കോട്ടയം:കോട്ടയം സ്റ്റാർ ജംഗ്ഷനിലെ എൻ.എസ്.പി ഓഫീസിലേക്ക് സ്വകാര്യ ബസ് ഇടിച്ചു കയറി.ബ്രേക്ക് നഷ്ടപ്പെട്ടതാണ് അപകടകാരണമെന്നാണ് വിവരം.ഡ്രൈവറുടെ അവസരോചിതമായ ഇടപെടൽ മൂലം വൻ ദുരന്തമാണ് ഒഴിവായത്.സംഭവത്തിൽ ആർക്കും പരിക്കുകളില്ല.
GST പഠന ക്ലാസ്സ് സംഘടിപ്പിച്ചു.
ഓടുന്ന ബൈക്കിൽ കമിതാക്കളുടെ സെൽഫി;കാമുകന്റെ ലൈസൻസ് റദ്ദാക്കി
കാക്കനാട്:കമിതാക്കൾ ബൈക്കിൽ സഞ്ചരിക്കുന്നതിനിടെ സെൽഫി എടുത്തതിനെ തുടർന്ന് കാമുകന്റെ ലൈസൻസ് റദ്ദാക്കി.അമിത വേഗതയിലുള്ള ബൈക്കിൽ വെച്ചാണ് ഇവരുടെ പ്രകടനം.കാമുകനെ ചേർത്ത് പിടിച്ച് കാമുകിയാണ് പിന്നിലിരുന്ന് സെൽഫി പകർത്തിയത്.എന്നാൽ മോട്ടോർ വാഹന വകുപ്പ് പിന്നാലെയുള്ളത് ഇവർ ശ്രദ്ധിച്ചതേയില്ല.യാത്രക്കിടെ യുവാവിന്റെ ഹെൽമെറ്റ് ഊരിയും തല വശങ്ങളിലേക്ക് ചെരിച്ചു പിടിച്ചുമൊക്കെ പെൺകുട്ടി സെൽഫി തുടർന്നതോടെയാണ് പോലീസ് വാഹനം തടഞ്ഞു നിർത്തിയത്.തുടർന്ന് അപകടകരമായ രീതിയിൽ വാഹനം ഓടിച്ചെന്നു കാട്ടി കേസ് രജിസ്റ്റർ ചെയ്തു യുവാവിന്റെ ലൈസൻസ് റദ്ദാക്കി.ഇരുവരുടെയും മാതാപിതാക്കളോട് ഹാജരാകാനും പറഞ്ഞിട്ടുണ്ട്.
കൊൽക്കത്തയിൽ പ്ലാസ്റ്റിക് ഫാക്ടറിയിൽ തീപിടുത്തം
കൊൽക്കത്ത:പശ്ചിമബംഗാളിലെ ഹൗറയിലെ പ്ലാസ്റ്റിക് കസേര നിർമാണ ഫാക്ടറിയിൽ വൻതീപിടുത്തം.ഇന്ന് പുലർച്ചയാണ് അപകടം ഉണ്ടായത്. ജീവനക്കാരെ അടിയന്തിരമായി ഒഴിവാക്കിയാൽ വൻദുരന്തം ഒഴിവായി.ആളപായമില്ലെന്നാണ് റിപ്പോർട്ട്.ഫാക്ടറിയുടെ ചില ഭാഗങ്ങൾ കത്തി നശിച്ചെന്നും തീയണക്കുവാൻ വലിയ പ്രയാസം നേരിട്ടെന്നും അഗ്നിരക്ഷാസേന അറിയിച്ചു.
നടിക്കെതിരായ വിവാദ പരാമര്‍ശം: ദിലീപ് ഖേദം പ്രകടിപ്പിച്ചു
കൊച്ചി:നടിക്കെതിരായ വിവാദ പരാമര്‍ശത്തില്‍ നടന്‍ ദിലീപ് ഖേദം പ്രകടിപ്പിച്ചു. അമ്മ യോഗത്തിലാണ് ദിലീപ് ഖേദം പ്രകടിപ്പിച്ചത്. താന്‍ നിരപരാധിയാണെന്നും അമ്മയിലെ എല്ലാ അംഗങ്ങളുടെയും പിന്തുണ തനിക്ക് വേണമെന്നും ദിലീപ് യോഗത്തില്‍ അഭ്യര്‍ഥിച്ചു. നടിയും പള്‍സര്‍ സുനിയും സുഹൃത്തുക്കളായിരുന്നുവെന്നും കൂട്ടുകൂടുമ്പോള്‍ ശ്രദ്ധിക്കണമെന്നുമാണ് ദിലീപ് ചാനല്‍ ചര്‍ച്ചയില്‍ പറഞ്ഞത്. പരാമര്‍ശം വിവാദമായ സാഹചര്യത്തിലാണ് ദിലീപിന്റെ ഖേദപ്രകടനം.
എസ്റ്റേറ്റ് തൊഴിലാളികൾക്ക് നേരെ തോക്ക് ചൂണ്ടി പി.സി ജോർജ് എം.എൽ.എ യുടെ ഭീഷണി
കോട്ടയം:എസ്റ്റേറ്റ് തൊഴിലാളികൾക്ക് നേരെ തോക്ക് ചൂണ്ടി പി.സി ജോർജ് എം.എൽ.എ യുടെ ഭീഷണി.മുണ്ടക്കയം വെള്ളനാടി സ്റ്റേറ്റിലാണ് സംഭവം.എസ്റ്റേറ്റിൽ ഭൂമി കയ്യേറി എന്ന പരാതി പരിശോധിക്കാൻ എത്തിയതായിരുന്നു പി.സി.ജോർജ്.വിവരമറിഞ്ഞെത്തിയ തൊഴിലാളികളും ഭൂമി കയ്യേറിയവരും തമ്മിൽ വാക്കേറ്റമുണ്ടായി.ഇതിനിടെ ഇവിടെയെത്തിയ പി.സി ജോർജ് തൊഴിലാളികളുമായി സംസാരിച്ചു.പ്രതിഷേധം ശക്തമായപ്പോൾ തൊഴിലാളികൾക്ക് നേരെ തോക്കു ചൂണ്ടി പി.സി.ജോർജ് കയർക്കുകയായിരുന്നു.ആസിഡ് ഒഴിക്കുമെന്ന് അദ്ദേഹം ഭീഷണിപ്പെടുത്തിയതായും തൊഴിലാളികൾ ആരോപിച്ചു.ഇതിനിടെ പ്രതിഷേധക്കാരിൽ ഒരാൾ സംഭവം ഫോണിൽ പകർത്തുകയും സമൂഹ മാധ്യമങ്ങളിൽ പോസ്റ്റ് ചെയ്യുകയും ചെയ്തു.എന്നാൽ പ്രാണരക്ഷാർത്ഥമാണ് താൻ തോക്കു ചൂണ്ടിയതെന്നാണ് പി.സി ജോർജിന്റെ വാദം.തനിക്കെതിരായി ആക്രമണം ഉണ്ടാകുന്ന സാഹചര്യത്തിലാണ് രക്ഷപ്പെടാനായി തോക്കെടുത്തത്.തോക്കിനു ലൈസൻസ് ഉള്ളതാണെന്നും അദ്ദേഹം പറഞ്ഞു.
നടിയുമായി ഇപ്പോൾ നല്ല സൗഹൃദമില്ലെന്നു ദിലീപ്
കൊച്ചി: നടിയുമായി ഇപ്പോൾ തനിക്കു നല്ല സൌഹൃദമില്ലെന്ന് ദിലീപ് പോലീസിനോട് പറഞ്ഞു. ആക്രമം ഉണ്ടായപ്പോൾ താൻ ബന്ധപ്പെട്ടിരുന്നു എന്നാൽ നടി സഹകരിച്ചില്ല എന്നും ദിലീപ്. തനിക്ക് പൾസർ സുനിയുമായ് ബന്ധമില്ലെന്നുംചോദ്യം ചെയ്തപ്പോൾ ദിലീപ് പറഞ്ഞു. ദിലീപും നടിയുമായുള്ള ബന്ധവും റിയൽ എസ്റ്റേറ്റ് ബിസിനസും സംബന്ധിച്ച കാര്യങ്ങൾ പോലീസ് ചോദിച്ചറിഞ്ഞു. ആവശ്യമെങ്കിൽ ദിലീപിനെ ഇനിയും ചോദ്യം ചെയ്യാനാണ് അന്വേഷണ സംഘത്തിന്റെ തീരുമാനം.കേസിൽ ഇതുവരെ നടന്ന അന്വേഷണത്തിൽ നിന്ന് ലഭിച്ച തെളിവുകൾ വച്ച് അന്വേഷണ സംഘം വ്യത്യതസ്ത ചോദ്യാവലി തയ്യാറാക്കി. ഇതനുസരിച്ച വിശദമായ ചോദ്യം ചെയ്യലായിരുന്നു ആലുവ പോലീസ് ക്ലബ്ബിൽ 13 മണിക്കൂർ നടന്നത്.പല കാര്യങ്ങളും ദിലീപ് നിഷേധിച്ചു. നടിയുമായുള്ള ദിലീപിന്റെ സൌഹൃദവും പിന്നീട് നടിയുമായി അകലാനുള്ള കാരണം എന്നിവയിൽ അന്വേഷണ സംഘം ചോദിച്ചറിഞ്ഞു. നടിയെ ആക്രമിച്ച സംഭവത്തിലെ തന്റെ പങ്ക് പൂർണമായും നിഷേധിച്ച ദിലീപ് സംഭവം അറിയുന്നത് ഒരു സുഹൃത്ത് ഫോണിൽ വിളിച്ചറിയിച്ചപ്പോഴാണെന്ന് അന്വേഷണ സംഘത്തോട് പറഞ്ഞു
യുഡിഎഫിന്റെ മെട്രോ ജനകീയ യാത്രക്കെതിരെ പൊലീസ് കേസെടുത്തു
കൊച്ചി: യുഡിഎഫ് നേതാക്കളുടെ മെട്രോ ജനകീയ യാത്രക്കെതിരെ പൊലീസ് കേസെടുത്തു. മെട്രോ ചട്ടങ്ങള്‍ ലംഘിച്ചാണ് യുഡിഎിന്റെ യാത്രയെന്ന കെഎംആര്‍എലിന്റെ പരാതിയെ തുടര്‍ന്നാണ് നടപടി. നിയമനടപടിയെ സ്വാഗതം ചെയ്ത ഉമ്മന്‍ചാണ്ടി ഒരു വിഭാഗത്തിനെതിര മാത്രമുള്ള നീക്കമായേ ഇതിനെ കാണാനാകൂയെന്നും പ്രതികരിച്ചു.മുന്‍ മുഖ്യമന്ത്രി ഉമ്മന്‍ ചാണ്ടിയുടെ നേതൃത്വത്തില്‍ മെട്രോയില്‍ ജനകീയ യാത്രയെന്ന പേരിൽ സംഘടിപ്പിച്ച പ്രതിഷേധ യാത്രയ്‌ക്കെതിരെയാണ് പൊലീസ് കേസെടുത്തത്. മെട്രോ അസിസ്റ്റന്റ് ലൈന്‍ സൂപ്രണ്ടിന്റെ പരാതിയിലാണ് ആലുവ പൊലീസിന്റെ നടപടി. ജനകീയ മെട്രോ യാത്രയുടെ സംഘാടകര്‍ക്കെതിരെയാണ് കേസ്. മെട്രോ ചട്ടങ്ങള്‍ ലംഘിച്ചെന്നും യാത്രക്കാരെ ബുദ്ധിമുട്ടിച്ചെന്നും ചൂണ്ടിക്കാട്ടിയാണ് പരാതി.മെട്രോ സംവിധാനത്തിന് തകരാര്‍ ഉണ്ടാക്കി, സ്‌റ്റേഷനില്‍ മുദ്രാവാക്യം വിളിച്ചു എന്നീ കാര്യങ്ങളും പരാതിയില്‍ വ്യക്തമാക്കുന്നു. പ്രത്യേകം പേരുകള്‍ പരാമര്‍ശിക്കാതെയാണ് പൊലീസ് കേസെടുത്തിരിക്കുന്നത്.
ഫോണുകളുടെ വില കൂടും
ന്യൂഡൽഹി:ജി.എസ്.ടി നിലവിൽ വരുന്നതോടെ സ്മാർട്ട് ഫോണുകളുടെ വിലയിൽ വലിയ മാറ്റം വരുമെന്ന് റിപ്പോർട്ടുകൾ.ഐഫോൺ,പിക്സിൽ തുടങ്ങി ഇറക്കുമതി ചെയ്യുന്ന ഒട്ടുമിക്ക ബ്രാൻഡ് ഫോണുകളുടെയും വില കുത്തനെ ഉയരും.മെയ്ക് ഇൻ ഇന്ത്യ പദ്ധതി പ്രകാരം ഇന്ത്യയിൽ നിർമിക്കുന്ന സ്മാർട്ടഫോണുകൾക്ക് നാലു മുതൽ അഞ്ചു ശതമാനം വരെ വില കൂടും.എല്ലാ സ്മാർട്ട് ഫോൺ കമ്പനികളെയും.ഇന്ത്യയിൽ പ്ലാന്റ് തുടങ്ങാൻ പ്രേരിപ്പിക്കുന്നതാണ് ജി.എസ്.ടി.ഇതിന്റെ തുടക്കമെന്നോണം ആപ്പിളും ചില ചൈനീസ് കമ്പനികളും ഇന്ത്യയിൽ പ്ലാന്റ് തുടങ്ങിക്കഴിഞ്ഞു.സ്മാർട്ടഫോണുകൾക്കു പുറമെ ലാപ്‌ടോപ്പുകൾ,കംപ്യൂട്ടറുകൾ,യു.എസ്.ബി,പ്രിൻറർ,മോണിറ്റർ തുടങ്ങിയവയ്ക്കും വില കൂടും.ജി.എസ്.ടി നടപ്പാക്കുന്നതോടെ ടെലികോം കമ്പനികളുടെ സേവനങ്ങൾക്കും കൂടുതൽ തുക നൽകേണ്ടി വരും.കോൾ നിരക്കുകൾ മൂന്നു ശതമാനം വർധിക്കുമെന്നാണ് അറിയുന്നത്.
ഷാർജയിൽ എണ്ണ സംഭരണ കേന്ദ്രത്തിൽ വൻ അഗ്നിബാധ
ഷാർജ:ഷാർജയിലെ എണ്ണ സംഭരണ കേന്ദ്രത്തിൽ വൻ അഗ്നിബാധ.വ്യവസായ മേഖല പത്തിലെ എണ്ണ സംഭരണ ശാലയിലാണ് തീപിടുത്തം ഉണ്ടായത്.ഇന്നലെ ഉച്ചയ്ക്ക് രണ്ടരയോടെ ആയിരുന്നു മേഖലയെ നടുക്കിയ അഗ്നിബാധ.സിവിൽ ഡിഫെൻസ് യൂണിറ്റുകൾ മണിക്കൂറുകളോളം കഠിനാധ്വാനം നടത്തിയാണ് തീ നിയന്ത്രണ വിധേയമാക്കിയത്.ആളപായമില്ലെന്നാണ് പ്രാഥമിക നിഗമനം.ഈ ഭാഗത്തേക്കുള്ള ഗതാഗതം തടഞ്ഞിരിക്കുകയാണ്.തൊളിലാളികളെയും മറ്റും സുരക്ഷിത കേന്ദ്രങ്ങളിലേക്ക് മാറ്റി.വൈദ്യുതി ബന്ധം വിച്ഛേദിച്ചു.കനത്ത ചൂടും കാറ്റും രക്ഷാപ്രവർത്തനം ദുസ്സഹമാക്കി.