വാഷിംഗ്ടൺ: അമേരിക്കയിലെ ആദ്യത്തെ ഇന്ത്യൻ വംശജനായ സർജൻ ജനറലിനെ ട്രംപ് ഭരണകൂടം പുറത്താക്കി. ഒബാമയുടെ ഭരണ കാലത്തു ചുമതലയേറ്റ വിവേക് മൂർത്തിയാണ് പുറത്താക്കപ്പെട്ടത്. കർണാടക സ്വദേശിയായ മൂർത്തി 2014 ലാണ് സർജൻ ജനറലായി നിയമിതനാക്കിയത്. ഭരണം സുഗമമാക്കുന്നതിനായി മൂർത്തിയോട് രാജി വെക്കാൻ ആവശ്യപ്പെടുകയായിരുന്നു എന്ന് യു എസ് ആരോഗ്യ മാനവ സേവന വിഭാഗം പ്രസ്താവനയിൽ അറിയിച്ചു. ട്രംപ് അധികാരത്തിലെത്തിയ ശേഷം പുറത്താകുന്ന രണ്ടാമത്തെ ഇന്ത്യൻ വംശജനാണ് വിവേക് മൂർത്തി.
ന്യൂഡൽഹി : ഇന്ത്യയുടെ അടുത്ത രാഷ്ട്രപതി രജനീകാന്താണോ???..അതെ എന്നാണ് ദില്ലിയിലെയും തമിഴ്നാട്ടിലെയും ചില സർക്കിളുകളിൽ നിന്നുള്ള ചർച്ചകൾ നൽകുന്ന സൂചന. പ്രധാന മന്ത്രി നരേന്ദ്ര മോഡി അടുത്ത രാഷ്ട്രപതി സ്ഥാനത്തേക്ക് തമിഴ്‌നാട്ടിൽ നിന്നുള്ള താരരാജാവിനെ പരിഗണിച്ചേക്കും എന്നാണ് അഭ്യൂഹങ്ങൾ പരക്കുന്നത്. മുതിർന്ന ബി ജെ പി നേതാക്കളായ എൽ കെ അദ്വാനി, മുരളീ മനോഹർ ജോഷി എന്നിവരുടെ പേരുകൾ രാഷ്ട്രപതി സ്ഥാനത്തേക്ക് ഉയർന്ന കേട്ടിരുന്നു. എന്നാൽ അയോദ്ധ്യ കേസിൽ പേര് വന്നതോടെ ഇരുവരും പരമോന്നത സ്ഥാനത്തെത്താനുള്ള സാധ്യത മങ്ങി. മെഗാസ്റ്റാർ അമിതാഭ് ബച്ചന്റെ പേരും കേട്ടിരുന്നു എങ്കിലും പനാമ പേപ്പർ കേസ് ആ സാധ്യതയും മടക്കി. ഈ സാഹചര്യത്തിൽ സർവ്വ സമ്മതനായ ഒരു സ്ഥാനാർത്ഥിയെ ബി ജെ പി കണ്ടുപിടിക്കേണ്ടതുണ്ട്. പ്രണബ് മുഖർജിക്ക് ഏതായാലും ഒരവസരം കുടി ബി ജെ പി നൽകാനുള്ള സാധ്യത വിരളമാണ് . ഈ സാഹചര്യത്തിലാണ് സർവ്വ സമ്മതനായ രജനികാന്തിനെ ബിജെപി പരിഗണിക്കുന്നത് .
തിരുവനന്തപുരം: ഏപ്രിൽ 26 ന് സംസ്ഥാനത്ത് ഹോൺ ഹർത്താൽ. അന്തർദേശീയ ശബ്ദ മലിനീകരണ ബോധവൽക്കരണ ദിനമായ ഏപ്രിൽ 26 ന് ശബ്ദമലിനീകരണത്തിനെതിരെ ജനങ്ങളിൽ അവബോധം സൃഷ്ടിക്കാൻ ഹോൺ നിരോധിത ദിവസമായി ആചരിക്കുമെന്നു മന്ത്രി കടകംപള്ളി സുരേന്ദ്രൻ. ഹർത്താൽ വിജയിപ്പിക്കണമെന്നും ഒരു ദിവസം എല്ലാവരും പൂർണമായി ഹോൺ ഒഴിവാക്കാൻ ശ്രമിക്കണമെന്നും മന്ത്രി പറഞ്ഞു.
ലക്നൗ: സന്യാസി വേഷത്തിൽ ഭീകരർ ആക്രമണം നടത്തിയേക്കുമെന്ന രഹസ്യാന്വേഷണ ഏജൻസികളുടെ റിപ്പോർട്ടിനെ തുടർന്ന് ഉത്തർപ്രദേശിൽ അതിജാഗ്രത പ്രഖ്യാപിച്ചു. പ്രധാന പൊതുസ്ഥലങ്ങളിലും ആരാധനാലയങ്ങളിലും പാകിസ്താന്റെ രഹസ്യാന്വേഷണ ഏജൻസിയായ ഐ എസ് ഐ പരിശീലനം നൽകിയ പതിനെട്ട് ഭീകര വാദികൾ സന്യാസി വേഷത്തിലെത്തി ആക്രമണം നടത്തിയേക്കുമെന്നാണ് മധ്യപ്രദേശ് ഗവണ്മെന്റിന്റെ രഹസ്യാന്വേഷണ വിഭാഗം മുന്നറിയിപ്പ് നൽകുന്നത്.
തിരുവനന്തപുരം: ദേവികുളം സബ് കളക്ടറെ ഊളംപാറയ്ക്ക് വിടണമെന്ന് മന്ത്രി എം എം മാണി. നേരെ ചൊവ്വേ പോയാൽ എല്ലാവര്ക്കും നല്ലതാണെന്നു മന്ത്രി മുന്നറിയിപ്പ് നൽകി. പാപ്പാത്തിച്ചോലയിൽ കുരിശു പൊളിച്ചത് അയോധ്യയ്ക്ക് സമാനമാണ് . കലകർ ആർ എസ് എസിനു വേണ്ടി ഉപജാപം നടത്തുന്ന ആളാണെന്നും അദ്ദേഹം പറഞ്ഞു.
പാപ്പിനിശ്ശേരി: കീച്ചേരി പാലോട്ടുകാവ് ഉത്സവം കണ്ട് മടങ്ങുകയായിരുന്ന ഡി വൈ എഫ് ഐ പ്രവർത്തകൻ ആകാശ് കണ്ണന് വെട്ടേറ്റ സംഭവത്തിൽ പോലീസ് അന്വേഷണം ഊർജിതമാക്കി. വ്യാഴാഴ്ച രാത്രി പത്തിന് ശേഷം കീച്ചേരിയിലാണ് പ്രകാശിന് നേരെ ആക്രമണം ഉണ്ടായത്. ബഹളം കേട്ട് നാട്ടുകാർ ഓടി എത്തുമ്പോഴേക്കും അക്രമികൾ ഓടി ഒളിച്ചിരുന്നു. കണ്ണൂർ എ കെ ജി ആശുപത്രിയിൽ ചികിത്സയിലാണ്. പ്രതികളെ കുറിച്ച് വ്യക്തമായ സൂചനകൾ ലഭിച്ചതായി പോലീസ് കേന്ദ്രങ്ങൾ പറഞ്ഞു. സൈബർ സെല്ലിന്റെ സഹായത്തോടെ മൊബൈൽ ടവർ കേന്ദ്രീകരിച്ചാണ് അന്വേഷണം പുരോഗമിക്കുന്നത് .
കാസർഗോഡ്: ക്വിസ് മത്സരത്തിൽ അഭിരുചിയുള്ള വിദ്യാർത്ഥികൾക്കായി ക്വിസ് സൊസൈറ്റി ഓഫ് ഇന്ത്യ കേരളാ ചാപ്റ്ററിന്റെ ആഭിമുഖ്യത്തിൽ ക്വിസ് മത്സരം സംഘടിപ്പിക്കുന്നു. ക്വിസ് മത്സരത്തിൽ താല്പര്യമുള്ള വിദ്യാർത്ഥികളെ ഒരു കുടകീഴിൽ കൊണ്ട് വരിക എന്ന ലക്ഷ്യത്തോടെ പ്ലസ് ടു വരെയുള്ള വിദ്യാർത്ഥികൾക്കാണ് മത്സരം സംഘടിപ്പിക്കുന്നത്.
ജില്ലാതല മത്സരത്തിൽ ഒരേ സ്കൂളിലെ രണ്ട് പേര് വീതമുള്ള ടീമുകൾക്ക് പങ്കെടുക്കാം. ജില്ലാതല മത്സരത്തിലെ വിജയികൾക്ക് സംസ്ഥാന തലത്തിലേക്കും തുടർന്നുള്ള വിജയികൾക്ക് ഗ്രാൻഡ് ഫിനാലെയിലും പങ്കെടുക്കാം. കാസർഗോഡ് ജില്ലാതല മത്സരം 25ന് കലക്ടറേറ്റ് കോൺഫറൻസ് ഹാളിൽ നടക്കും.
തിരുവനന്തപുരം : പോലീസ് സർക്കാരിന്റെ നയമനുസരിച്ച് വേണം പ്രവർത്തിക്കാൻ എന്ന് മുഖ്യമന്ത്രി പിണറായി വിജയൻ. പോലീസ് ഉദ്യോഗസ്ഥരുടെ യോഗത്തിലാണ് മുഖ്യമന്ത്രി പോലീസുകാർക്ക് നിർദേശം നൽകിയത് പോലീസ് സർക്കാരിന്റെ നയമനുസരിച് പ്രവർത്തിക്കണം. കേസന്വേഷണത്തിൽ ജാഗ്രത പുലർത്തണം. പോലീസിന്റെ പ്രവർത്തനങ്ങൾ വ്യാപകമായി വിമര്ശിക്കപ്പെടുന്ന സാഹചര്യത്തിലാണ് പോലീസ് ഉദ്യോഗസ്ഥർക്ക് മുഖ്യ മന്ത്രിയുടെ നിർദേശം.
ഒരുതരത്തിലുള്ള അഴിമതിയും വെച്ചുപൊറുപ്പിക്കില്ലെന്നു മുഖ്യമന്ത്രി വ്യക്തമാക്കി. ലോക്കപ്പ് മർദനം പോലുള്ള പ്രാകൃത നിയമങ്ങൾ ഒരു തരത്തിലും അനുവദിക്കില്ല. പോലീസിന്റെ പ്രവർത്തനം കൂടുതൽ ജനോപകാരപ്രദവും സ്ത്രീ സൗഹൃദവുമാകണമെന്നു മുഖ്യമന്ത്രി കൂട്ടി ചേർത്തു. തിരുവനതപുരം റേഞ്ചിലെ ഉദ്യോഗസ്ഥരുടെ യോഗമാണ് മുഖ്യമന്ത്രി വിളിച്ചു ചേർത്തത്. ഇതേ മാതൃകയിൽ കണ്ണൂർ , മലപ്പുറം , എറണാകുളം എന്നിവിടങ്ങളിലും റേഞ്ച് അടിസ്ഥാനത്തിൽ യോഗം വിളിച്ചു ചേർക്കും.
ന്യൂഡല്‍ഹി: ഉപഭോക്താക്കളില്‍ നിന്ന് റസ്റ്റോറന്റുകള്‍ സര്‍വീസ് ചാര്‍ജ് ഈടാക്കാന്‍ പാടില്ലെന്ന് കേന്ദ്രസര്‍ക്കാര്‍. അത് നല്‍കണമോ വേണ്ടയോ എന്ന് തീരുമാനിക്കാന്‍ ഉപഭോക്താക്കള്‍ക്ക് അവകാശമുണ്ടെന്നും നിര്‍ദ്ദേശത്തില്‍ പറയുന്നു. മാത്രമല്ല എത്രയാണ് സര്‍വീസ് ചാര്‍ജ് എന്ന് ഹോട്ടലുകളോ റസ്‌റ്റോറന്റുകളോ നിശ്ചയിക്കാന്‍ പാടില്ല. സര്‍വീസ് ചാര്‍ജ് നിര്‍ബന്ധമല്ലെന്നും സേവനത്തില്‍ ഉപഭോക്താക്കള്‍ തൃപ്തരല്ലെങ്കില്‍ അത് നല്‍കേണ്ടതില്ല എന്നും വ്യക്തമാക്കി ബോര്‍ഡ് വയ്ക്കണമെന്നും പറയുന്നുണ്ട്. ഉപഭോക്താക്കളില്‍ നിന്ന് സര്‍വീസ് ചാര്‍ജ് ഈടാക്കുമെങ്കിലും അത് ജീവനക്കാരിലേക്ക് എത്താറില്ലെന്ന ആരോപണത്തെ തുടര്‍ന്നാണ് കേന്ദ്രം നടപടി എടുത്തത്.
വാഷിംഗ്ടൺ: മൂന്നാംലോക മഹായുദ്ധത്തോടെ ലോകം അവസാനിക്കുമെന്ന പ്രവചനവും ഇതിനു മുൻപ് പലപ്പോഴും വന്നിട്ടുണ്ട്. ഇങ്ങനെ ലോകം മുഴുവൻ ആകാംഷയുടെ മുൾമുനയിൽ നിൽക്കുമ്പോഴാണ് പുതിയൊരു പ്രവചനം. നടത്തിയതാകട്ടെ ഡൊണാൾഡ് ട്രംപ് അധികാരത്തിലെത്തുമെന്ന കാര്യം 2015ഇൽ തന്നെ പ്രവചിച്ചുവെന്ന് അവകാശപ്പെടുന്ന ഹോറസിയ വിജേഗസ് എന്ന വ്യക്തിയും. എന്നാൽ മൂന്നാം ലോക മഹായുദ്ധം ജനത്തിന്റെ ജീവനും സ്വത്തിനും വൻ നഷ്ടവും കൊടും ദുരിതത്തിന്റെ നാളുകളും സൃഷ്ടിക്കുമെന്നല്ലാതെ ലോകാവസാനത്തിലേക്ക് നയിക്കില്ലെന്നും ഹോറസിയോയുടെ വാക്കുകൾ. കരകയറാനാകാത്ത വിധം പല രാജ്യങ്ങൾക്കും തിരിച്ചടികളുണ്ടാകുമെന്നും അമേരിക്കയിലെ ടെക്‌സാസിൽ ജീവിക്കുന്ന ഈ പ്രവാചകൻ മുന്നറിയിപ്പ് നൽകുന്നു.