കോഴിക്കോട്: അന്തരിച്ച എം പി ഇ അഹമ്മദിന്റെ ഖബറടക്കം സ്വദേശമായ കണ്ണൂരിൽ നാളെ നടക്കുമെന്ന് ഇ ടി മുഹമ്മദ് ബഷീർ എം പി അറിയിച്ചു. ഇ അഹമ്മദിന്റെ ഭൗതിക ശരീരം രാവിലെ 8 മുതൽ ഡൽഹിയിലെ വസതിയിൽ പൊതുദര്ശനത്തിന് വെക്കും. തുടർന്ന് ഉച്ചയോടെ കരിപ്പൂരിലെത്തിക്കുന്ന മൃതദേഹം ഹജ്ജ് ഹൗസിലും തുടർന്ന് കോഴിക്കോട് ലീഗ് ഹൗസിലും പൊതുദര്ശനത്തിന് വെക്കും.
ന്യൂഡൽഹി: ഹൃദയ സ്തംഭനത്തെ തുടർന്ന് ചൊവ്വാഴ്ച ഉച്ചയ്ക്ക് പാർലമെന്റിൽ കുഴഞ്ഞു വീണ മുസ്ലിം ലീഗ് ദേശീയ അധ്യക്ഷനും മുൻ കേന്ദ്ര മന്ത്രിയുമായ ഇ അഹമ്മദ് എം പി(78) അന്തരിച്ചു. ഡൽഹിയിലെ റാം മനോഹർ ആശുപത്രിയിൽ ചികിത്സയിലായിരുന്നു. പുലർച്ചെ രണ്ടേകാലോടെ ആണ് മരണം സംഭവിച്ചത്. അദ്ദേഹത്തിന്റെ മക്കളാണ് മരണ വാർത്ത മാധ്യമങ്ങളെ അറിയിച്ചത്.
ആശുപത്രിയിൽ പ്രവേശിപ്പിച്ചിരുന്ന എം പിയെ കാണാനെത്തിയ മക്കളെയും കോൺഗ്രസ്സ് അധ്യക്ഷ സോണിയാഗാന്ധിയെയും ആശുപത്രിഅധികൃതർ തടഞ്ഞിരുന്നു. ഇതിൽ പ്രതിഷേധിച് കോൺഗ്രസ്സ് പ്രവർത്തകരുടെ പ്രതിഷേധവും നടന്നിരുന്നു. അഹമ്മദിന്റെ മക്കൾ പോലീസിൽ പരാതിപ്പെടുകയും പോലീസ് അധികൃതരുമായി സംസാരിക്കുകയും ചെയ്ത ശേഷമാണ് മരണവിവരം പുറത്തുവരുന്നത്.
മൃതദേഹം രാവിലെ 8 മുതൽ 12 വരെ ഡൽഹിയിലെ വസതിയിൽ പൊതുദര്ശനത്തിന് വെക്കും . തുടർന്ന് കേരളത്തിലേക്ക് എത്തിക്കുകയും കോഴിക്കോട് ഹജ്ജ് ഹൗസിലും ലീഗ് ഹൗസിലും പൊതുദര്ശനത്തിന് വെക്കുകയും ചെയ്യും.ജന്മദേശമായ കണ്ണൂരിലാണ് ഖബറടക്കം.
പുണെ: കഴിഞ്ഞ ദിവസം കൊല്ലപ്പെട്ട പുണെ ഇൻഫോസിസ് ജീവനക്കാരി ജസീലയുടെ ബന്ധുക്കൾക്ക് മുമ്പാകെയാണ് ഇൻഫോസിസ് അധികൃതർ ഒരു കോടി രൂപ നഷ്ടപരിഹാരവും ബന്ധുവിന് ജോലിയും വാഗ്ദാനം നൽകിയത്. ഇൻഫോസിസ് അധികൃതരോടൊപ്പം, മരിച്ച രസീലയുടെ അച്ഛൻ രാജു, ഇളയച്ഛൻ വിനോദ് കുമാർ, അമ്മാവൻ സുരേഷ് എന്നിവർ സംഭവം നടന്ന കമ്പനിയുടെ ഒമ്പതാം നിലയിൽ സന്ദർശനം നടത്തി.
കമ്പ്യൂട്ടർ വയർ കഴുത്തിൽ ചുറ്റിയാണ് കൊലപാതകം നടത്തിയതെന്ന് പോസ്റ്റ് മോർട്ടത്തിൽ വ്യക്തമായിട്ടുണ്ടെങ്കിലും കുട്ടിയുടെ മുഖത്തിന്റെ ഒരു ഭാഗം പൂർണമായും തകർന്ന നിലയിലാണ് മൃതദേഹം കിടന്നിരുന്നത്. ചൊവ്വാഴ്ച പുലർച്ചയോടെയാണ് പോസ്റ്റ് മോർട്ടനടപടികൾ പൂർത്തിയായത്.രണ്ടു സിം കാർഡുണ്ടായിരുന്ന പെൺകുട്ടിയുടെ മൊബൈൽ ഫോൺ നഷ്ടപ്പെട്ടതായും രക്ഷിതാക്കൾ പോലീസിന് മൊഴികൊടുത്തിട്ടുണ്ട്.
തിരുവനന്തപുരം: തിരുവനന്തപുരം ജില്ലയിൽ നാളെ ഹർത്താലിന് ബിജെപി ആഹ്വാനം. ലോ അക്കാദമി വിഷയത്തിൽ പേരൂർക്കടയിൽ BJP പ്രവർത്തകർ നടത്തിയ ഉപരോധത്തിന് നേരെയുണ്ടായ പോലീസ് നടപടിയിൽ പ്രതിഷേധിച്ചാണ് രാവിലെ 6 മുതൽ വൈകിട്ട് 6 വരെ ഉള്ള ഹർത്താൽ.
തിരുവനന്തപുരം: ലോ അക്കാദമി പ്രിൻസിപ്പൽ ലക്ഷ്മി നായരെ 5 വർഷത്തേക്ക് ചുമതലകളിൽ നിന്ന് മാറ്റി നിർത്താമെന്നും ഒരു അധ്യാപികയായി പോലും കോളേജിൽ ഉണ്ടാവില്ലെന്നും മാനേജ്മെന്റ്.
എല്ലാ ആവശ്യങ്ങളും നേടിയെടുക്കാനായെന്നും സമരം പൂർണ വിജയമായിരുനെന്നും . എസ് എഫ് ഐ സംസ്ഥാന സെക്രട്ടറി വിജിൻ അറിയിച്ചു. തങ്ങൾ സമരം അവസാനിപ്പിക്കുകയാണെന്നും നേതാക്കൾ അറിയിച്ചു
എന്നാൽ ലോ അക്കാദമി ഈ കാര്യം സ്ഥിരീകരിച്ചിട്ടില്ല എന്നുള്ളതാണ് മറ്റൊരു വാർത്ത. ഇതിനെ സംബന്ധിച്ചു പ്രതികരിക്കാനായി അക്കാഡമി വാർത്താസമ്മേളനം വിളിച്ചിട്ടുണ്ട്
ഇനി കീശയിലെ പേഴ്സിൽ ക്രെഡിറ്റ് കാർഡിനും ATM കാർഡിനുമൊപ്പം കമ്പ്യൂട്ടറും ഇടം പിടിച്ചാൽ അത്ഭുതപ്പെടാനില്ല. ക്രെഡിറ്റ് കാർഡ് വലുപ്പത്തിലുള്ള കമ്പ്യൂട്ടർ കാർഡാണ് കംപ്യൂട്ടിങ്ങിൽ വിപ്ലവം സൃഷ്ടിക്കാൻ ഇന്റൽ അവതരിപ്പിക്കുന്നത്.
കഴിഞ്ഞ വര്ഷം പുറത്തിറക്കിയ നെക്‌സ്‌ഡോകിന്റെ രൂപാന്തരമാണ് കമ്പ്യൂട്ടർ കാർഡ് അഥവാ കാർഡ് കമ്പ്യൂട്ടർ ഈ വര്ഷം പകുതിയോടെ ഇന്റൽ വിപണിയിലെത്തിക്കുന്ന കാർഡിനൊപ്പം തന്നെയാകും പുതിയ നെക്‌സ് ടോക്കും വിപണിയിലെത്തുക
ഈ ഡോക്കിന്റെ പ്രതീക്ഷിക്കുന്ന വില 9000 രൂപയാണ് .ഇതിൽ ഉപയോഗിക്കുന്ന കാർഡിന് അതിന്റെ ശേഷിക്കനുസരിച് വില നൽകേണ്ടി വരും. ഇനി അങ്ങോട്ട് പോക്കറ്റിൽ കമ്പ്യൂട്ടർ കൊണ്ടുനടക്കുന്ന യുഗമാവും വരാനിരിക്കുന്നതെന്നാണ് ഈ ടോക്കും കാർഡും സൂചിപ്പിക്കുന്നത്
കോഴിക്കോട് : കേരളത്തിന്റെ യുവ താരം രോഹൻ എസ് കുന്നുമ്മൽ കളിക്കാൻ അവസരം കിട്ടാതെ മടങ്ങി . ഇംഗ്ലണ്ടിനെതിരെ അണ്ടർ ക്രിക്കറ്റ് ട്യുര്ണമെന്റിനുള്ള ഇന്ത്യൻ ടീമിലിടംനേടിയതായിരുന്നു രോഹൻ .പ്രായത്തിന്റെ കണക്കുകളിൽ തട്ടിയാണ് രോഹന് അവസരം നഷ്ടപെട്ടത് . അവസാന നിമിഷം അടുത്ത ലോകകപ്പിൽ കളിക്കാൻ സാധ്യതയുള്ളവർക്കു മാത്രം അവസരം കൊടുത്താൽ മതിയെന്നുള്ള തീരുമാനമാണ് രോഹന് വിനയായത് .രോഹന് ഇപ്പോൾ 19 വയസ്സുണ്ട്, അതുകൊണ്ടുതന്നെ അടുത്ത അണ്ടർ 19 ലോകകപ്പിൽ കളിക്കാനാവില്ല
ജൂനിയർ ടീം പരിശീലകനായ രാഹുൽ ദ്രാവിഡ് തന്നെയാണ് ഇകാര്യം രോഹൻ അറിയിച്ചത് ഞായറാഴ്ച രാത്രി തന്നെ രോഹൻ കോഴിക്കോട് കൊയിലാണ്ടിയിലെ വീട്ടിൽ തിരിച്ചെത്തി.
എന്നാൽ ഇംഗ്ലണ്ടിനെതിരെ ഫെബ്രുവരി 13 നു തുടങ്ങുന്ന ചതുർദിന മത്സരത്തിൽ അവസരം ലഭിക്കുമെന്ന പ്രതീക്ഷയിലാണ് രോഹൻ .
ന്യൂഡൽഹി : ബജറ്റ് സമ്മേളനത്തിന് മുന്നോടിയായി പ്രധാനമന്ത്രി നയപ്രഖ്യാപന പ്രസംഗം നടത്തുന്നതിനിടെ മുസ്ലിം ലീഗ് നേതാവും മുൻ കേന്ദ്ര മന്ത്രിയുമായ ഇ മുഹമ്മദ് പാർലമെന്റിൽ കുഴഞ്ഞുവീണു.
സുരക്ഷാ ഉദ്യോഗസ്ഥരും മറ്റു MP മാരും ചേർന്ന് അദ്ദേഹത്തെ താങ്ങി എടുത്ത് ആംബുലൻസിൽ ന്യൂ ഡൽഹിയിലെ രാം മനോഹർ ലേവ്യ ആശുപത്രിയിലേക്ക് കൊണ്ടുപോയി.
അദ്ദേഹത്തിന് ഹൃദയ സ്തംഭനം ഉണ്ടായതായും ഇപ്പൊ വെന്റിലേറ്ററിലേക്ക് മാറ്റിയതായും ആശുപത്രി വൃത്തങ്ങൾ അറിയിച്ചു.
തിരുവനന്തപുരം: വിജിലൻസ് അന്വേഷണം നേരിടുന്ന ആളെ അനർട് ഡയറക്ടർ ആയി നിയമിച്ചുവെന്ന പരാതിയിന്മേൽ തിരുവനന്തപുരം വിജിലൻസ് കോടതി മന്ത്രി കടകംപള്ളി സുരേന്ദ്രനെതിരെ ത്വരിത പരിശോധനയ്ക് ഉത്തരവിട്ടു.
യാതൊരുവിധ മാനദണ്ഡങ്ങളും പാലിക്കാതെ സാമ്പത്തിക ക്രമക്കേടിൽ അന്വേഷണം നേരിടുന്ന ആർ ഹരികുമാറിനെ അനർട് ഡയറക്ടർ ആയി നിയമിച്ചു എന്നാണ് ആരോപണം
മന്ത്രിയ്‌ക്കെതിരെ വിജിലൻസ് കോടതിയെ സമീപിച്ചത് കോവളം MLA എം വിൻസെന്റാണ് . 30 ദിവസത്തിനകം റിപ്പോർട്ട് നൽകണമെന്നാണ് കോടതിയുടെ ആവശ്യം .
കൊച്ചി: നോട്ട് അസാധുവാക്കൾ തീരുമാനവുമായി ബന്ധപ്പെട്ടു നിലവിൽ ഉള്ള പ്രതിസന്ധി പരിഹരിക്കണമെന്ന് ആവശ്യപ്പെട്ടു ബാങ്ക് ജീവനക്കാർ ഫെബ്രുവരി 7 നു രാജ്യവ്യാപകമായി പണിമുടക്കുന്നു.
ജില്ലാ കേന്ദ്രങ്ങളിൽ സമരത്തിന് മുന്നോടിയായി പ്രകടനമുൾപ്പെടെ സംഘടിപ്പിച്ചിട്ടുണ്ട് .
സാധാരണക്കാർ പണത്തിനുവേണ്ടി നെട്ടോട്ടമോടുമ്പോളും കോടിക്കണക്കിന് രൂപയുടെ പുതിയ കറൻസി വന്കിടക്കാരിൽ എത്തിയതിനെക്കുറിച്ചുള്ള CBI അന്വേഷണം , എല്ലാ ബാങ്കുകളിലും ആവശ്യത്തിന് കറൻസി എത്തിക്കുക, നിക്ഷേപവുമായി ബന്ധപ്പെട്ടുള്ള നിയന്ത്രണങ്ങൾ നീക്കുക തുടങ്ങിയവയാണ് ആവശ്യങ്ങൾ .
ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ, ഓൾ ഇന്ത്യ ബാങ്ക് ഓഫീസേഴ്‌സ് അസോസിയേഷൻ, ബാങ്ക് എംപ്ലോയീസ് ഫെഡറേഷൻ ഓഫ് ഇന്ത്യ എന്നീ സംഘടനകളാണ് പണിമുടക്കിന് ആഹ്വാനം ചെയ്തിട്ടുള്ളത്