തിരുവനന്തപുരം: ” ജനങ്ങള്‍ സത്യം തിരിച്ചറിഞ്ഞു. പൊതുസമൂഹത്തിന്റെ പിന്തുണ തനിക്ക് ലഭിച്ചു. അതിന് മാധ്യമങ്ങളാണ് തന്നെ സഹായിച്ചത്. ഇനി മണ്ഡലത്തില്‍ സജീവമായിരിക്കും. എനിക്കും നിങ്ങള്‍ക്കിടയില്‍ ജീവിക്കേണ്ടതല്ലേ”, ഫോണ്‍വിളി വിവാദത്തില്‍ പെട്ട് മന്ത്രിസ്ഥാനം രാജിവെച്ച എ.കെ ശശീന്ദ്രന്‍ മാധ്യമങ്ങളോട് ചോദിച്ചു.
മന്ത്രിസ്ഥാനത്തേക്ക് തിരിച്ചെത്തുന്നതിനേക്കാൾ പ്രധാനം തന്റെ സത്യസന്ധത ജനങ്ങളെ ബോധ്യ പെടുത്തുന്നതിനാണെന്നും അദ്ദേഹം പറഞ്ഞു. ഗതാഗതമന്ത്രി പദവി ഒഴിഞ്ഞ ശേഷം തലസ്ഥാനത്ത് നിന്ന് നാട്ടിലേക്കുള്ള യാത്രയ്ക്ക് അദ്ദേഹം തിരഞ്ഞെടുത്തത് കെഎസ്ആര്‍ടിസി ബസ്സായിരുന്നു. ഭാര്യ അനിത ടീച്ചറും കൂടെ ഉണ്ടായിരുന്നു. എന്‍സിപിക്ക് മന്ത്രിയുണ്ടാകുമോ എന്ന ചോദ്യത്തിന് മന്ത്രിയുണ്ടാകും അത് തോമസ് ചാണ്ടി തന്നെയായിരിക്കുമെന്നും അദ്ദേഹം പറഞ്ഞു
