ന്യൂയോര്‍ക്ക്: വാതിലില്‍ തലകുടുങ്ങി നിസ്സഹായകയായി നില്‍ക്കുന്ന മധ്യവയസ്‌കയെ കണ്ടിട്ടും കണ്ടില്ലെന്ന് നടിച്ച് നടന്നു നീങ്ങുന്ന ജനങ്ങള്‍. ന്യൂയോര്‍ക്ക് മെട്രോ സ്റ്റേഷന് സബ്‌വേയിലാണ് സംഭവം. തലകുടുങ്ങി മണിക്കൂറോളമാണ് മധ്യവയസ്‌ക സഹായമപേക്ഷിച്ച് നിന്നത്. ഇന്‍സ്റ്റഗ്രാമില്‍ പോസ്റ്റു ചെയ്ത വീഡിയോ കുറഞ്ഞ സമയംകൊണ്ട് കണ്ടത് പന്ത്രണ്ട്‌ലക്ഷത്തിലധികം പേരാണ്. തന്നെ രക്ഷിക്കണമെന്ന് ഇവര്‍ വിളിച്ചു പറയുന്നുണ്ടെങ്കിലും ആരും അത് കേട്ടതായി പോലും ഭാവിക്കുന്നില്ല. സ്റ്റേഷന് അധികൃതര്‍ ഉള്‍പ്പെടെ ഇവര്‍ക്ക് സമീപം നടന്നു പോകുന്നത് വീഡിയോയില്‍ കാണാം.
