കായംകുളം:കായംകുളം റെയിൽവേ സ്റ്റേഷനിൽ നിർത്തിയിട്ടിരിക്കുന്ന ട്രെയിനിൽ നിന്നും പെട്രോൾ ചോർന്നു.പെട്രോളുമായി വന്ന ഗുഡ്സ് ട്രയിനിലെ ടാങ്കറിൽ നിന്നാണ് ഇന്ധനം ചോരുന്നത്.പെട്രോളുമായി തിരുവനന്തപുരത്തേക്ക് പോവുകയായിരുന്നു ഗുഡ്സ് ട്രെയിൻ.മറ്റു ട്രയിനിലെ യാത്രക്കാരാണ് ഇന്ധനം ചോരുന്നത് കണ്ടതും റയിൽവെയുടെ ശ്രദ്ധയിൽ പെടുത്തിയതും.ചോർച്ചയടക്കാൻ ശ്രമം തുടരുകയാണെന്നും ഭയപ്പെടാനില്ലെന്നും അധികൃതർ അറിയിച്ചു.
ന്യൂഡൽഹി:ഇന്ന് അന്താരാഷ്ട്ര യോഗദിനം. യോഗ ആരോഗ്യം എന്നതാണ് ഈ വര്‍ഷത്തെ യോഗദിനത്തിന്റെ മുദ്രാവാക്യം.പ്രധാനമന്ത്രി നരേന്ദ്രമോദി ഉത്തര്‍പ്രദേശില്‍ വിവിധ യോഗ ദിന പരിപാടികളില്‍ പങ്കെടുക്കും.യോഗ ഒരു മതത്തിന്റെയും ഭാഗമല്ലെന്നും യോഗ ചെയ്യുന്നത് എല്ലാവരും ജീവിതത്തിന്റെ ഭാഗമാക്കണമെന്നും പ്രധാനമന്ത്രി പറഞ്ഞു.ഐക്യരാഷ്ട്രസഭയുടെ ജനറൽ അസംബ്ലി ജൂൺ 21 അന്താരാഷ്ട്രയോഗദിനമായി ആചരിക്കാൻ തീരുമാനിച്ചതിനു ശേഷമുള്ള മൂന്നാം യോഗാദിനമാണിത്.യുഎന്‍ ആസ്ഥാനത്ത് നടക്കുന്ന യോഗദിനാചരണത്തില്‍ ഇന്ത്യയില്‍ നിന്നുള്ള 72 വിദ്യാര്‍ഥികളും അധ്യാപകരും പങ്കാളികളായി.അതേസമയം രാജ്യത്ത് വിവിധ കര്‍ഷകസംഘടനകളുടെ നേതൃത്വത്തില്‍ യോഗയുടെ ഭാഗമായ ശവാസനം ചെയ്ത് കേന്ദ്രസര്‍ക്കാരിന്റെ കര്‍ഷകദ്രോഹനടപടികള്‍ക്കെതിരെ പ്രതിഷേധം സംഘടിപ്പിക്കും
കോയമ്പത്തൂർ:കോടതിയലക്ഷ്യ കേസിൽ ശിക്ഷിക്കപ്പെട്ടതിനെ തുടർന്ന് ഒളിവിൽ പോയ ജസ്റ്റിസ് കർണൻ അറസ്റ്റിലായി.കോയമ്പത്തൂരിൽ വച്ചാണ് അദ്ദേഹം അറസ്റ്റിലായത്.ബംഗാൾ-തമിഴ്നാട് പോലീസിന്റെ സംയുക്ത ഓപ്പറേഷനിലാണ് കർണൻ അറസ്റ്റിലായത്.കോയമ്പത്തൂരിലെ മരമാപിച്ച്ചം പെട്ടി എന്ന സ്ഥലത്തു വെച്ചാണ് അദ്ദേഹം അറസ്റ്റിലായത്.പിടിയിലായ ഇദ്ദേഹത്തെ കൊൽക്കത്തയിലേക്ക് കൊണ്ടുപോകും.സുപ്രീം കോടതി വിധിയെ തുടർന്ന് ഒളിവിൽ പോയ കർണൻ തമിഴ്‌നാട്ടിൽ തന്നെ ഉണ്ടാകുമെന്നും പിടിക്കാൻ സഹായിക്കണമെന്നും ആവശ്യപ്പെട്ടു ബംഗാൾ ഡിജിപി സുർജിത് കൗർ തമിഴ്നാട് ഡിജിപി ടി.കെ രാജേന്ദ്രന് കത്തയക്കുകയുണ്ടായി.ഇതേ തുടർന്നാണ് സംയുക്ത പരിശോധന നടത്തിയതും ഒടുവിൽ കർണൻ പിടിയിലായതും.
കാസർഗോഡ്:പാകിസ്ഥാൻ ജയിച്ചതിൻറെ ആഹ്‌ളാദം പരസ്യമായി പ്രകടിപ്പിച്ച 23 പേർക്കെതിരെ പോലീസ് കേസെടുത്തു.കാസർഗോഡ് ബദിയഡുക്കയിലാണ് സംഭവം. ചാമ്പ്യൻസ് ട്രോഫി ക്രിക്കറ്റ് ഫൈനലിൽ ഇന്ത്യയെ പരാജയപ്പെടുത്തിയ പാകിസ്ഥാൻ ടീമിനെ അനുകൂലിച്ചു മുദ്രാവാക്യം വിളിക്കുകയും ആഹ്ളാദപ്രകടനം നടത്തുകയും പടക്കം പൊട്ടിക്കുകയും ചെയ്തവർക്കെതിരെയാണ് പോലീസ് കേസെടുത്തത്.കുംബഡാജെ പഞ്ചായത്ത് മുൻ പ്രെസിഡന്റും ബി.ജെ.പി നേതാവുമായ രാജേഷ് ഷെട്ടി നൽകിയ പരാതിയെ തുടർന്ന് പോലീസ് പ്രാഥമിക അന്വേഷണം നടത്തി കേസ് രെജിസ്റ്റർ ചെയ്യുകയായിരുന്നു.കർണാടകയിലെ കുടകിലും സമാനമായ പരാതിയെ തുടർന്നു പോലീസ് മൂന്നു പേരെ പോലീസ് അറസ്റ്റ് ചെയ്തു.
കൊല്ലം:കൊല്ലം കുണ്ടറയിൽ മാനസികാസ്വാസ്ഥ്യമുള്ള വൃദ്ധനെ ഗുണ്ടകൾ വളഞ്ഞിട്ട് മർദിച്ചു. അതിർത്തിക്കല്ല് ഇളക്കി മാറ്റാൻ ശ്രമിച്ചന്ന് ആരോപിച്ചായിരുന്നു മർദനം. പരിക്കെറ്റ വൃദ്ധനെ കൊല്ലം ജില്ലാ ആശുപത്രിയിൽ പ്രവേശിപ്പിച്ചു അതേസമയം പ്രതികളെ സംരക്ഷിക്കുന്ന നിലപാടാണ് കുണ്ടറ പൊലീസ് സ്വീകരിച്ചത്.കൊല്ലം കുണ്ടറയിൽ ഇന്ന് രാവിലെയാണ് മാനസികാസ്വാസ്ഥ്യമുള്ള വൃദ്ധനെ ഒരു സംഘം വളഞ്ഞിട്ട് മർദിച്ചത്. വൃദ്ധന് മർദനമെറ്റന്ന വിവരം അറിഞ്ഞത്തിയ പൊലീസ് ഇയാളെ കുണ്ടറ താലൂക്ക് ആശുപത്രിയിൽ എത്തിച്ചു. പക്ഷേ വീണ് പരിക്കേറ്റെന്നാണ് പൊലീസ് ആശുപത്രിയിൽ വിവരം അറിയിച്ചത്.ഗുരുതുരമായി പരിക്കേറ്റ വൃദ്ധന് ഇപ്പോള്‍ കൊല്ലം ജില്ലാ ആശുപത്രിയില്‍ ചികിത്സയിലാണ്.
ബംഗളൂരു: പെട്രോൾ / ഡീസൽ ഡോർ ഡെലിവറിയുമായി ഒരു സ്വകാര്യ സംരഭം ബാഗളൂരിൽ പ്രവർത്തനം ആരംഭിച്ചിരിക്കുന്നു. കമ്പനിയുടെ വെബ് സൈറ്റ് വഴിയോ മൊബൈൽ ആപ്പ് വഴിയോ ഉപഭോക്താവിന് ഇന്ധനം ബുക്ക് ചെയ്യാം. നഗരത്തിലെ കോറമംഗല, ബെല്ലാന്തൂർ, HSR ലേ ഔട്ട് ,ബൊമ്മനഹള്ളി തുടങ്ങി ചുരുക്കം സ്ഥലങ്ങളിൽ മാത്രമേ ഇപ്പോൾ ഈ സേവനം ലഭിക്കുകയുള്ളൂ.
അതാത് ദിവസത്തെ പ്രാദേശിക വിലയോടൊപ്പാം ആദ്യത്തെ ഒരു ലിറ്റർ മുതൽ 99 ലിറ്റർ വരെ 99 രൂപ ഡെലിവറി ചാർജ്ജ് നൽക്കണം. കൂടാതെ നൂറ് ലിറ്ററിന് മുകളിൽ വാങ്ങിക്കുന്ന ഓരോ ലിറ്ററിനും ഒരു രൂപ വെച്ച് ഡെലിവറിച്ചാർജാണ് ഉപഭോക്താവ് നൽകേണ്ടി വരിക .അതായത് 300 ലിറ്റർ ഡീസർ ഒരു ബസ് അല്ലെങ്കിൽ ട്രക്ക് ഉടമ വാങ്ങുമ്പോൾ 300 രൂപ ഡെലിവറി ചാർജ് ഇനത്തിൽ നഷ്ടമാകും.
ന്യൂഡൽഹി:എൻ.ഡി.എ യുടെ രാഷ്‌ട്രപതി സ്ഥാനാർഥി പ്രഖ്യാപനം വന്നതിനു തൊട്ടു പിന്നാലെ രാംനാഥ് കോവിന്ദ് ബീഹാർ ഗവർണർ സ്ഥാനം രാജിവെച്ചു.പശ്ചിമ ബംഗാൾ ഗവർണർ കേസരി നാഥ് ത്രിപാഠി താത്കാലികമായി ബീഹാറിന്റെ അധിക ചുമതല കൂടി വഹിക്കും.ചൊവ്വാഴ്ച സമർപ്പിച്ച രാജിക്കത്ത് രാഷ്‌ട്രപതി പ്രണബ് മുഖർജി സ്വീകരിച്ചു.2015 ലാണ് രാംനാഥ് കോവിന്ദ് ബീഹാർ ഗവർണറായി സ്ഥാനമേൽക്കുന്നത്.
കോഴിക്കോട്:കോഴിക്കോട് തൊണ്ടയാട് ബസ് മറിഞ്ഞു നിരവധി പേർക്ക് പരിക്ക്.മെഡിക്കൽ കോളേജ് ഭാഗത്തു നിന്നും കോഴിക്കോട്ടേക്ക് പോവുകയായിരുന്ന ബസ്സാണ് അപകടത്തിൽ പെട്ടത്.ഇരുപതോളവും പേർക്ക് പരിക്കേറ്റു.പരിക്കേറ്റവരെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.സ്ഥലത്തു രക്ഷാപ്രവർത്തനം തുടരുന്നു.
തിരുവനന്തപുരം:ഇന്ന് പ്രസിദ്ധീകരിക്കാനിരുന്ന 2012 എം.ബി.ബി.എസ് ബാച്ചിന്റെ പരീക്ഷാഫലം ചോർന്നതായി പരാതി.കോലഞ്ചേരി മലങ്കര ഓർത്തഡോൿസ് സിറിയൻ മെഡിക്കൽ കോളേജിന്റെ വെബ്സൈറ്റിൽ ഫലം പ്രസിദ്ധീകരിച്ചതോടെയാണ് സംഭവം ശ്രദ്ധയിൽപെട്ടത്. പരിയാരം സഹകരണ മെഡിക്കൽ കോളേജിലെ എം.ബി.ബി.എസ് വിദ്യാർത്ഥികളാണ് പരാതിയുമായി ആദ്യം രംഗത്തെത്തിയത്.ഫലം ശ്രദ്ധയിൽപെട്ടതിനെ തുടർന്ന് വിദ്യാർത്ഥികൾ പരാതിയുമായി ആരോഗ്യസർവ്വകലാശാല അധികൃതരെ സമീപിച്ചു.. തുടർന്ന് ആരോഗ്യസർവ്വകലാശാല അധികൃതർ സൈബർ സെല്ലിൽ പരാതി നൽകിയിട്ടുണ്ട്.അതേസമയം സർവകലാശാലയുടെ വെബ്സൈറ്റ് വഴിയാണ് ഫലം ചോർന്നതെന്നാണ് സൂചന.