ധരംശാല: നിർണായകമായ നാലാം ടെസ്റ്റിൽ എട്ടു വിക്കറ്റ് ജയത്തോടെ ഓസീസിനെതിരായ പരമ്പര ഇന്ത്യ നേടി. വിക്കറ്റ് നഷ്ടപ്പെടാതെ 19 റൺസ് എന്ന നിലയിലാണ് നാലാം ദിനത്തിൽ ഇന്ത്യ ബാറ്റിങ് പുനരാരംഭിച്ചത്. സ്കോർ 46ൽ വച്ച് ഇന്ത്യക്ക് മുരളി വിജയിയെയും (എട്ട്) പൂജാരെയും (പൂജ്യം) നഷ്ടമായെങ്കിലും പിന്നീട് പിന്നീട് രാഹുലും ക്യാപ്റ്റൻ രാഹനെയും ചേർന്ന് ഇന്ത്യയെ ഉച്ചഭക്ഷണത്തിനു മുമ്പുതന്നെ വിജയത്തിൽ എത്തിക്കുകയായിരുന്നു.
ശ്രീകണ്ഠപുരം: ശ്രീകണ്ഠപുരം ഹയർ സെക്കണ്ടറി സ്കൂൾ രാജ്യാന്തര നിലവാരത്തിലേക്ക് എത്തുന്നു. ഇരിക്കൂർ നിയോജക മണ്ഡലത്തിൽ നിന്ന് കെ സി ജോസഫ് എം എൽ എ ആണ് സ്കൂളിന്റെ പേര് ശിപാർശ ചെയ്തത്. യോഗം കെ സി ജോസഫ് എം എൽ എ ഉദ്ഘാടനം ചെയ്തു. നഗരസഭാ വൈസ് ചെയർ പേഴ്സൺ നിഷിത റഹ്‌മാൻ അധ്യക്ഷത വഹിച്ചു. സമൂഹവും വിദ്യാലയവും തമ്മിലുള്ള ബന്ധം മെച്ചപ്പെടുത്താൻ അഡ്വ എം സി രാഘവൻ ചെയർമാനായും പ്രത്യേകം കമ്മിറ്റികൾ രൂപീകരിച്ചു.
ലക്നൗ∙ അയോധ്യയിൽ രാമക്ഷേത്രം നിർമിക്കാൻ മുൻകൈയെടുക്കുമെന്നു ഉത്തർപ്രദേശ് മുഖ്യമന്ത്രി യോഗി ആദിതൃനാഥ്. സംസ്ഥാനത്തെ മുഴുവൻ അറവുശാലകളും ഉടൻ അടച്ചുപൂട്ടും. അനധികൃതമായി പ്രവർത്തിക്കുന്ന എല്ലാ അറവുശാലകളും പൂട്ടാൻ ഉത്തരവിറക്കിയിട്ടുണ്ട്. അറവുശാലകൾ മലിനീകരണത്തിനു കാരണമാകുന്നു. ദേശീയ ഹരിത ട്രൈബ്യൂണലും അറവുശാലകള്‍ പൂട്ടണമെന്നു പറഞ്ഞിട്ടുണ്. ഇവിടുത്തെ പരിസ്ഥിതി മലിനീകരണം തടയാനും ഈ നടപടി അത്യാവശ്യമാണ്. ഇതുമായി സർക്കാർ മുന്നോട്ടു പോകുക തന്നെ ചെയ്യും.
ഉത്തർപ്രദേശിന്റെ വികസനം മാത്രമാണു തന്റെ സർക്കാരിന്റെ ലക്ഷ്യം. വികസനത്തിൽ സംസ്ഥാനത്തെ മുന്നിലെത്തിക്കണം. ഉത്തർപ്രദേശിലെ ഗുണ്ടാരാജ് അവസാനിപ്പിക്കും. അഴിമതി തുടച്ചുനീക്കും. സ്ത്രീ സുരക്ഷയ്ക്കും പ്രാധാന്യം കൊടുക്കുന്നുണ്ട്. നിയമത്തിൽ വിശ്വസിക്കുന്നവർക്ക് ഇവിടെ ജീവിക്കാം. അല്ലാത്തവർ ഉത്തർപ്രദേശ് വിട്ടുപോകണമെന്നും യോഗി ആദിത്യനാഥ് പറഞ്ഞു.
കണ്ണൂർ : ഏപ്രിൽ രണ്ടോടെ ജില്ലയെ പ്ലാസ്റ്റിക് ബാഗ് ഡിസ്പോസബിൾ വിമുക്തമാക്കുന്നതിനു ജില്ലാ പഞ്ചായത്തും ജില്ലാ ഭരണകൂടവും നടത്തിവരുന്ന പ്രോഗ്രാമുകൾ ഏതാണ്ട് വിജയത്തോടടുക്കുകയാണ്. ജില്ലയിലെ 60 ഓളം തദ്ദേശ സ്ഥാപനങ്ങൾ ഇതിനകം പ്ലാസ്റ്റിക് ബാഗ് മുക്തമായി പ്രഖ്യാപിച്ചു കഴിഞ്ഞു.ഏപ്രിൽ രണ്ടിന് ശേഷം ജില്ലയിൽ പ്ലാസ്റ്റിക് ക്യാരി ബാഗുകളും ഡിസ്പോസബിൾ കപ്പുകളും പ്ലേറ്റുകളും വിതരണം ചെയ്യപ്പെടുന്നില്ലെന്നുറപ്പുവരുത്താൻ തദ്ദേശ സ്ഥാപനങ്ങളുടെ നേതൃത്വത്തിൽ ശക്തമായ സംവിധാനത്തിന് രൂപം നൽകണമെന്ന് ജില്ലാ പഞ്ചായത്ത് പ്രസിഡന്റ് കെ വി സുമേഷ് നിർദേശിച്ചു.
കൊച്ചി: സിഎ വിദ്യാര്‍ഥിനി മിഷേല്‍ ഷാജിയുടെ ആത്മഹത്യയുമായി ബന്ധപ്പെട്ട കേസ് മറ്റൊരു വഴിയിലേക്ക്. ആത്മഹത്യയെന്ന നേരത്തേയുള്ള നിഗമനം മാറ്റി കൊലപാതക സാധ്യതയെക്കുറിച്ചാണ് ഇപ്പോള്‍ അന്വേഷണ സംഘം പരിശോധിക്കുന്നത്. മിഷേലിനെ ആരെങ്കിലും ബോട്ടില്‍ കടത്തിക്കൊണ്ടുപോയി അപായപ്പെടുത്തിയതാണോ എന്ന സംശയം നിലനിൽക്കുന്നുന്നുണ്ട്. മിഷേലിന്റെ അച്ഛന്‍ ഷാജിയാണ് തന്റെ മകളെ ആരെങ്കിലും ബോട്ടില്‍ തട്ടിക്കൊണ്ടുപോയി അപായപ്പെടുത്തിയതാവാമെന്ന സംശയമുന്നയിച്ചത്. ഇതേത്തുടര്‍ന്നാണ് സംഭവ ദിവസം ഹൈക്കോടതി ജെട്ടികള്‍ക്കു സമീപത്തുള്ള കായലിലെ ബോട്ടുകളെ കേന്ദ്രീകരിച്ച് അന്വേഷണം നടത്താന്‍ ക്രൈബ്രാഞ്ച് തീരുമാനിച്ചത്.
ഷാജിയുടെ ആരോപണങ്ങള്‍ ശരിയാവാന്‍ സാധ്യതയില്ലെന്നാണ് പോസ്റ്റ്‌മോര്‍ട്ടം റിപ്പോര്‍ട്ട് തെളിയിക്കുന്നത്. കാരണം ഏതെങ്കിലും തരത്തിലുള്ള മല്‍പ്പിടുത്തം നടക്കുകയോ പരിക്കേല്‍ക്കുകയോ ചെയ്തതിന്റെ തെളിവുകള്‍ പോസ്റ്റ് മോര്‍ട്ടം റിപ്പോര്‍ട്ടില്‍ ഇല്ലായിരുന്നു. കലൂര്‍ പള്ളിയിലെ സിസിടിവിലെ ദൃശ്യത്തിലുള്ളത് മിഷേല്‍ തന്നെയാണെന്ന് ഷാജി സമ്മതിക്കുന്നുണ്ടെങ്കിലും ഹൈക്കോടതി ജംക്ഷനില്‍ നിന്നു ലഭിച്ച സിസിടിവിയിലേത് മകളല്ലെന്ന് അദ്ദേഹം പറയുന്നു. മിഷേലിനെ ശല്യപ്പെടുത്തിയിരുന്ന തലശേരിക്കാരനായ യുവാവ് മരണത്തിന് ഒരാഴ്ച മുമ്പ് എറണാകുളം ടൗണ്‍ ഹാളില്‍ എത്തിയിരുന്നുവെന്ന സുഹൃത്തുക്കളുടെ മൊഴി അന്വേഷണസംഘം ഗൗരവമായെടുത്തിട്ടുണ്ട്. ഇയാളും ക്രൈംബ്രാഞ്ചിന്റെ അന്വേഷണപരിധിയിലാണ്.
മട്ടന്നൂർ: കണ്ണൂർ അന്താരാഷ്ട്ര വിമാനത്താവളം സമഗ്ര വികസനം ലക്ഷ്യമിട്ട് മട്ടന്നൂർ നഗരസഭയുടെ നാലാമത് ഭരണസമിതിയുടെ അവസാന ബജറ്റ് അവതരിപ്പിച്ചു. 51,82,72,539 വരവും 48,81,02,000ചിലവും 3,01,70,539 രൂപ നീക്കിയിരിപ്പുമുള്ള ബജറ്റാണ് നഗരസഭാ വൈസ് ചെയർമാൻ കെ ശോഭന അവതരിപ്പിച്ചത്. നഗരത്തിൽ ഗതാഗത കുരുക്ക് ഒഴിവാക്കാൻ കേന്ദ്ര റോഡ് ഫണ്ട് ബോഡിന്റെ ധനസഹായത്തോടെ നഗര റോഡുകൾ വീതി കൂട്ടുകയും അണ്ടർ ഗ്രൗണ്ട് ഇലക്ട്രിക്ക് കേബിൾ സിസ്റ്റം, റോഡിന്റെ ഇരു വശവും പുൽ തകിടികളും പൂന്തോട്ടങ്ങളും , ആവശ്യത്തിന് പാർക്കിംഗ് സൗകര്യങ്ങൾ, ബസ് ബേകൾ എന്നിങ്ങനെ സമഗ്ര ഗതാഗത പരിഷ്‌ക്കരണം നടത്താനാണ് ബജറ്റിൽ തീരുമാനിച്ചിരിക്കുന്നത്.
പശ്ചാത്തല മേഖലയ്ക്ക് 5 കോടി, ഉത്പാദന മേഖലയ്ക്ക് 50 ലക്ഷം,പാർപ്പിട പദ്ദതിക്ക് ഒരു കോടി എന്നിങ്ങനെ നീക്കിവെച്ചു. വൃദ്ധർ, ഭിന്നശേഷിയുള്ളവർ എന്നിവർക്കെല്ലാമായി 40 ലക്ഷം രൂപയാണ് ചിലവഴിയ്ക്കാനുദ്ദേശിക്കുന്നത്. എസ് എസ് എ ഫണ്ടിന്റെ നഗര സഭ വിഹിതമായി 15 ലക്ഷം രൂപയും പാലിയേറ്റീവ് പ്രവർത്തനങ്ങൾക്ക് 10 ലക്ഷം രൂപയും ആശ്രയ കുടുംബങ്ങളുടെ ആക്ഷൻ പ്ലാൻ നടപ്പാക്കുന്നതിന് 20 ലക്ഷം രൂപയും ഭരണ നവീകരണ പ്രവർത്തനങ്ങൾക്ക് 25 ലക്ഷവും മാറ്റിവെച്ചതായി വൈസ് ചെയർമാൻ കെ ശോഭന ബജറ്റവതരണത്തിൽ പറഞ്ഞു. നഗരസഭാ ചെയർമാൻ കെ ഭാസ്കരൻ ആമുഖ പ്രസംഗം നടത്തി.
തിരുവനന്തപുരം: എ.കെ ശശീന്ദ്രന്‍ രാജിവെച്ചതോടെ മന്ത്രിസ്ഥാനത്തിന് അവകാശവാദം ഉന്നയിച്ച് തോമസ് ചാണ്ടി എം.എല്‍.എ. ‘എന്‍സിപിയുടെ വകുപ്പ് മറ്റാര്‍ക്കും കൊടുക്കില്ല. മറ്റ് മന്ത്രിമാര്‍ക്ക് കൈമാറേണ്ട ആവശ്യമില്ല. അത് അംഗീകരിക്കില്ല. മുഖ്യമന്ത്രി വകുപ്പ് കൈവശം വയ്ക്കുന്നതില്‍ പ്രശ്‌നമില്ല. ശശീന്ദ്രന്‍ രാജിവച്ചെങ്കിലും പകരം മന്ത്രിയാകാന്‍ പാര്‍ട്ടിയില്‍ ആളുള്ളപ്പോള്‍ പിന്നെ മറ്റൊരാള്‍ക്ക് വകുപ്പ് കൈമാറേണ്ട സാഹചര്യമില്ലല്ലോയെന്നും’ അദ്ദേഹം ചോദിച്ചു.
ശശീന്ദ്രന്‍ തെറ്റു ചെയ്തിട്ടില്ല എന്നു തെളിഞ്ഞാല്‍ ആ സെക്കന്‍ഡില്‍ അദ്ദേഹം മന്ത്രിസ്ഥാനത്ത് തിരിച്ചെത്തും. ഞാന്‍ പാര്‍ട്ടിയുടെ പാര്‍ലമെന്ററി പാര്‍ട്ടി ലീഡറാണ്. മന്ത്രിസ്ഥാനം എന്‍സിപിക്ക് അവകാശപ്പെട്ടതാണ്. അക്കാര്യം കോടിയേരി ബാലകൃഷ്ണന്‍ വ്യക്തമായി പറഞ്ഞിട്ടുണ്ട്. എന്‍സിപി ആരെ മന്ത്രിയാക്കണമെന്ന് തീരുമാനിച്ച് പറഞ്ഞാല്‍ മതിയെന്നും അദ്ദേഹം പറഞ്ഞിട്ടുണ്ട്
കൊച്ചി: അണ്ടർ 17 ഫിഫ ലോകകപ്പിൽ കൊച്ചിയിൽ വച്ച് എട്ടു മൽസരങ്ങൾ നടക്കും. പ്രാഥമിക റൗണ്ട് ഗ്രൂപ്പ് ‘ഡി’യിലെ അഞ്ചു മൽസരങ്ങളും ഗ്രൂപ്പ് ‘സി’ യിലെ ഒരു ഒരു മൽസരവും ഓരോ പ്രീക്വാർട്ടർ, ക്വാർട്ടർ ഫൈനൽ എന്നിവയുമാണു കൊച്ചിയിൽ നടത്തുന്നത്. ഒക്ടോബർ ഏഴ്, 10, 13 ദിവസങ്ങളിൽ രണ്ടു പ്രാഥമിക റൗണ്ട് മൽസരങ്ങൾ വീതം കലൂർ സ്റ്റേഡിയത്തിൽ നടത്തും. വൈകിട്ട് അഞ്ചിനും എട്ടിനുമാണ് മൽസരങ്ങൾ. ഒക്ടോബർ 18ന് പ്രീക്വാർട്ടർ എട്ടുമണിക്കും ക്വാർട്ടർ ഫൈനൽ 22ന് അഞ്ചു മണിക്കും കിക്കോഫ് ചെയ്യും. സെമിഫൈനൽ മുംബൈയിലും ഗുവാഹത്തിലുമാണ്. ഫൈനൽ നേരത്തേ കേട്ടിരുന്നതുപോലെ കൊൽക്കത്തയിലെ നവീകരിച്ച സോൾട്ട്‌ലേക്ക് സ്റ്റേഡിയത്തിൽ അരങ്ങേറും.
തളിപ്പറമ്പ്: സര്‍സയ്യിദ് കോളേജ് കാമ്പസില്‍ കേരള ശാസ്ത്രസാങ്കേതിക പരിസ്ഥിതി കൗണ്‍സിലുമായി ചേര്‍ന്ന് മാമ്പഴത്തോട്ടം ഒരുക്കുന്നു.ശാസ്ത്രദിനാഘോഷത്തിന്റെ ഭാഗമായി നടന്ന പരിപാടിയില്‍ വിവിധയിനം മാവുകള്‍ നട്ടു. കേരള കാര്‍ഷിക സര്‍വകലാശാല പടന്നക്കാട്, പ്രാദേശിക കാര്‍ഷിക ഗവേഷണകേന്ദ്രം പിലിക്കോട് എന്നിവിടങ്ങളിലേക്ക് പഠനയാത്ര നടത്തി. ശാസ്ത്രദിന പരിപാടികള്‍ കെ.എം.പ്രസീദ് ഉദ്ഘാടനം ചെയ്തു. ടി.കെ.ജേക്കബ്ബ്, അശ്വിന്‍ എന്നിവര്‍ ക്ലാസെടുത്തു.
തിരുവനന്തപുരം∙ എസ്എസ്എൽസി ചോദ്യപ്പേപ്പര്‍ വിവാദത്തില്‍ അധ്യാപകരായ കെ.ജി. വാസു, സുജിത്കുമാര്‍ എന്നിവരെ സസ്പെന്‍ഡ് ചെയ്തു. ഇവരെ പരീക്ഷാ, മൂല്യനിര്‍ണയ ചുമതലകളില്‍നിന്നു വിലക്കി പൊതുവിദ്യാഭ്യാസ സെക്രട്ടറി ഉത്തരവിട്ടു. കണക്കുപരീക്ഷയുടെ ചോദ്യപേപ്പറിൽ മോഡൽ ചോദ്യപേപ്പറിലെ 13 ചോദ്യങ്ങൾ അതേപടി പകർത്തുകയായിരുന്നു. ചോദ്യപേപ്പർ തയാറാക്കിയ അധ്യാപകൻ സ്വകാര്യ സ്ഥാപനത്തിൽ പഠിപ്പിച്ചിരുന്നതായി നേരത്തേ തന്നെ കണ്ടെത്തിയിരുന്നു.