്രചാരണ വേളയിൽ പറഞ്ഞിട്ടുണ്ടായിരുന്നു.

തിരഞ്ഞെടുപ്പ് വിജയത്തിന് ശേഷം മോദി ട്രംപിനെ വിളിച്ച്‌ അഭിനന്ദിച്ചിരുന്നു. അമേരിക്കൻ കമ്പനികളിൽ ഇന്ത്യക്കാരെ പിരിച്ച് വിട്ടതും ചൈന പാക്കിസ്ഥാൻ ബന്ധങ്ങളെ കുറിച്ചും ചർച്ച ചെയ്യാൻ സാധ്യതയുണ്ട്.

അധികാരമേറ്റ ശേഷം ട്രംപ് ടെലിഫോണിൽ സംസാരിക്കുന്ന അഞ്ചാമത്തെ ലോക നേതാവാകും നരേന്ദ്രമോദി. കാനഡ പ്രധാനമന്ത്രി ജസ്റ്റിൻ ട്രോഡ്, മെക്സിക്കൻ പ്രധാനമന്ത്രി പെന നിയെറ്റോ, ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു, ഈജിപ്ത് പ്രസിഡന്റ് അബ്ദുൽ ഫത്താ അൽസിസി എന്നിവരുമായാണ് ട്രംപ് സംസാരിച്ച മറ്റു നേതാക്കൾ.

0
Business, India, Travel

ഒരു നിരക്കിൽ രണ്ട് ടിക്കറ്റ്: പുതിയ പദ്ധതിയുമായി ജെറ്റ് എയർവേസ്

ഒരു നിരക്കിൽ രണ്ട് ടിക്കറ്റ്: പുതിയ പദ്ധതിയുമായി ജെറ്റ് എയർവേസ്.
ഒരു നിരക്കിൽ രണ്ട് ടിക്കറ്റ്: പുതിയ പദ്ധതിയുമായി ജെറ്റ് എയർവേസ്.

ബാംഗ്ളൂർ: ബിസിനസ് ക്ലാസിലെ ഒരു ടിക്കറ്റ് നിരക്കിന് രണ്ട് ടിക്കറ്റ് നൽകാനുള്ള പദ്ധതിയുമായി ജെറ്റ് എയർവേസ്.ഒരേ ഫ്‌ളൈറ്റിൽ ഒന്നിച്ച് യാത്ര ചെയ്യുന്നവർക്കാണ് ഈ ആനുകൂല്യം ലഭിക്കുക.

ഗൾഫിൽ നിന്നും ഇന്ത്യയിലേക്കും സാർക്ക്, ആസിയാൻ രാജ്യങ്ങളിലേക്കും യാത്ര ചെയ്യുന്നവർക്ക് ശനിയാഴ്ച്ച വരെ ഈ ആനുകൂല്യം ലഭ്യമാകും. ഇന്ത്യയിലെ 46 നഗരങ്ങളിലേക്കുള്ള തുടർ യാത്രക്കും ഈ ഇളവ് ലഭ്യമാകും.

ഒരു ഭാഗത്തേക്കുള യാത്രക്കും റിട്ടേൺ യാത്രക്കും ഈ ടിക്കറ്റ് ഉപയോഗിക്കാം. ഒരു വർഷത്തിനുള്ളിൽ ടിക്കറ്റ് ഉപയോഗിച്ചാൽ മതിയെന്നും ജെറ്റ് എയർവേസ് ഗൾഫ് മിഡിൽ ഈസ്റ്റ് ആഫ്രിക്ക വൈസ് പ്രസിഡന്റ് ശകീർ കന്താവാല അറിയിച്ചു.

0
Kerala

സാശ്രയ എയ്ഡഡ് കോളേജുകൾക്കെതിരെ എ.കെ ആന്റണി

വിദ്യാർത്ഥി രാഷ്ട്രീയം ഇല്ലാത്തതാണ് വിദ്യാഭ്യാസ മേഖലയിലെ പ്രശ്നങ്ങൾക്ക് കാരണം:എ.കെ ആന്റണി.
വിദ്യാർത്ഥി രാഷ്ട്രീയം ഇല്ലാത്തതാണ് വിദ്യാഭ്യാസ മേഖലയിലെ പ്രശ്നങ്ങൾക്ക് കാരണം:എ.കെ ആന്റണി.

കൊച്ചി: വിദ്യാഭ്യാസ മേഖലയിൽ വിദ്യാർത്ഥി രാഷ്ട്രീയം ഇല്ലാത്തതാണ് വിദ്യാഭ്യാസ മേഖലയിൽ ഇപ്പോഴുണ്ടാകുന്ന പ്രശ്നങ്ങൾക്ക് കാരണമെന്ന് കോൺഗ്രസ് നേതാവ് എ.കെ ആന്റണി. എറണാകുളം ജില്ലാ കോൺഗ്രസ് കമ്മിറ്റി സംഘടിപ്പിച്ച എസി ജോസ് അനുസ്മരണത്തിൽ സംസാരിക്കുകയായിരുന്നി അദ്ദേഹം.

സാശ്രയ, എയ്ഡഡ് മേഖലയിൽ അഴിമതി മാത്രമാണ് നടക്കുന്നത്. ചില മാനേജ്‌മെന്റ് വിദ്യാർത്ഥികളിൽ നിന്നും പിടിച്ചു പറിയാണ് നടത്തുന്നതെന്നും അദ്ദേഹം പറഞ്ഞു. വിദ്യാഭ്യാസ മേഖലയിൽ വിജിലൻസ് അന്വേഷണം അത്യാവശ്യമാണ്. വിദ്യാഭ്യാസം കച്ചവടം മാത്രമായി മാറിയിരിക്കുന്നു. വിജിലൻസിന്റെ അഴിമതി വിരുദ്ധ പ്രവർത്തനം ആരംഭിക്കേണ്ടത് ക്യാംപസുകളിൽ നിന്നാണ് എന്നും അദ്ദേഹം കൂട്ടിച്ചേർത്തു.

0
Business, Events

AKFPT മദ്ധ്യ-വടക്കൻ മേഖല സമ്മേളനം

AKFPT North and Central Zone Dealer convention 2017 January 26.

കോഴിക്കോട് : ആൾ കേരള ഫെഡറേഷൻ ഓഫ് പെട്രോളിയം ട്രേ ഡേഴ്സിസിന്റെ മദ്ധ്യ-വടക്കൻ മേഖല സമ്മേളനം 2017 ജനുവരി 26 ന് കോഴിക്കോട് വെച്ച് നടത്താൻ തീരുമാനിച്ചിരിക്കുന്നു. രാവിലെ 9 മണിക്ക് AKFPT കോഴിക്കോട് ജില്ലാ പ്രസിഡണ്ട് എം എൻ. രാമചന്ദ്രൻ പതാക ഉയർത്തുകയും തുടർന്ന്  കേരള സംസ്ഥാന തൊഴിൽ- എക്സൈസ്  വകുപ്പ് മന്ത്രി ടി.പി. രാമകൃഷണൻ പരിപാടി ഉത്ഘാടനം ചെയ്യുമെന്നും ഭാരവാഹികൾ അറിയിച്ചു. മുഖ്യാതിഥികളായി എം കെ രാഘവൻ എം പി, എ.പ്രദീപ് കുമാർ എം എൽ എ, ഡോ.എം കെ. മുനീർ എംഎൽ എ, അഡ്വ.പി എസ് ശ്രീധരൻപിള്ള, പി.വി ചന്ദ്രൻ, പി.കെ. പരീക്കുട്ടി ഹാജി എന്ന് ചടങ്ങിൽ പങ്കെടുക്കും. AKFPT മദ്ധ്യമേഖല ഭാരവാഹികളായ സി.പി മുഹമ്മദ് കുട്ടി അദ്ധ്യക്ഷ സ്ഥാനവും ഓർഗനൈസിങ്ങ് കമ്മിറ്റി ജനറൽ കൺവീനർ കെ.പി ശിവാനന്ദൻ സ്വാഗത പ്രസംഗവും നിർവഹിക്കും.

ഇന്ന് പൊതുമേഖല ഓയൽ കമ്പനികളുടെ ഡീലേർസ് നേരിടുന്ന പ്രശ്നങ്ങളും, പെട്രോൾ പമ്പ് ജീവനകാർക്കും ഡീലർമാർക്കും നേരെ ഉണ്ടാക്കുന്ന സാമൂഹ്യ വിരുദ്ധരുടെ അക്രമങ്ങളും ഈ അവശ്യ സർവ്വീസിനെ  വൻ പ്രതിസന്ധിയിലേക്ക് എത്തിച്ചിരിക്കുന്ന അവസരത്തിലാണ് അസ്സോസിയേഷൻ കൂടുതൽ കരുത്താർജ്ജിച്ച് കൊണ്ട് ഇത്തരം കൺവെൻഷനുകൾ സംഘടിപ്പിക്കുന്നത് എന്നതും വളരെ പ്രത്യേകം ശ്രദ്ധേയമാണ്.

AKFTP സംസ്ഥാന പ്രസിഡണ്ട് എം.തോമസ് വൈദ്യർ മുഖ്യ പ്രഭാഷണവും മലപ്പുറം പെട്രോളിയം ഡീലേഴ്‌സ് അസോസിയേഷൻ സെക്രട്ടറി എം അബ്ദുൾ കരീം നന്ദി പ്രകാശനവും നടത്തും.

രാഷ്ട്രീയ-സാംസ്കാരിക- വ്യവസായ രംഗത്തെ പ്രമുഖരോടൊപ്പം ഇന്ത്യൻ ഓയിൽ കോർപറേഷന്റെ കോഴിക്കോട് ഡിവിഷണലിലെ സീനിയർ റീട്ടെയൽ സെയിൽസ് മാനേജർ ടി.വി വിജയരാഘവൻ, ഹിന്ദുസ്ഥാൻ പെട്രോളിയത്തിൽ നിന്നും CRM സതീഷ് കുമാർ, ഭാരത്ത് പെട്രോളിയത്തിൽ നിന്നും TM ഉമേഷ് കുൽക്കർണിയും സംബന്ധിക്കുന്നു.

സംഘടനാ ചർച്ചകളും പ്രതിനിധി സമ്മേളനവും വിവിധ ജില്ലകളിലെ അസോസ്സിയേഷൻ ഭാരവാഹികളുടെ സാന്നിദ്ധ്യവും കൊണ്ട് സമ്മേളനം ശ്രദ്ധേയമാവും.

0
International

തീ അണക്കാനുള്ള ശ്രമിത്തിനിടയിൽ കെട്ടിടം തകർന്ന് സേനാംഗങ്ങൾ കൊല്ലപ്പെട്ടു

ടെഹ്റാനിലെ ഇരുനില വ്യവസായ കെട്ടിടത്തിൽ അഗ്നി ആളിപ്പടർന്നു.
ടെഹ്റാനിലെ ഇരുനില വ്യവസായ കെട്ടിടത്തിൽ അഗ്നി ആളിപ്പടർന്നു.

ടെഹ്‌റാൻ: തീ അണക്കാൻ ശ്രമിക്കുന്നതിനിടയിൽ കെട്ടിടം തകർന്ന് അഗ്നിശമന സേനാംഗങ്ങൾ കൊല്ലപ്പെട്ടു. ഇറാന്റെ തലസ്ഥാനമായ ടെഹ്റാനിലെ ബഹുനില വ്യവസായ കെട്ടിടത്തിലാണ് തീപിടിത്തം ഉണ്ടായത്. തീ അണയ്ക്കാൻ ശ്രമിക്കുന്നതിനിടയിൽ കെട്ടിടം തകർന്നാണ് അപകടം ഉണ്ടായിരിക്കുന്നത്. സംഭവത്തിൽ 20 സേനാംഗങ്ങൾ കൊല്ലപ്പെട്ടുവെന്ന് ടെഹ്‌റാൻ മേജർ അറിയിച്ചു.

താഴെ നിലയിലുള്ള തീ അണയ്ക്കാൻ ശ്രമിച്ചിരുന്ന അഗ്നിശമന സേനാംഗങ്ങളാണ് കൊല്ലപ്പെട്ടത്. മരണ സംഖ്യ കൂടാൻ സാധ്യത ഉണ്ട്. തീ പിടിത്തത്തിനിടയിലും കെട്ടിടം തകർന്നതിലൂടെയും 200-ഓളം പേർക്ക് പരിക്കേറ്റിട്ടുണ്ട്. ഹെലികോപ്ടറും മറ്റും ഉപയോഗിച്ച് രക്ഷാ പ്രവർത്തനം തുടരുകയാണ്.

തീ അണക്കാനുള്ള ശ്രമിത്തിനിടയിൽ കെട്ടിടം തകർന്ന് സൈനികർ കൊല്ലപ്പെട്ടു.
തീ അണക്കാനുള്ള ശ്രമിത്തിനിടയിൽ കെട്ടിടം തകർന്ന് സൈനികർ കൊല്ലപ്പെട്ടു.

 

0