ന്യൂഡൽഹി: പ്ലസ് വണ്‍ പരീക്ഷ നേരിട്ട് നടത്താന്‍ അനുവദിക്കണമെന്നാവശ്യപ്പെട്ട് കേരള സര്‍ക്കാർ സമർപ്പിച്ച ഹര്‍ജി സുപ്രീംകോടതി ഇന്ന് പരിഗണിക്കും. കമ്പ്യൂട്ടറും ഇന്‍റര്‍നെറ്റ് സംവിധാനങ്ങളുമില്ലാത്ത നിരവധി കുട്ടികളുള്ളതിനാൽ പരീക്ഷ ഓൺലൈനിൽ നടത്താൻ കഴിയില്ലെത്ത് സർക്കാർ സത്യവാങ്മൂലം നൽകിയിരുന്നു. വീട്ടിലിരുന്ന് കുട്ടികൾ എഴുതിയ മോഡല്‍ പരീക്ഷയുടെ അടിസ്ഥാനത്തില്‍ മൂല്യനിര്‍ണയം നടത്താനാകില്ല. ഒക്ടോബറില്‍ കൊറോണ മൂന്നാംതരംഗം ഉണ്ടാകുന്നതിന് മുന്‍പ് പരീക്ഷ പൂര്‍ത്തിയാക്കുമെന്നും സര്‍ക്കാര്‍ കോടതിയെ അറിയിച്ചിട്ടുണ്ട്.കേരളത്തിലെ കൊറോണ വ്യാപനം ചൂണ്ടിക്കാട്ടിയാണ് സുപ്രീം കോടതി പരീക്ഷ നടത്തുന്നത് തടഞ്ഞത്.രോഗവ്യാപനം രൂക്ഷമായ തുടരുമ്പോൾ നേരിട്ടുള്ള പരീക്ഷ നടത്തിപ്പ് അംഗീകരിക്കാകില്ലെന്നായിരുന്നു സംസ്ഥാന സർക്കാരിനെ അന്ന് വിമർശിച്ചുകൊണ്ട് സുപ്രീംകോടതിയുടെ ഉത്തരവ്.
