Full Grid

കൊച്ചി : മലയാളത്തിലെ പ്രമുഖ നടിക്കുനേരെയുള്ള ആക്രമണം തികച്ചും ആസൂത്രിതമാണെന്ന് മഞ്ജു വാരിയർ ആവർത്തിച്ചു പറയുന്നു. പ്രതികളെ പിടികൂടിയതിൽ സന്തോഷമുണ്ടെന്നും വൈകാതെ സത്യം പുറത്തു വരുമെന്നും മഞ്ജു പറഞ്ഞു. പ്രതികളെ പിടികൂടിയ പോലീസിനെ താൻ അഭിനന്ദിക്കുന്നുവെന്നും മഞ്ജു കൂട്ടിച്ചേർത്തു.

സിനിമ  പ്രവർത്തകരുടെ സംഘടനയായ  അമ്മ യുടെ നേതൃത്വത്തിൽ കൊച്ചി ദർബാർ ഗ്രൗണ്ടിൽ സംഘടിപ്പിച്ച പ്രതിഷേധ യോഗത്തിൽ സംസാരിക്കുന്നതിനിടെയാണ് മഞ്ജു ഇക്കാര്യങ്ങൾ വെളിപ്പെടുത്തിയത്.

തിരുവനന്തപുരം : കൊച്ചിയിൽ നടിയെ ആക്രമിച്ച സംഭവത്തിൽ പോലീസ് ശക്തമായി ഇടപെട്ടിട്ടുണ്ടെന്നു വാർത്ത സമ്മേളനത്തിൽ മുഖ്യമന്ത്രി പറഞ്ഞു. കൊച്ചിയിൽ അരങ്ങേറിയ സംഭവം വളരെ ഗൗരവത്തോടെ തന്നെ  കാണുന്നു. പ്രധാന പ്രതികളെ  ഉടനെ പിടി കൂടാൻ കഴിയും അവരെ അറസ്റ് ചെയ്ത ശേഷം കൂടുതൽ നടപടികളും ഉണ്ടാവും , അദ്ദേഹം പറഞ്ഞു. നടിയെ ആക്രമിച്ച സംഭവത്തിൽ കോടിയേരി ബാലകൃഷ്ണന്റെ മകനെതിരെ ഉയർന്ന ആരോപണങ്ങൾ അദ്ദേഹം നിഷേധിച്ചു.

സംസ്ഥാനത്ത വിജിലൻസ് രാജാണോ എന്ന ഹൈ കോടതിയുടെ വിമര്ശനം സർക്കാർ ഗൗരവമായി കാണുന്നുണ്ട്. സർക്കാർ ഉദ്യോഗസ്ഥരുടെ സ്ഥലം മാറ്റത്തിനു പൊതു മാനദണ്ഡം കൊണ്ടുവരാൻ മന്ത്രിസഭാ യോഗം തീരുമാനിച്ചതായി മുഖ്യ മന്ത്രി പറഞ്ഞു. സെക്രട്ടറിയേറ്റിൽ ഫയലുകൾ കെട്ടികിടക്കുകയാണെന്ന വാർത്തകളിൽ ഒരു കഴമ്പും ഇല്ലെന്നും അദ്ദേഹം കൂട്ടിച്ചേർത്തു.

ഇരിട്ടി : നിരോധനം ലംഘിച്ചു പ്ലാസ്റ്റിക് കവറിന്റെ ഉപയോഗം തുടരുന്ന വ്യാപാര സ്ഥാപനങ്ങൾക്കെതിരെ ഇരിട്ടി നഗരസഭാ ആരോഗ്യ വിഭാഗം പരിശോധന ശക്തമാക്കി. സംപൂര്ണ പ്ലാസ്റ്റിക് നിരോധനത്തിന്റെ ഭാഗമായി വ്യാപാരികൾക്ക് അനുവദിച്ചിട്ടുള്ള സമയ പരിധി കഴിഞ്ഞിട്ടും ഉപയോഗം തുടരുന്നു എന്ന വിവരത്തിന്റെ അടിസ്ഥാനത്തിലാണ് ബന്ധപ്പെട്ടവർ മിന്നൽ പരിശോധന  നടത്തിയത്. പരിശോധനയിൽ നഗരത്തിലെ 28 വ്യാപാര സ്ഥാപനങ്ങളിൽ നിന്ന് ഒരു ക്വിന്റലോളം നിരോധിത പ്ലാസ്റ്റിക് ഉത്പന്നങ്ങൾ പിടിച്ചെടുത്തു. ഇനിയും നിരോധനം ലംഘിക്കുന്നവർക്കെതിരെ നിയമ നടപടി ഉണ്ടാവുമെന്ന് ബന്ധപ്പെട്ടവർ അറിയിച്ചു.